¹ Nywɛn bio le azan godo tɔn ye mɛ, vivɛ sise na le. ² Ɖo gbɛtɔ ye na yigo, oho we hadwoe, bo wɛ le blɛ wasitɔ, onuɖaxoɖo nutɔ, ɔcɔnkɔntɔ, ogufɔntɔ na yetɔ, kplan masetɔ, gbesisɔ manɔn tɔ. ³ Ɛmɛ manyɛntɔ, unzɔn manɔntɔ, onu xwedo ɛmɛtɔ, kɛntɔ oho tɔn yetɔ, ⁴ ɛmexutɔ, naku, na gɔ kpo go yiyi, a mɔn nyi owan nan ɛgbɛ ɖuɖu hu Mawu. ⁵ A mɔn ɖo ni nɔn mɛ Mawu sisɛn tɔn xa tɔ ye vɔ a mɔn gbɛ nuke nɔn nan hɔnhlɔn, tɛyi le ɛme emɔn tɔn ye wu. ⁶ Ɛmɛ ye ye mɛ ke nɔn ɖiɛ oxweye gbe a mɔn wle nyɔnu ke ɖo gbigbɔ ke ɔndo hɔnhlɔn. Kpodo ke ɔn nyɔn nu, bo le gbesisɔ na do wa nuvwɛn, bo ciji mɛɖe kpokpoe. ⁷ Bo nɔn kplan nunɔn vɔ nyɔn nɔn kan na nyɔn oxojɔxo. ⁸ Ɖokpo-ɔ ke Jani kpodo Jaan blɛ kpan ŋkɔn Moyizi, ye ɖokpo-ɔ ke ye mɔn kpan unkɔn tɔ xoxjɔxo. Ke yeɖo gbeɖo kpɔ, bo ɖe xwlɛ le ke kan xɔse wu. ⁹ Vɔ nyɔn va wa nuɖaxo ɖe nɔn; ɖo ye we okle na wadan gun do sɔn, leɖi ke na ɛmɛ ɔwe kiye wasi ha. ¹⁰ Tɔ we, oɖoto bowe nukplan mɛ bowe ɛmɛ kpikplɔ, bowe odan ke ko wa ye, bowe xɔse, bowe fifa, ¹¹ bowe wan nyi-nyi, bowe ogbe ni na. Bo we o nyran kan nan ɛmɛ ye bowe vivɛsise ye. Vivɛsise ni nɛ ko se le Antiɔ-cu, le Ikɔnu, le Lystru? O nyran kan nan ɛmɛ ni nɛ kɔn xɛn? Vɔ xwetɔ bo tunkan na le nubi mɛ. ¹² Vɔ, mɛke na jro na nɔn ɛgbɛ le Yesu Kliso sisɛn mɛ ye na kan onyran na ye. ¹³ Vɔ ɛme nyinyran ye kpodo ɛmɛhutɔye na yi unkɔn tɛgbɛ le onyran wiwa mɛ de ji, a mɔn bu mɛɖiɔ ye kpodo a mɔn bu yetete ye can. ¹⁴ Lɔ, nɔn ote le nuke okplan ye mɛ kpodo a mɔn nyɔn mɛke kɔn okplan ye le; ¹⁵ Sɔn iwe ovi-u, o nyɔn Mawu xo winwlan. Ye ke na ona nyi nu nywɛn zinzintɔ na hwlɛngan kpo xɔse kpo le Yesu Kliso mɛ. ¹⁶ Mawu xo wiwlan ye, a do gbeje ye bi sɔn Mawu kɔn, bo nyɔn hwɛn na onukplan ɛmɛ, na omɔ xwlɛ mɛ, na a bo gbeje nu, na a do kplan ɛmɛ le ɛmɛ mi mɛn nyi-nyi mɛ, ¹⁷ Na gbɛtɔ Mawu sɛntɔ a do nyi ɛmɛ mimɛn kpodo a mɔn nywɛn mɛ ke na wa Mawu we odan nywɛn ye.