¹ Oxo jɔ xo tete wɛ nyi oxo ke a mɛ ɖe jlo na nyi agun kplɔ tɔ odan nywɛ wɛ akan nɔ. ² Agun kplɔtɔ ɖo na nyi ɛmɛ ke wu na ye ɔn kpɔn onu gugu ti le nɔn, e na ɖe yɔnu ɖokpo ge a bo nɔ wa onu do onu tɛnxo, e ɖo na nɔ bu ta mɛ gbɔxwe a do wa onu a bo ɖo walɔ nywɛ, e ɖo na nɔ nyi jonɔ ganji, e ɖo na nyi ɛmɛ ke ke na kpewu kplan onu ɛmɛ. ³ E ɔn ɖo na nɔ nu ahan , e ɔn ɖo na nɔn ylan ku vɔ e ɖo na yɔn dɔmɛn a bo yi wan na fifa, ɔn ɖo nan yi wan na oxo diin. ⁴ E ɖo na nyi xwetɔ o nywɛn le oxwe etɔn gbe ye nywɛɖe vikpɛ etɔn ye mɔn se otonu e bo na kplan vikpɛ itɔn ye kpodo ɛmɛ sisi kpo. ⁵ Ɖo na ɛmɛ ɖe ɔn kpewu kplɔ ɛmɛ ke na le oxwe gbe ni yee ɔ, naɖe e na wa a do kplɔ Mawu we agun ? ⁶ E ɔn ɖo na yi ɛmɛ ke na trɔ jimɛ yoyo, na e ɔn nyi emɔn ha ɔ, e na va gɔ kpodo ogoyiyi, Mawu bo na va do ɛhuɛ ni ɖi lɛgba ha. ⁷ Mɔ bɔ do ewu, ɛmɛ ke ɔn nyi xɔsetɔye can ɖo na nɔ ɖe kunu nywɛ do e wu. E mɔn ha ɛmɛye ko mɔn na suɛ ɖo kpɔn onu ɖekpokpoe, e ko mɔ do jɛ legba we omɔn ɖiɖo ye mɛ nɔ. ⁸ Agun ji we odansɔtɔye can ɖo na nyi ɛmɛ ke na jɛ na sisi a bo nɔ to oxojɔxo. Ye ɔn ɖo na nɔ nu ahan diin, ye ko ɖo na nɔ xo ɛmɛ ɖu. ⁹ Ye ɖo na tɛ do xɔse we oxojɔxo ke na Mawu ɖe sɔ xlɛ wu taŋ, kpodo ayixa mimɛ. ¹⁰ Na ye na sɔ mɛɖe a do ɖo agun ji we odansɔtɔ nɔ, ye doe kpɔn gbɔxwe, i we godo na ye ɔn kpɔn onu gugu ɖe le ewu, e mɔn bɛ odan ɔ. ¹¹ Nyɔnusiye ke nɔn sɔ odan le agun mɛ ye can jɛ na sisi, ye ko ɖo na nyi ɛmɛxolɔtɔ, ye ni nɔn wa onu do onu tɛnxo a bo nɔn nɔn gbeji le onu sianu mɛ. ¹² Agun ji wɛ odansɔtɔ yɔnu ɖokpo ge wɛ e ɖo na ɖe e ɖo na kplɔ vikpɛ etɔn ye kpodo xwetɔ etɔn nywɛɖe. ¹³ Ɖo agun ji we odansɔtɔ ye ke nɔn va odan yetɔnye ganji bubu wa odan yetɔnye ganji bubu ɖaxo ɖe nɔnɔ ye wu ye bo nɔ ɖo kan do eji ɖaxo le xɔse mɛ le Kliso Yesu mɛ. ¹⁴ Ko wlan wema ke dodan we nɔ, ojlo tɛye wɛ nyi bio ma mɔn va kɔnwe le ma din ma din mɛ. ¹⁵ Vɔ na viva tɛye o din nɔn wema ke mɔn na nan ɖo yɔn ke o na zɔnɖo le Mawu we xwedo mɛ, iwe nyi Mawu ɛgbɛ gbio we agun, bo nyi gundo kpodo dodwe na xojɔxo ɔ. ¹⁶ Le xojɔxo mɛ, oxo hwihwla ke Mawu ɖe xlɛ mi bio miye ɖo na kan do eji ɔ e glo taŋ. Gbigbɔ kinkwɛn bo ɖo ɛkpɛn eji bio emɔn nyi ɛmɛ jijɔ ɛwɛndotɔ Mawutɔnye bo kpɔn-e ye bo jla oxo etɔn le mɛ ke ɔnyi Jwifuye mɛ, ɛmɛ susu bo kan do oxo etɔn ji le ɛgbɛ ɔ mɛ bi, Mawu bo xɔɛ do sɔn yi jiŋukunsi le gigo mɛ.