¹ Migbɛ onu nyinylan ɖekpokpoe, ahizi ɖekpokpoe, ɛyɛ mɛnu ɖekpokpoe, ojlo nyinylan kpodo ɛmɛxo lilɔ dekpokpoe. ² Ɖike vife ke ye ji yoyo ye nɔ kan ɔnɔsin ɖo ha, mi kan gbigbɔmɛ we ɔnɔsin mimɛ Mawu we oxo ɔ tɔn, e hin ɔ, mi mɔ do hwɛn a bo kpɔn hwlɛngan. ³ Ɖo mi ɖɔ ke xwetɔ ɔ nɔ nyɔ dɔmɛ do ɛme ɖo kpɔn. ⁴ Mi tɛkpɔ-ɛ, yiwɛ nyi ɛkpɛn ɛgbyo-ɛgbyo ke ɛgbɛtɔ ye gbɛ, vɔ Mawu bo cɔn-ɛ e bo nyi onu ke vɛ oho le ŋumɛ nii. ⁵ Ke miye can nyi ɛkpɛn ɛgbyɔ-ɛgbyɔ ye ha, mi na na ye a sɔ mi do gba gbigbɔ mɛ we oxo, a bo nyi ɔvɔsantɔye we otogun kinkwɛn, yi wɛ, mi nado wasi ɔvɔsinsan gbigbɔ mɛ tɔn ke na jɛŋu na Mawu, gbɔn Yesu Kliso ji. ⁶ do, oxo ke ye lɔ le winwlan kinkwɛn ɔ mɛ xɛn: «ɛkpɛn cican ke vɛ oho wɛ, ko na sɔ ɖo Siɔn, e bo nyi azwe ji we ɛkpɛn. Ɛmɛ ke na kando ɛkpɛn xi ji , ŋunyan ɔn wa-ɛ nɔ kpɔn gbɖe. ⁷ Mi ɛmɛ ke ye kando eji ye, ɛkpɛn xin-ɔ nyi ɛkpɛn ke vɛ oho taŋu na mi, vɔ, na ɛmɛ ke ye ni ɔn kando ejiye, e nyi: ɛkpɛn ke oxɔgbatɔye gbɛ ɖo onyi, wɛ va trɔ zun azweji we ɛkpɛn.» ⁸ Ye mɔ wlan le fi bu bio:«ɛkpɛ ke ye nɔ klɛn a bo jɛ onyi wɛ e nyi, ɖaxo ke nɔ sɔ ɛmɛ xu onyi wɛ e nyi.» Ye nɔ klɛn-ɛ ɖo ye gbɛ otonu sise na Mawu we oxo ɔ. ⁹ Vɔ mi ye, okunkan cincan wɛ mi nyi, xɔlu wwe ɔvɔsantɔye, otogun kinkwɛn, otogun ke Mawu can wɛ mi nyi. E xin-ɔ mi mɔ do jla ɛmɛ ke yɔ mitɔn-ɛ le vuvlu mɛ do va kinkwɛn adodwe etɔn mɛ, we onu ɖaxo-ɖaxoye. ¹⁰ Sa-an, mi ɔn nyi otogun Mawutɔn vɔ, siɛ, otogun etɔn wɛ mi nyi, Mawu kpɔn dɔŋuɖunu na li sa-an, vɔ siɛ, e kpɔn dɔŋɖunu na mi. ¹¹ Nɔvi vɛna-vɛna tɛye, jonɔye kpodo omɔzɔntɔye ha we mi nyi le nyixo ji, ko lɔ bio mi nɔ, mi gbɔn akpa na agbaza we ojlo ke ni nɔ wa ahwan kpan ŋukɔn oklaye. ¹² Mizan walɔ nywɛ le ɛmɛ ke ni ɔn nyɔ Mawu ye mɛ, emɛ, na ye nɔ do ɖo ɛhwɛ na mi nɔ bio miye mɔ wa onu nyinylan nɔn can , ye na kpɔn odan nywɛ nywɛ miatɔnye a bo kafu Mawu le gbe kegbe e na va kan ye kpɔn. ¹³ Ɖo xwetɔ ɔ wu-ɔ, mi sɔ miaɖeye sɔ hwe na ɛgbɛtɔ ye we ɛcɛ kpikpa ɖekpokpoe; mi sɔ miaɖe sɔ hwe na xɔlu, ¹⁴ yiwɛ kpa ɛcɛ kpikpa ɖekpokpoe; mi sɔ miaɖe sɔ hwe na xɔlu, e lɔ we kpa ɛcɛ do onu bi ji, Mi sɔ Miaɖe sɔ hwe na otokplɔ tɔye can, xɔlu wɛ ɖo ye ɖodan, ye mɔn do dɔn oto na ɛmɛ ke ye nɔ wa onu nyinyla nɔ ye, a bo kafu ɛmɛ keye ni nɔ wa onu nyinyla nɔ ye, a bo kafu ɛmɛ ke ye ni nɔ wasi onu nywɛ ye. ¹⁵ Mawu we ojlo wɛ nyi bio, mia nɔ wasi onu nywɛ, yiwɛ ɛmɛ ke ye ni ɔn do kpɔn oxoɖe a bo lɔ nɔ. ¹⁶ Mi zan ɛmɛke vo we ɛgbɛ, vivo mɛ ninɔ we ɛgbɛ xin-ɔ, mi na do cɔn onu do onu nyinyla, vɔ, mi zan Mawu we odan sɔviye we ɛgbɛ. ¹⁷ Mi ɖo sisi na ɛmɛye xeɖeɖe , mi yi owan na mia nɔviye le xɔseme, mi vo Mawu, na mia ɖo bubuna xɔlu. ¹⁸ Odansɔviye, mi sɔ miaɖeye sɔ hwe na xwetɔ miatɔnye kpodo sisi taŋu, ɔn nyi xwetɔ ke ye nɔ nyɔ dɔmɛ, bo na fa ye ɖoɖio hwɛn, vɔ, mi sɔ miaɖe ye sɔ hwe na xwetɔ ke nylɛ hunye can. ¹⁹ Ɖo na ya tafu mi bo do vivɛsise na mi nɔ, vɔ mi bo do oji nɔ, ɖo tonusise na Mawu wu, ɛfɛnu wɛ e nyi. ²⁰ Ɖo, na ye xo mi nɔ do onu nyinyla ke mi wasi wu, mi bo do oji le enu nɔ, kafu ni lɛ le emɛ na mi nɔ? Vɔ na e nyi bio mi do oji nɔ le vivɛsise-ɔ nu do onu nywɛn ke mi wasi wu, ɛfɛnu wɛ e nyi le Mawu we ŋumɛ. ²¹ Exin-ɔ wɛ e yɔ mi na, ɖo kliso-ɔ ŋutɔ ɖu aya do ota na mi, bo nyi kpɔndewu ke ewasi do onyi, wɛ mi na do ɔfɔ, ɔfɔ itɔn domɛ. ²² Elɔ ke ɔn nu nyinylaɖe, ojo ɖe ko tɔn sɔn onumɛ ni-i kpɔn. ²³ Ke ye zun-i, e ko zun ɛmɛ gbagba, ke ye do aya ni-i, e ko sian na ɛmɛɖe, vɔ ejo do do ɔlɔ mɛ na Mawu ke nɔ ɖɔ ɛhwɛ jijwɛ. ²⁴ E lɔ ke be onu nyinylan miatɔnye do eɖe ji le agbazamɛ bo do yi otin sokpoli ji, na mi ɔ mɔ nɔ ɛgbɛ na onu nyinyla wi wasi nɔ, a mɔ nɔ ɛgbɛ na onu jijwe wiwasi. Abikpa itɔnye mɛ wɛ mi kpɔn ɔdɔn gigɔ le. ²⁵ Ɖo, san-a, mi leɖi lɛngɔ ke bu nɔ ye ha vɔ siɛ-ɔ mi va trɔ va ɛmɛ kplɔtɔ kpodo ɛme cɔtɔ miatɔn kɔn.