¹ Siɛ oxo kpatakli mia mɛ nɔ ye xɛn, botete agun mɛhyɔn wɛ ko nyi ɖi ye ha. Ko kpɔn Kliso we ayaɖuɖu, ko bo ɖo mima le gigo ke na ye va ɖe sɔ xlɛ ɔ mɛ. ² Mi nyi kplɔtɔ na lɛngbɔ ke ye na Mawu sɔ do asi na miye, mi nɔ ŋuzɔn do ye ji, ni ko nyi onu kena ye xo do okɔ na mi, vɔ ni nyi ojlo miatɔn ɖike Mawu jlo ɖo ha. Ni ko nyi do oho wu o, vɔ kpo do ozobibi. ³ Mi ko kpa ɛcɛ gannu-gannu do ɛmɛ keye ye sɔ do asi na miye, vɔ, mi nyi kpɔn dewu na lɛngbɔ-ɔ ye. ⁴ E xin ɔ, gankemɛ na lɛgbɔ kplɔtɔ ye we oga-ɔ na va ɖe ɛɖe sɔ xlɛ, mi na va yi xɔlugba gigotɔn ke ɔn nɔ klo. ⁵ Emɔke hwanje viye mi sɔ miaɖe ye sɔhwe na agun mɛhyɔn ye. Mi mɛ xeɖeɖe, mide ɛmɛ ɖe sɔhwe sɔ xlɛ le onu wiwa miatɔn ye mɛ do yi mia nɔnyɔn ye kɔn, ɖo Mawu nɔ cite kpan ŋukɔn ogo nyitɔye bo nɔ ɖe dɔmɛ nywɛ sɔ xlɛ ɛmɛke ye ni nɔ sɔye ɖe sɔ hwe ye. ⁶ Miwɛdɔn, mi sɔ miaɖe sɔ hwe do Mawu ɔlɔ hɔnhlɔn nɔ-ɔ gɔ, e hin ɔ, emɔdo kɔmi do yi ojile ogan xixo ke e jlomɛ. ⁷ Mi ɖiɖa onu lilo miatɔn xeɖeɖe agbando eji, ɖo enɔ kpe ŋukunsi do mia wu. ⁸ Ayixa miatɔn ni nɔ ote, mi mɔ nɔ ŋuzɔn . Kɛntɔ miatɔn lɛgba bo lo lɛto domi nɔ ɖi kinnikinni jaŋuta ke le ajaji ha, bo kan ɛmɛke ena vunvunnɔ. ⁹ Mi nɔ ote le ŋukɔn nii kpodo xɔse sinsyɔn, mi na nyɔ ɛ bio mia nɔvyɔ le xɔse mɛ ye can bo ɖu aya ɖokpo ŋumyɔhin-ɔ yeke nɔ le ɛgbɛ-ɔ mɛ. ¹⁰ Mi na mɔn ɖu aya na ogan xixo viɖe, vɔ Mawu ke kɔn ɛfɛnu ɖekpekpe nɔ sɔn, yɔ mi dogbɔn Yesu kliso ji na mia do ɖo mima le gigo mavɔmavɔ itɔn mɛ, itete-ɔ na na mi na sɔgbe , a mɔ li okyɔn, e mɔ do hɔnhlɔn lanmɛ na mi, onuti ɔn na kpewu hunhun minɔ. ¹¹ Itɔn wɛ nyi ɛcɛ kpikpa gbun do yi mavɔ-mavɔ. Ami! ¹² Silivɛn ke ko nɔ sɔ ɖo nɔvi xɔsetɔ ke jɛ na kando eji, wɛ ko gbɔn bo do wlan wema keŋu ke ɖodanmi, a mɔ na mi oji dido, a sɔ do ɖe kunnu na mi bio Mawu we ɛfɛnu kpatakli-ɔ wu ɔ mɛ miye mitɛdo. ¹³ Mawu we agun ke le babilɔnu ke Mawu can ɖi miye can ha, do ogbe dodan mi ovi tɛye Maki can do ogbe na mi. ¹⁴ Mi do ogbe na mia nɔ nyɔ ye, a mɔ kisi na mia nɔn nyɔye ɖi nɔvi le xɔse mʒ ha. Fifa ni nɔ kpodo mi ɛmɛ xeɖeɖe ke le Kliso me ye.