¹ Xwetɔ ye, sɔ onu ke na nyɔwɛn bo sɔ gbe a sɔ na kannumɔ ye. Mi nyɔ bio mi ye can mi ɖo Xwetɔ le jiŋkunsin. ² Mi nɔ te gliŋ le ɛɖɛ mɛ. Mi nɔ ŋzɔn le ɛɖɛ mɛ kpo do ɛkpɛ dido mɛ. ³ Mi xo ɛɖɛ kpokpo do ota na mi ye can, na Mawu a do hun omɔ na oxo ɔ, a do lɔ oxojɔxo ke na xla le Kliso mɛ. Do oxo xin wu-ɔ, ko le caba ye mɛ. ⁴ Mi xo ɛɖɛ na na ko to oxo-ɔ nɔ na ma nɔ ɖo onu nyinyɛn. ⁵ Mi zɔn le zinezin mɛ do dan ɛmɛ ke n,a le gaji ye kɔn, a bo hlɛndo ganmɛ-ɔ. ⁶ Oxo lilɔ mia tɔn ye ɔ ni nɔ nyi ɛkpɛ dido ɖoɖio. Ni nɔ nyi oxo vivi ke nyɔ sise na mia do nyɔ ke mi na nɔ ɖo e wu na ɛmɛ ɖokpo ɖokpo. ⁷ Na onu ke kan blɔ ye ɔ, Ticiki na luɛ na mi. E nyi nɔvi wannyina nɔ, odan sɔvi le gbeji, bo nyi kannumɔ ɖi blɔ ha le Xwetɔ mɛ. ⁸ Ko duɛn dodan mi mia do se bo we oxo ye a bo do do hɔnhlɔn mi. ⁹ Ko dɔn yi kpo Onezimu kpo, nɔvi le ogbeji wanyi na nɔ, ke nyi mia nɔviɔ ɖokpo. E na va lɔ onu ke jɔ le buɛ ye bi na mi. ¹⁰ Alisitaki ke le ogan kpa mɛ kpo-ɔ, e do ogbe do dan mi nɔ, Maki can nɔvi na Banabasi( ke ji mi yi mia we oxo lɔ na ɛmɛ gbɔn, na e va mia kɔn mi yi,) ¹¹ e mɔ ha ke Yesu ke ye yɔ bio Jusitusi. Ye wɛ nyi jufwutɔ ye ke gbo ada bo wa odan kpo nɔ na xɔluɖuxwe Mawu tɔn. Ye wɛ nyi ɔlɔ na ɛmɛ tɔ tɛ ye. ¹² Epaflasu o do ogbe na mi nɔ. Ɛmɛ ɖokpo wɛ e nyi le mia mɛ mɛ ɖokpo le kanumɔ Yesu Kliso tɔn. E nɔ fun ahan do mia ta le okue fifan mɛ, na mia do nɔ te gli un kpo kando e jio titeŋ gbe kpo le Mawu we ojro mɛ. ¹³ Ɖo ko ɖe kunu mi nɔ, e mɔ no wa odan vivɛ ɖe na mi, na Laodise, na mɛ ke le Hielapolisu. ¹⁴ Luki wannyi na nɔ ke nyi doto, kpo Damasu ye do ogbe na mi nɔ. ¹⁵ Mi do ogbe na mia nɔviɔ ye ke le Laodise kpo Nifasu, cɔci ke le yi xwe. ¹⁶ Gan ke mɛ ye na xlɛ wema ke le mia mɛ, mi mɔ xlɛ le Laodise we cɔci, mi tɛnkpɔn a bo xlɛ wema ke sɔn Laodise can. ¹⁷ Mi lɔ na Alicipu, « Wle bio na odan do asi ke o yi le xwetɔ kɔn na a do kpewu a wesi nyɔɛn ɖe.» ¹⁸ Ogbe do na ɛmɛ ke-ɔ blɔ Pɔlu tete wɛ wlin. Mi flin-ŋ le gan kpa mɛ ke ko le. Na ɛfɛ nu Mawu tɔn ni nɔ kpo mi.