¹ Nɔnvi ye mi nywɛ nywɛɖe bio mia we mia kɔn viva ɔn nyi vovo. ² Ke na mi ɖu aya ye bo xo mi vɔ, ɖi ke na mi nywɛ ɖo ha mi ɖɛ oji do Mawu miatɔn wu, a do do ɛwɛn Mawutɔn na mi le ofu kpikpe susu mɛ. ³ Ɖo mia we ɛwɛn nywɛn ɔ ɔn xinɔnyi do onu gugu ji alo oxo lilɔ nyinyla ji alo onu gugu wiwa ji; ⁴ leɖi ke Mawu kpɔn ɖo bo do sɔ ɛwɛn nywɛ sɔ na mi, iwɛdɔn mi lɔɛ nɔ, ɔn nyi a do jɛŋ na ɛgbɛtɔ ye hwɛn, vɔ a do jɛŋ na Mawu ke glo mia we oji ye mɛ kpɔn nɔn. ⁵ Gbeɖe kpɔn ɔ, mi ɔn lɔ ɛmɛ biblɛ we oxo ɖike mi nywɛn ɖo ha; oho ko jɛ unkɔn na mi, Mawu nyi kunnu ɖe tɔ. ⁶ Mi ɔn kan goto kinkɔn ɛgbɛtɔ ye tɔn, do mia kɔn alo do mɛbu ye kɔn can. Mi ɔn sɔ miaɖe sɔ yɔ ɛmɛ dindɔn Kliso tɔn kpo ɛcɛ kpikpa miatɔn, ⁷ vɔ mi gɔ kpodo dɔmɛ nywɛn le mia mɛ. Ɖi ke na vifenɔn nɔn wlebio nan ovi ɔ ɖo ha. ⁸ Mi jro bio miye can mia man ɛwɛ nywɛ kpo mi , ɔn nyi ɛwɛn nywɛ ɖoɖio hwɛn vɔ ɛgbɛ miatɔn ye can, ɖo mi nyi ɛmɛ vivɛ nan mi saan. ⁹ Ɖo mi flin, nɔnviye, odan wiwa miatɔn kpodo gbagba jijɛ miatɔn. Oklo kpo ozan ɔ mi nɔ wa odan, nan mi ɔn na nyi agban le kɔji na mi. Ganximɛ ɔ, mi nɔn do ɛwɛn nywɛn na mi. ¹⁰ Mi nyi kunnu ɖetɔ ye, Mawu can nyi kunnu bo nyi kunnu ɖetɔ, ke na mi zan ɛgbɛ le kinkwɛn nyi-nyi mɛ, jijɔ nyi-nyi mɛ, kpoodo ninɔnmɛ onu man gbɛ nan ɛmɛ dodan miye ke na kando eji. ¹¹ E mɔn ha ke wɛ mi nywɛn lɔ bio mi nɔn mi mɛ ɖokpo-ɖokpo leɖi kena otɔ nɔ nɔn ovi kɔn ɖo ha, mi do hɔnhlɔn lanmɛ nan mi bo nan oji dido wu mi. ¹² Mi bo lɔ nan mi ke mi nan zɔn-zɔn ni ɖo leɖi ke e le Mawu mɛ ɖo ha, ke nyɔ mi na xɔluɖuxwe yitɔn kpo yiwe gigo. ¹³ Ɖo nuxin wutu ɔ, mi nɔn do ɛkpɛ na Mawu nɔn, bio mi nyi oxo Mawutɔn sɔn mia kɔn bo se ɔ, mi yi gbe, mi ko yi leɖi ɛgbɛtɔ ye we oxo ha. Gbɔnvo ɔ, mi yi le leɖi ke ye lɔɛ ɖo ha pɛpɛpɛ, Mawu we oxo ɔ. Oxo xin wɛ nyi oxo ke wa odan le mi ɛmɛke nan nyi se. ¹⁴ Ɖo mi, nɔnvi ye , mi nyi ɛmɛke nan nɔ kpɔn do Mawu we cɔciye ke na le Jude le Kliso Yesu mɛ wu, ɖo mi kpe ofun ɖokpo ŋmiɔn ye miye can mi kpe ofu ke ye kpe sɔn Jwifu ye kɔn. ¹⁵ Jwifuye wɛ hu xwetɔ Yesu kpodo oxolɔɖonyitɔ ye. Jwifu xinye wɛ yan mi. Ye ɔn nɔn jɛŋ na Mawu do gbɔnvo ɔ ye nyran do mɛ bi. ¹⁶ Ye nɔn xɛ mɔn nan mi nan mi ɔn nɔn do do ɛwɛn nywɛn na ɛmɛke ɔn nyi Jwifuye na ye a do kpɔn hwlɛngan. E mɔn ha ye we nunyinylan ye ɔ e nɔ va ye ji. Aɖi Mawutɔn na va va ye ji le vivɔnu. ¹⁷ Mi lɛ le miankɔn, nan azan viɖe,le gbazamɛ vɔ ɔn nyi le ojimɛ. Mi jro vivɛɖe nan kpɔn mi. Ɖo mi jro bio mi nan kpɔn mi. ¹⁸ Ɖo mi jro na va miakɔn, blɔ Pɔlu, zɔn nɛnmu-nɛnmu ɖe vɔ legba xɛ mɔn nan mi ¹⁹ ɖo mi ɖo kando eji oɖ suɛ wu, kpo jijwɛ miatɔn kpo, alo jijɔɛ kpinkpɔn miatɔn we ogba le mia we xwetɔ Yesu we titrɔvamɛ? Ɖe miye hwɛn ɔn nyi mɛbu ye ? ²⁰ Ɖo mi nyi mia we gigo kpo mia we jijwɛ.