¹ Ko do hɔnhlɔn wu we nɔn, jɛŋkɔn nan onu sia onu, nɔn wasi onu bibyɔ, ɛɖɛ xo do ota na ɛmɛ, ɛkpɛ dido do ɛmɛ bi ta. ² Nan xɔlu ye kpo ɛmɛ kpa ɛcɛ ye nan mia do nɔn ɛgbɛ fifa kpo ɛgbɛ ke le xui-i, le onu Mawu we onu ye kena nyɔn hwɛn. ³ Eke ɔ e yɔn hwɛn bo jɛ oŋu le Mawu mia we hwlɛngantɔ we ŋkɔn. ⁴ E jro lɔ bio gbɛtɔ ye bi a kpɔn hlɛngan a bo nyɔn oxojɔxo ɔ. ⁵ Ɖo Mawu ɖokpo wɛ le, ɛvun ɖatɔ ɖokpo wɛ le Mawu kpo ɛgbɛtɔ ye we dodomɛ, Yesu Kliso, ⁶ ke na sɔ yiɖe sɔ nan do mɛbi nu, iwɛ nyi kunnu ɖiɖe ke nan ko ɖe le gankemɛ ko nan ɖe ɔ. ⁷ Onu xi wɛdɔn nan ye do sɔ blɔ sɔ ɖo Mawu xo lɔ tɔ kpo ɛmɛ dindɔn. Oxo jɔ xo wɛ ko lɔ nɔn ko ɔn kan ojo nɔn. Ko nyi onu kplan ɛmɛtɔ manxɔsetɔ ye tɔn le yise mɛ kpo oxojɔxo mɛ. ⁸ Ko jro bio ɛmɛ bi ni xo ɛɖɛ le ofi bi, a bo nɔn kɔ ɔlɔ mimɛ ye yi jihwe aɖi man nɔn emɛ onu dindɔn man nɔn emɛ. ⁹ E mɔn ke, ko jro bio nyɔnnusi ye ɔ, ye ni ɖo ɔcɔ ke na jɛ, leɖi ke e le ɖo ha kpodo ɛmɛ ɖe ji ɖule. Ye ni ko mɔn bla oɖa acan tɔn, ye ko nan do sika nu, ye ko nan do jɛnu, ye ko nan do onu zizan ke vɛ oho; ¹⁰ vɔ ye ni ɖo ɔcɔ kpo on u zizan ke na jɛ nan nyɔnnusi ke nɔn Mawu we onu ye sɔ gbɔn do odan o nywɛn ye mɛ. ¹¹ Nyɔnnusi ɖo nan kplan onu le onu bɔ nyi mɛ kpodo ɛmɛ ɖe sɔ hue mɛ. ¹² Kɔn nan ogbe wu nyɔnnusi lɔ ni mɔn kplan onu wu ɛmɛ alo a azan ɛcɛ kpikpa do osu ɔ ji, vɔ e ɖo nan bɔ onu xui. ¹³ Ɖo Adamu hwe wɛ Mawu wasi jɛ ŋkɔn, bo va wasi ɛvu bɔ do e wu. ¹⁴ E ɔn nyi Adamu hwɛ ye blɛ jɛ ŋkɔn, vɔ nyɔnnusi ɔ wɛ ye blɛ jɛ ŋkɔn, nan e do gba osɛn. ¹⁵ Ganke ɔ e nan kpɔn hwlɛngan gbɔndo ovi jiji mɛ, na e nyi bio e do vivɛnu le yise mɛ, le owan nyi-nyi mɛ kpodso kinkɔn nyi-nyi kpo susu mimɛ.