1 Ɖo e mɔn ha ɔ, mimɛ ke na nyi nyɔnnusi ye mi se otonu nan mian suɔ ye. Mi wasi e mɔn ha nan ŋglo ɖe ɔn nɔn no oto wu Mawu we oxo can, sɔ gbɔn do ye siɛye we walɔ ye mɛ ɔ, mi ɔn mɔn lɔ oxo na ye nɔn gbɔxwe ye a do yɔn Mawu; 2 ɖo ye kpɔn mia we sisanmɛ ye nywɛnɖe kpodo sisi kpo. 3 E xin ɔ ni ko nyi wiwasi gbɔn ɔcɔ ɖiɖo gbazamɛ tɔn :oɖa bibla, owlɔ sika tɔn alo onu dido ke na le ɛgbɛ ɔ mɛ siɛ. 4 Do gbɔnvo ɔ ni nyi wiwasi sɔn oji miatɔn ye mɛ, kpo nyinyɔnhwɛn ke na sɔn gbigbɔ fifa mɛ kpodo xuii ninɔnmɛ ke ɔn nɔn vɔ gbeɖe-gbeɖe, onu ke na jɛnu na Mawu. 5 Ɖo nyɔnnusi ɖedovo san tɔn ye ɔ ye wɛ nɔn ɖo ɔcɔ ɖo e mɔn ha . Ye ɖe oji do Mawu wu bo nɔn setonu nan ye suɔye. 6 E mɔn ha wɛ, Sala setonou na Ablaxamu bo nɔn ywɛ bio xwetɔ tɛye. Miye mi nyi vikpe etɔn ye, nan mi wasi nukena nyɔn hwɛn mi ko nɔn vo nan ofu kpikpe. 7 E mɔn ha ke wɛ , mi osuye, mi ɖo nan se onu gɔnmɛ nan mian siɛye, leɖi ɛmɛ gbɔjɔ ke ye nyi ha,. Mi ɖo nan do gigo wu ye leɖi ɛmɛ ke nan zan ɛgbɛ ɔ we onu ninan kpo mi ha. Mi wasi ɖo emɔn ha nan ɛɖɛ miatɔn ko ɔn mɔn do ɖo ɔfɔ kinklɛn nɔn. 8 Vivɔnu ɔ, mi ɛmɛ xeɖeɖe, mi ɖo susu ɖokpo, mi nɔn kpɔn dɔŋɖunu na minɔnniɔn ye, mi ɖo nɔnvinɔn we wanyi-nyi, mi nyɔn dɔmɛ a bo sɔ miaɖe sɔ hwe. 9 Mi ka mɔn ɖo onu nyinylan wiwa onu nyinylan tɛnxo alo ozun we tɛnxo. Do gbɔnvo ɔ, mi yi eji a bo do ɛkpɛ na Mawu ɖo e xin wɛ ye yɔ mi nan, nan mia do ɖu donan we cinɔn. 10 « Ɛmɛke jro nyi owan na ɛgbɛ ɔ a bo kpɔn azan onywɛn ye e ɖo na jo ɛmɛ xo lilɔ do a bo gɔ ɛmɛ blɛ ɖu. 11 Ni trɔ kɔ le onu nyinylan tɛ a bo wa onu nywɛn. Ni kan fifa a bo xodoe. 12 Xwetɔ we ŋkunsi nɔn kpɔn ɛmɛ jijwɛ ye a bo nɔn ɖoto ye we ɛɖɛ xixo. Vɔ xwetɔ we ŋmɛ nɔn trɔ kpaŋkɔn ɛmɛ ke wa onu nyinylan ye.» 13 Ɛmɛ ni lɛ na wa onu nyinylan kpo mi nan mi kan onu ke nan le ogbe ji. 14 Vɔ na e nyi mi kpe ofun do ogbe ji ninɔn wu ɔ, mi nyi donan nɔn. Mi ka mɔn vo ɛmɛke ye vo nɔn ye. Mi ka mɔn caka. 15 Vɔ mi lɛ xwetɔ Kliso wee le oji mia tɔn ye mɛ. Minɔn ogbe sisɔ a do ɖo oxo wu nan ɛmɛ ɖekpokpoe kena na kan oxo wu mise lɔ bio e ni jɔ nan mi na do ɖe oji do Mawu wu? Mi wasi eke kpo dɔmɛ fifa kpo sisi kpo. 16 Mi ɖo susu nywɛn nan ɛmɛ ke na nɔ zun mia we ɛgbɛ mimɛ ninɔn le Kliso mɛ nɔn ye ɔ oŋ a kpɛn ye ɖo ye lɔ oxo nyinylan do miawu leɖi ɛmɛ nyinylan mi nyi san ha. 17 E nyɔn hwɛn bio, na Mawu jro ɔ, mia kpe ofun na onu nywɛn hu bio mia kpe ofun nan onu nyinylan. 18 Kliso can kpe ofun zɔnɖokpo nan nuvwɛn ye. E lɔ ke le gbeji e kpe ofun na mi ɛmɛ majɔ-majɔ ye na do kplɔ mi va Mawu kɔn. Ye hwui le agbaza mɛ vɔ ye hin gbɔn va ɛgbɛ gbɔndo gbigbɔ mɛ. 19 Gbɔndo gbigbɔ mɛ ɔ, e nyi bo ve do ɛwɛn nywɛn na gbigbɔ ke le ogankpa mɛ siɛ ye. 20 Ye gbɛ otonu sise le gankemɛ nan Mawu we ohun kuku nɔn ote kpɔn ye le Nowe we azan ye gbe, le gankemɛ ye gba ɖaka Mawu hwlɛn ɛmɛ atrotɔn ɖe gan gbɔn ɛsimɛ . 21 Eke nyi josido nyiyrɔn tɔn siɛ( ɔn nyi ado klɔ oɖiu ye le agbazamɛ mian tɔn wu hwɛn, vɔ a do do hɔnhlɔn onu nyinyɔn miatɔn dodan Mawu de) gbɔndo Yesu Kliso we fifɔn sɔn oku. 22 Kliso le Mawu we aɖusimɛ. E sɔn yi jiŋkunsi. Ɛwɛn dotɔ ye , ɛcɛkpikpa ye kpodo hɔnhlɔn ye na sɔ yeɖe sɔ hwe nii.