¹ Ko klpan onou wu we nɔn le Mawu kpodo Yesu Kliso we ŋkɔn , ɛmɛ ke na va ɖo kojo nan ɛmɛ ke le ɛgbɛ ye kpo ɛmɛ kuku ye kpo, do yi we titrɔ va kpodo xɔluɖuxwe itɔn wu: ² to Mawu we oxo. Nɔn ogbe sisɔ nan ganmɛ le alo ganmɛ ɔn le o. Gbɛ onu nan ɛmɛ, dɔn oto nan ɛmɛ, do hɔnhlɔn wu ɛmɛ, kpo ohun kuku kpo onu kplan ɛmɛ. ³ Ɖo ganmɛ o gbɔn nɔn ke na ɛmɛye ɔ ɔn mɔn ba va nyi oxo mimɛ ɔn nɔn. Vɔ, ye nan kan onu kplan ɛmɛtɔ nan ye ɖe nan ye a do kplan onu kena yetete o kan nɔn wu ye. Ke nan vivi do oto mɛ nan ye. Ye nan tu oto do oxojɔxo , ⁴ vɔ hin ɔn a bo trɔ okɔ yi ɛgbɛmɛ we oxo ye kɔn. ⁵ Vɔ lɔ, nɔn aceji le onu sianu mɛ; kpe ofun ye; wasi ɛwɛn nywɛn jra tɔ we odan, wa odan tɔ we nywɛɖe. ⁶ Ɖo ko sɔ ɖye sɔ na bi. Sinsɔn tɛye we ogan xo. ⁷ Ko wa ahwan onyɛn; ko kpa odun dido tɛye; ko hɛn yise wu. ⁸ Ye sɔ jijwɛ nyinyi we oga gba sɔ ɖo onyi na, oga gba ke hwetɔ , kojoɖotɔ jijɔ, na sɔ na le azan xi gbe. E ɔn nyi boɖoɖyo nɔ , vɔ ɛmɛ ke na nyi owan na iwe titro va can. ⁹ Yawu na va kpɔn . ¹⁰ Ɖo Demasi o lɛ le kɔn ye. E nyi owan na ɛgbɛ syɛ tɔn e bo sɔn yi Tesaloniki. klesan bo sɔn yi Galatii , Titu bo sɔn yi Dalimati. ¹¹ Lwiki ɖoɖyo ge we ci kɔn ye. Kpolɔ Manki va kɔn ye , ɖo e vɛ na le odan mɛ din. ¹² Ko dɔn Ticiki dodan Efɛzu. ¹³ Awu vluya ke ko jodo Trowasi le Kalupusi kɔn , na ogbɔn nɔ swɛ do va na , kpo wema ye, vivɛɖe wema ke na ye sɔ olan gbaza do wasi. ¹⁴ Alɛsandru gbɛdɛ ɔ e wa ɛfɛn susu dodan blɔ. Xwetɔ ɔ na ɖo yi we tɛnxo nii. ¹⁵ Mi ɖo nan cɔ miaɖe le ewu, ɖo i can ci ote do oxo tɛye wu. ¹⁶ gankemɛ ye yɔ le ɛhwɛ ɖɔ tyɔn ɔ, bo ɖokpo gee wɛ nyi nan ɖiye, mi mɛn ti ɔn va kpedo wu ye. Vɔ ɔ, mɛbi tu jo do. Mawu ni ka mɔn ɖo yi we tɛnxo nan ye. ¹⁷ Vɔ Xwetɔ wɛ kpedo wu ye bo do hɔnhlɔn wu, nan do gbɔn ji ye ɔ, ɛwɛn dido ɔ nan va emɛ, nan man yise nɔn ye a do se. Ye nyi nan le okpɔ we numɛ. ¹⁸ Xwetɔ ɔ nan nyi nan le onu nyinylan ɖekpokpoe me a bo sɔ va yi yi we xɔluɖuwe kinkwɛn. Nan gigo ni nyi nan yi we ŋkɔ sɔn egbe sɔn yi manvɔ. Ami! ¹⁹ Do ogbe nan Plisili kpodo Akilasi, kpodo Onesifɔlu we hwɛndo. ²⁰ Elasi ci Colɛnti, vɔ ko jo Tlofimu ɔdɔnnɔn do Milé. ²¹ Yawu nan va gbɔxwe nan vivo we ganmɛ a va. Ebulusi do ogbe dodan we, Pudɛnsi, Linusi, Klaudiya, kpodo nɔnvi unsunglo ye bi do ogbe dodan we. ²² Xwetɔ ni nɔn kpodo yiwe gbigbɔ. Fifa ni nɔn kpodo we. Ami.