¹ Iwɛdɔn ke na mi ɔn kpewu na hɛn mi susui lɔ bio, miye ɖoɖio ɔ mian ci Atɛnu . ² Mi dɔn Timɔte, mia nɔviɔ bo mɔ nɔ wa odan kpo mi na Mawu le ƐwɛnyƐn Kliso tɔn jijla, na mi a do nɔ ote a bo do hɔnhlɔn lamɛ do mia we xɔse wu. ³ «Mi wasi emɔ na ɛmɛ ti ɔn mɔ do flu le vivɛsise mɛ nɔ . Ɖo mi ye tete mi nyɛ bio iwɛ mi le na. ⁴ Le oxojɔxo mɛ ɔ,ogan kemɛ mi le kpo mi ɔ mi o nɔ lwɛ na mi nɔn san bio mi na ɖu aya le ofu kpikpe ye mɛ, e bo va jɔ leɖi ke mi nywɛ ɖo ha. ⁵ Iwɛdɔn na kɔn kpewu na nɔ ote le imɛ, ko nan nɔn kan xo se sɔn xse miatɔn wu. Tayɔn ɛmɛ tinkpɔn o tɛn mi gbɔn ninɔmɛ ɖeye mɛ, odan miatɔn bo na nyi vovo. ⁶ Vɔ Timɔte, sɔn miakɔn bo va, bo hɛn ɛwɛn nywɛn sɔn xɔse miatɔn kpo wan nyi-nyi miatɔn wu va na mi. E lɔ na mi bio mi mɔn gbɛ flin mi nɔn nywɛɖe, mi bo jro na kpɔn lɛɖi ke na miye can jro nan kpɔn mi ɖo ha; ⁷ do e xin wutu ɔ, nɔnviye, le miawe vivɛsise kpodo ofukpikpe ye mɛ ɔ, oji jɛ emɛ nan mi do xɔse miatɔn wu. ⁸ Ɖo siɛ-ɔ mi le ɛgbɛ, nan mi le te gliŋ le xwetɔ mɛ. ⁹ Nanɖe ha lɛ mi nan do ɛkpɛ na Mawu ɖo sɔn jijwɛ ke mi do na mi? ¹⁰ Oklo kpo ozan kpo, mi nɔn xo ɛɖɛ ni nɔn taŋ bio ni mɔn ɖe mɔn nan mian mɔn ŋmɛ na mi a mɔn sɔ onu ke nan hwe le mian we xɔse wu a sɔ kpe na mi. ¹¹ Nan Mawu otɔ miantɔn tete ɔ, kpo mia we xwetɔ Yesu, ni kplɔ mi le do va miakɔn. ¹² Nan xwetɔ ni nan mian hwɛn a bo ɖo wan nyi-nyi susu nan minɔnyɔn ye kpood dodan ɛgbɛ ɔ de, ɖi ke na mi wasi ɖo na mi nɔn ha. ¹³ Ni wasi eke, a do lii oji miatɔn yenan onu gbɛ nan ɛmɛɖe le kinkɔn nyi-nyi mɛ dodan mia we xwetɔ Mawu otɔ mia tɔn kɔn we ŋkɔn le titrɔ va mia we xwetɔ Yesu kpodo ɛmɛ ɖe dovo yitɔn ye we ŋkɔn.