¹ Ɖo ko jro na mia nyɔ zɔnnɛ nu ke ahwan ke mi fun do ota na mi nɔ ye mɔ glo ɖo, na Laodise tɔ ye kpo do ɛmɛ sia mɛ ke ɔn kpɔ ŋumɛ tɛ ye kpɔn ye nɔ. ² Nɛ ye a do oji a bo do wasi ɖo kpo le wan nyinyi mɛ, ye mɔ do ɖo kande ji blebu ke na zinzin ado dwe ke nɔ na ɛmɛ, a bo do nyɔ Mawu ke nyi Kliso. ³ Yi mɛ wɛ onu nyinywɛ kpodo onu gɔmɛ sise we dɔkun heɖeɖe hwla do. ⁴ Kolɔ oxo ke ye nɔ na ɛmɛ ɖe a ka mɔ sɔ aglan mɛ ɖuɖu do blɛ mi nɔ. ⁵ Na ko ɔn le mia kɔn le gbaza mɛ can, ko le mia kɔn le gbigbɔ mɛ, e bo nyi jijwɛ na ke ɖo mi nɔ wa onu do ɖido nu, bo mɔ le kion le xɔse ke le mi ɖo do Kliso ji mɛ ^{6 7} Ke le emɔ, ke mi yi Yesu Kliso, Mi zɔnzɔn ni le e mɛ. Mi ɖe okyɔn a bo ɖo dodwe do eji, mi mɔ lido le xɔse mɛ ɖi le na ye kplan mi ɖo ha, mi mɔ no do ɛkpɛ na Mawu tɛ ye. ⁸ Mi kpɔn mia ɖe ji, mi ko mɔ flɛ jɛ omɔ ɖiɖo ke ye na ɖo na mi, doghbɔn ɛmɛ blɛ ɖu we oxo ye, oxo vovo ye ke sɔn gbɛtɔ we oniu nyinywɛ mɛ nɔ. Onu nyɛn ke xi nɛ nyi do gbɛtɔ we onu nyinywɛ nyɛn ji. Kɔ nu wiwa ye kpodo gbɛtɔ ye we hɔnhlɔn ji e ko nɔ le Kliso ji. Yi wɛ dɔn Mawu do kɔ-ɛ do ota na onu bi bo sɔ ŋukɔ ke le ta na onu kɔ ye bi sɔ ni. ⁹ Ɖo onu ke Mawu nyi ble bu, wɛ le Kliso we goto. ¹⁰ Mi ɖo onu bitu le e lɔ, ke na nyi oga na mi le ɛcɛ kpikpa oga ɖuɖu bi mɛ na mi. ¹¹ Yi mɛ wɛ ye gbo ada na mi le e ko nyi ada gbigbo ke gbɛtɔ ɔn gbo naz ɛmɛ, vɔ ke na Kliso tete gbo na ɛmɛ, ke na nyi bio mi na ɖe onu nyinylan we ɛgbɛ ke mi sɔ do ye do nyi. ¹² Ye ɖi mi kpo do yi kpo gbɔnnyinylɔn mɛ yi wɛ mi fɔn sɔnoku le yi mɛ kpoe, gbɔn do Mawu we hɔnhlɔn ke na fwɛn sɔn oku. ¹³ Mi ye ke ku san do mia we nu vwɛn wutu, kpo ada man gbo na mia we agbaza, e sɔ ɛgbɛ na mi do gbɔn yi tete ɔ ji. E sɔ mia we ɔgɔ jijɛ ye sɔ kɛmi. ¹⁴ E tutu onu ke ye wlan do mia wu bo do do ɛxwɛ na mi nɔ ye tɛ, e bo ɖe ye tɛ bo kan ye do atinsoga wu. E ¹⁵ ɖe ɛcɛ kpikpa kpo oga ɖuɖu ye do govɛ le ɛmɛ ye lɛ bo ɖu le ye ji gbɔn atisoga ji. ¹⁶ Ɛmɛ ti ni ka mɔ do kaja na mi sɔn onu ɖuɖu kpo onu nunu wu, alo do pxwe ɖuɖu wu, do suzan yoyo wu alo gbɔjwɛ zan wu; ¹⁷ onu xin ye bi-ɔ ye nyi fifye onu ke na gbɔnɔn ye tɔn, vɔ onu tete-ɔ le Yesu mɛ. ¹⁸ Mi ka mɔ na ɛmɛ ɖe azi mia ji na mia do hwe ojo tɔn na mia do sin ɛmɛndotɔ Mawu tɔn, ado ɛhwɛ na mi o. ɛmɛ e mɔ ha tɔn ye nɔ tɛdo ɖiɖe xlɛ ke na ye kpɔn ye wu, gbaza mɛ we zinzin ke na ye nɔ ɖo ye, bo nɔ na na ye nɔ yigo taŋu vovo. ¹⁹ Ke na mi hɔn nɔ, tɛ do oga wu ke na olankpo yi tɔn ye bi, kpɔn nu kpo vivɛ ɖe bo bɔ kpodo cica ye kpo kan cica ye nɔ don go yiyi ke na Mawu nɔ na. ²⁰ Na mi ku kpodo Kliso kpo ɛgbɛ we walɔ ye, ŋnidɔn, le mi le ɛgbɛ mɛ ha, ye nɔ do olo bio osɛn ki ye wɛ mi na wa do:« a mɔ sɔ! ka mɔ n! ²¹ ko mɔ tɔ ɔlɔ!» ²² Osɛn ye ke mɛ bi nɔ wasi kpo ɛcɛ kpikpa, ke nyin ɖiɖo sɛgbɔn osɛn ye wu kpo onu kplan mɛ gbɛtɔ ye tn wu? ²³ Ye ɖo, na xɔjɔxo ɖiɖe xlɛ zinzin tɔn, ke mɛ na ye do sɔ ni sisin gro tɔn nɔ, mɛ ɖe sɔhwe kpo oya ma ki na dan kpo ye, vɔ nyɔ ɖo nu nyin nyɔ ti bo nɔ gɔlɔ na gbaza lilɛ