¹ Vɔ gbigbɔ ɖe do ovo elɔ nywɛnɖe lɔ bio le azan godo tɔn ye ɔ, ɛmɛɖe ye na va gbɛ xɔse a bo ɖyɛ gbigbɔ ke nɔn dɔn ɛmɛ ye mɛ kpodo gbigbɔ nyinylan we onu kpinkpɔn ye mɛ, ² sɔ gbɔndo ɛyɛ mɛnu wiwa kpo ojo kinkan ke le ayixa mɛ nan ye. ³ Ye nan gbɛ osu alo nyɔnu ɖiɖe na ɛmɛ ye a bo gbɛ onu ɖuɖu ke Mawu wasi bo lɔ bio xɔsetɔ ye ɔ mɔn ɖui kpodo ɛkpɛ dido kpo sɔn ye we ayixwa xojɔxo tɔn mɛ. ⁴ Ɖo onu kena Mawu wasi ye ɔ bi nyɔn hwɛn, nu ke na mi nɔn ɖu kpo ɛkpɛ dido ye ɔ ti ɔn le nan mi na gbɛ, ⁵ ɖo Mawu sɔn oxo yitɔn bo do kɔn onu ɖuɖu ye wu sɔgbɔn do ɛɖɛ xixo mɛ. ⁶ Nan okplan onu xiye nɔnviye nɔn, onan nyi dansɔvi o nywɛn Yesu Kliso tɔn, ɖu xɔse we onu ɖuɖu kpodo okplan nywɛn ke o nyi le kɔn ye e. ⁷ Vɔ gbɛ didɛn ke tito ke na nyɔnusi nyɔnxonɔn ye nɔn nyi owan nan, gbɔn vo ɔ, wasi Mawu we onu ye. ⁸ Ɖo odan wiwa le gbaza mɛ ɔ ɔn le vivɛɖe le onu susu mɛ, ganke ɔ Mawu we onu ye wiwasi le vivɛɖe le onu bi mɛ, e bo ɖo ɛgbɛ siɛ tɔn we jɔgbe fifian kpodo ɛgbɛ kena va va tɔn. ⁹ Oxo ke ɔ e jɛ nan ye na yi bo nyi oxo le yiwe tɛnxo. ¹⁰ Iwɛdɔn mi do jɛ gbagba bo wa odan nɔn sisiɛn xu ɖe, ɖo mi sɔn mia we mɔn kpinkpɔn sɔ mia we Mawu ɛgbio-ɛgbio ji, ke na nyi hwlɛngan tɔ na ɛmɛ ye bi, vivɛɖe ɔ mɛke nan yise ye. ¹¹ Lɔ oxo kiye a bo kplan ye. ¹² Ɛmɛti ni ko mɔn gbɛ owan nan wanje vi nyi-nyi tɔwe, vɔ, nyi kpɔndewu nan ɛmɛ ke na yise ye, le oxo lilɔ mɛ, le zizan mɛ, le wan nyi-nyi mɛ, le yise mɛ kpo mimɛ ninɔn mɛ. ¹³ Gbun do jɛ ogankanmɛ ko nan trɔ va, nɔn xlɛ onu, a bo do hɔnhlɔn a bo kplan onu. ¹⁴ Ka mɔn ɖe okɔ le onu ninan ke ye sɔ nan we gbɔn oxolɔɖenyi kpodo ɔlɔ ɖo ota nan ɛmɛ agun mɛhyɔn ye tɔn. ¹⁵ Kpe oŋu do onu emɔn ha tɔn wu, nɔn ye mɛ, nan do yi ŋkɔn le nubi mɛ. ¹⁶ Kpɔn ɖiwe ji kpodo onukpinkplan tɔwe ji, do vivɛ onu le ye mɛ, ɖo ogankemɛ o wasi do e mɔn ha nɔn ona hwlɛn ɖiwe gan kpodo ɛmɛ kena ɖo oto wu we nɔn ye.