¹ Siɛ-ɔ, onu ke nɔn kan azanye kpo ye we hwenu ye ɔ, nɔnviye, ɔn mɔn hian bio ye nan wlan onu do ewu nan mi. ² Ɖo miye tet mi nywɛ nywɛɖe bio xwetɔ we azan o gbɔnnɔn leɖi fianfinɔn le ozan mɛ ha. ³ Nan ye lɔ nɔn bio:«Fifaa kpo oji ɖiɖe kpo,» zɔnɔkpo ɔ cicrɔn kpataŋ ɖe na va ye ji. E nan leɖi ke ovijiji we vivɛsise nɔn va nan gomi nɔn ɖo ha. Ye ɛmɛti ɔn kpewu nan si. ⁴ Vɔ mi ye, nɔviye, mi ɔn le vuvlu mɛ, nan azan emɔn ha tɔn a va tu mi leɖi fianfinɔn ha. ⁵ Ɖo mimɛ bi nyi kinklɛn kpo kiklo we vikpɛye. Mi ɔn nyi zanmɛ we vi, mi ko nyi vuvlu tɔn. ⁶ E mɔnha ke ɔ, mi ko mɔn dɔ ɔwlɔn ɖɩ mɛɖiɛ ye ha, vɔ mi nɔn ŋzɔn a bo nɔn ace ji. ⁷ Ɖo ɛmɛ ke dɔ ɔwlɔn ye ɔ, ye dɔ ɔwlɔn le ozanmɛ, mɛke nan mu ahan oye ɔ, ye mu le zanmɛ. ⁸ Vɔ, ke na mi nyi kiklo we vikpɛ ye,mian nɔn aceji; a bo sɔ ogan wu xɔse tɔn a sɔ do kpo o wan nyi-nyi tɔn, a bo sɔ, hwlɛngan oji ɖiɖe tɔn tɔn sɔ cɔn ɖi ogan we ogba ha. ⁹ Ɖo Mawu ɔn sɔ mi ɖe nyi nan aɖi yitɔn, vɔ nan mia do kpɔn hwlɛngan gbɔn mian xwetɔ Yesu Kliso ji. ¹⁰ Iwɛ nyi ɛmɛke nan ku nan mi, nɛ nyi bio, mi le ŋʒɔn o mi ku o, mi le ɛgbɛ kpɔkpɔ kpoe. ¹¹ Ɖo nyi eji ɔ, mi do hɔnhlɔn minɔnniɔn ye a bo li do minɔniɔ ye, leɖi ke mi o wasi ɔ ha. ¹² Mi biɔ sɔn miakɔn nɔn, nɔnviye, mi nyɔn mɛke na wa odan le mia mɛ nɔn ye bo le ŋkɔn nan mi le xwetɔ mɛ ye bo do kplan nu mi nɔn. ¹³ Mi biɔ sɔ mia si nɔn bio mi mɔn ɖo tɛnxo na ye le owan nyi-nyi mɛ do odan yetɔn ke ye wa nɔn wu. Mi nɔn fifa mɛ le dodan minɔniɔ ye. ¹⁴ Mi do hɔnhlɔn mi nɔn, nɔnviye: Mi tɔ ogbe wu ɛmɛke le ɛgbɛ ɖekpokpoe ye, mi do hɔnhlɔn wu ɛmɛ ke gbɔjɔ ye wu, mi kpe do ɛmɛ man ɖo hɔnhlɔn ye wu, mi ku hu dodan minɔniɔn ye de. ¹⁵ Mi cɔ miaɖe nan ɛmɛti ni ka mɔn sɔ onu nyinylan a do ɖo onu nyinylan we tɛnxo. Do gbɔnvo ɔ, mi kan nu nan nyɔn hwɛn le minɔnniɔn ye mɛ dodan ɛmɛ bi de. ¹⁶ Mi kpɔn jijwɛ ga sia gamɛ. ¹⁷ Mi xo ɛɖɛ man gbɔjwɛ-man gbɔjwɛ. ¹⁸ Mido ɛkpɛ le onu bimɛ. Ɖo e xin wɛ nyi ojro Mawu tɔn nan mi le Yesu Kliso mɛ. ¹⁹ Mi ka mɔn ci gbigbɔ ɖe do ovo ɔ. ²⁰ Mi ka mɔn gbɛ o wan nan oxolɔɖenyi. ²¹ Vɔ do onu bi kpɔn. A bo hɛn ke na nyɔn hwɛn ɔ wu. ²² A bo gɔ onu nyinylan ɖekpokpoe wiwa. ²³ Nan fifa we Mawu ni lɛ mi we keŋkeŋ. Na mia we gbigbɔ, okla, kpo agbaza a nyi ɖiɖo nywɛnɖe onu gugu ma nɔn e wu gun do jɛ miawe xwetɔ Yesu Kliso wɛ titrɔ va. ²⁴ Ɛmɛ ke yɔ mi e le ogbeji, iwɛ nan wesi. ²⁵ Nɔnvi ye, mi xo ɛɖɛ nan miye can. ²⁶ Mi do gbe nan nɔnviye kpo osi kiki kikɔn. ²⁷ Ko biɔ sɔn mia si nɔn le xwetɔ mɛ bio wema ke ɔ ni nyi xixlɛ na nɔnvi yise nɔn ye bi. ²⁸ Mia we xwetɔ Yesu Kliso we ɛfɛnu ni nɔ kpo mi.