¹ Ke e nyi e mɔn, Kliso e se vivɛ le gbazamɛ, mi ye can mi sɔ ahwan mi le susu ɖokpo mɛ, ɔ mɛke nan se vivɛ le agbaza mɛ e kpa kpo ylando. ² Na mi na do kpewu nɔn ɛgbɛ ɔ. Kena ɔn ɔn nyi gbɛtɔ ye we odronu, vɔ bo nyi Mawu we odro, na gan mɛke drɔn ni na e na do kpewu nɔn gbaza mɛ. ³ E su, na odo wa va yi o dro kosinɔn tɔn, na do zɔn zɔn gbɔn onu yanylan, odro nu, obo, onu ɖuɖu kpo onu nunu, kpo do ye we nyinylan mɛ. ⁴ Mi nɔn kpɔn bio e nyɔn hwin bio yee mɔn do ogbe kpo ye nɔn le ɛgbɛ ɖuɖu taŋ mɛ, vɔ bo nɔn lɔ mian we xo. ⁵ Ye na jɛ kɔnta na mɛke na le gbesisɔ na do da ɛhwɛ na mɛ ke le ɛgbɛ kpo mɛke ku ye. ⁶ Ɖo ɛwɛn nywɛn nyi ye la na mɛke ehu yee na, ye da ɛhwɛ na we vɔ leɖi gbɛtɔ ye kpo gbaza han ye lɔnlɔn ɛgbɛ ke Mawu dro do kpo gbigbɔ kinkwɛn ha. ⁷ Vivɔ nu nubitɔn e kpɔ. Mi nyɔn nu a mɔn nyi ɛmɛ, na mian do kpewu xo ɛɖɛ. ⁸ Gbɔxwe, mi nyi wan na mi lɔn liɔn, do wan nyi-nyi nɔn hwla owi na ylan do susu. ⁹ Mi gɔ ɔlɔ na mi nɔnniɔn ye, san hunhun. ¹⁰ Leɖi ɛmɛ nywɛn ke nɔn la jɔmiɔn ɖekpokpoe Mawu tɔn, mɛ ɖokpo ɖokpo do na sɔ onu nina ke eyi xɔ do te na hatɔye. ¹¹ Na mɛɖe lɔ xo, e bo do nyi le ɖi onu kikan Mawu tɔn ha, na mia ɖe gɔ Mawu we odan, mi nɔn gɔɛ kpodo hɔnhlɔn kena Mawu lɔ, na le nubi tu mɛ Mawu a do yi kpikpa gbɔn Yesu Kliso ji. Mɛ ke tɔn nyi yayla kpo hɔnhlɔn, ka-ka do yi ɛgbɛ mavɔ-mavɔ Ami! ¹² Wan nyi-nyi, ni ka hu onu do mi, leɖi onu yoyo ke nɔn va na mi ha, le ozo ke na le dodomɛ na mi na do kpaca mi. ¹³ Oji ni jɔ mi, na nuke nyi miantɔn gbɔn Kliso we vivɛ ises mɛ, na mi ye can mia do nɔn jijɔɛ mɛkpo dewu vivɔ mɛ gankemɛ na iwe yayla na va. ¹⁴ Na mi lɛ vɔ jɔ na Kliso we unkɔ ɔ, ta nywɛn na mi, do gbigbɔ yayla kpo gbigbɔ Mawu tɔn, le mian ji. ¹⁵ Mɛti le mian me, ni ka se vive leɖi ɛmɛ hutɔ ha, a lo fianfinɔn, alo nu nyiylan watɔ, alo leɖi mɛke nɔn do tamɛ we oxo mɛ. ¹⁶ Vɔ na mɛɖe se vivɛ leɖi yise nɔn ha, unyan ni ka mɔn hwi, vɔ na do kpa Mawu unkɔ ke wutu. ¹⁷ Ganxixo xi ke na ɛhwɛ dida do bɛ sɔn Mawu xoe. Vɔ lin e yin mian ji wɛ e bɛ sɔn, na ɖe vivɔ nu na nɔn na mɛke ɔn nɔn se tonu na Mawu we oxo ? ¹⁸ Vɔ na ɛhwɛ ma hu tɔ hwlɛn iɖe gan kpo ɔvɔ sisan kpo ɔ, na ɖe na e na ci nɔn na mɛke nɔn wa yewe nu kpo ylan do wa tɔ? ¹⁹ Hin ɔn, mɛke na se vivɛ nɔn gbɔn Mawu we ojro mɛ ye ni sɔ ye Okla na gbɛdatɔ gbeji nɔn tɔ, a do wa nuke nyɔn hwin ni ɔn.