1 Do vɔɛ ɔ, nɔnviye, mi nan oji dido wu mi nɔn kpo hɔnhlɔn kpo xwetɔ Yesu mɛ. Leɖi ke mi se le mia nu ɖo ha, ke mi na zɔn ɖɔ a do jɛŋ na Mawu; iwɛ mi zɔndo, mi mɔn nyi eji hugan e mɔn ha. 2 Ɖo mi nyɔn oxo ke mi lɔ na mi ye gbɔndo mia we xwetɔ Yesu ji. 3 Ɖo eke nyi ojro Mawutɔn: mia we kikɔn nyi-nyi, wɛ nyi bio mi kpɔn miaɖe ji lewalɔ ɖuɖiu oxo ɖiɖo ye tɔn mɛ, 4 ɛmɛ ɖokpo-ɖokpo ni nyɔn ke na yitete we agbaza le kinkɔn nyi-nyi mɛ kpo bubu mɛ. 5 A bo ka mɔn sɔ miaɖe sɔ nan onu kpɔn jro ɛmɛ gbɔn do ewu (Leɖi kena maxɔse tɔ ye ke ɔn nyɔn nɔn wasi ɖo ha). 6 Ɛmɛ ti ni ka mɔn wa onu gugu alo onu nyinylan do nɔnviɔ ɖyɔ le onu kiye mɛ. Ɖo, xwetɔ e nɔn ɖe hlɔn na onu xiye bi, ɖike mi o lɔɛ ɖo na mi se bo ɖo ɛkpɛn ji ɖo ha. 7 Ɖo Mawu ɔn yɔ mi na mankɔn-mankɔn, vɔ kinkɔn nyi-nyi wɛ e yɔ mi nan. 8 Iwɛdɔn, mɛke nan gbɛ okplan kiye ɔ ɔn gbɛ gbetɔ ye, vɔ Mawu wɛ e gbɛ, ke nɔn sɔ yiwe gbigbɔ ɖedovo sɔ na mi. 9 Ke na kan wan nyi-nyi nan ɛmɛ nɔn vi ɔ, mi ɔn mɔn hian bio ye nan mɔn wlan onu do ewu na mi, ɖo Mawu tete, kpan onu wu min, bio mi mɔ nyi owan na miaɖe. 10 Taŋ ɔ iwɛ nyi onu ke na mi xasi nɔ na mia nɔviɔ ke le Mansedwanu ye . Vɔ mi do hɔnhlɔn wu mi nɔ, nɔnvi ye , a mɔn wasi hu emɔn ha . 11 Mi mɔ do hɔnhlɔn wu mi nɔ ke a nɔ jro xwi ninɔn , a bo wa odan mia tɔn ye , awa odan kpo ɔlɔ mia tɔn, ɖike mi dɔn mi ɖo san ha. 12 Mi wasi eke, a do kpewu-ɔ a zan zizan o nywɛn kpodo ɛmɛ bubu dodan ɛmɛ ke ɔn le yise mɛ ye, na onuti ko mɔn na hudo mi. 13 Mi ɔn jro, nɔnviye, na mia caka dɔn ɛmɛ ke dɔ xlɔn ye wu, na mi ɔn nan do ci vivɛsise mɛ leɖi ɛmɛ ɖiɛ ye ke ɔn ɖo oji ɖiɖe do sɔɛ wu. 14 Ɖo na mi nywɛn bio Yesu ku bo mɔn fɔn sɔn ɛmɛ kuku ye mɛ, e mɔnha ke wɛ, Mawu nan hɛn mɛke nan dɔn wlɔn le Yesu mɛ ye gbɔn va ɖo. 15 Ɖo ixɛn nyi ke, mi lɔ na mi nɔn gbɔn xwetɔ we oxo mɛ, miye ɔn jɛŋkɔn na ye mɛ ke dɔ wlɔn ye nɔn. 16 Ɖo xwetɔ tete nan sɔn jiŋkunsi. E nan va kpo axwa kpo, kpodo ɛwɛn do tɔ ye we oga we ogbe, kpodo okpɛn Mawu tɔn, ɛmɛke na ku le Kliso mɛ ye nan fɔn sɔn oku jɛŋkɔn. 17 Mi ye ke nan le ɛgbɛ ye ɔ, bo gbɛ le ye nan kɔ mi kpɔkpɔ kpoye le suxo ye mɛ mi mɔn ve kpe xwetɔ le jɛhɔn mɛ, mi mɔn ve nɔn kpɔkpɔ kpoe tɛgbɛ. 18 Mi fa oji minɔniɔ ye kpo oxo kiye kpo.