¹ Ɛmɛ ke vo Mawu ko nyi? odan gbe nyiɔ hwɛn ko nyi? kɔn kpɔn Xwetɔ Yesu wɛ? Mi ye hwɛn nyi odan tɛ ye wɛ sisɛn le Xwetɔ mɛ? ² Na kɔn tɛ nyi odangbe nyitɔ na mɛ dyɛ can ɔ, ko nyi mi ɖo mi nyi bo we odan wiwa we kunu ɖiɖe le Xwetɔ mɛ. ³ E xin wɛ nyi akpo nyi nu na mɛ ke mɔ gbe je wu nɔ ye. ⁴ Mi ɔn ɖo ɛcɛ kpikpa na do ɖu onu alo a do nun onu wɛ? ⁵ Mi ɔn ɖo ɛcɛ kpikpa nado ɖe nyɔnusi xɔsetɔ le ɖi ke odangbe yitɔ ye, nɔvi ŋglo le xɔse mɛ kpo Sefɔnsi, wasi ha? ⁶ Alo bo kpo, Balabasi jan wɛ na wa odan? ⁷ Mi nɔ wa odan ɖi sɔja ha a do kpewu do yi ɖe wu? Mɛ nɔ do viŋtin e ko nɔ ɖu tin kun sisin ɔ? Mɛ nɔ kplɔ olan e ko nɔ nu ɔnɔsi ɔ? ⁸ Onu kpinkpɔn tɛ ye nu wɛ ko lɔ oxo ki ye le? Osɛn ɔ can ɔn lɔɛ? ⁹ Ɖo e nyi wiwlan le Moyizi we osɛn mɛ lɔ bio:« Mi ka mɔ jan onu do numɛ na nyi hu le gan ke mɛ e ɖu yɛvo nɔ.» Nyibu wɛ Mawu nɔ wle bio xojɔxo tɔn? ¹⁰ Mia wu hwɛn Moyizi we osɛn lɔ oxo do nɔ? Mi ye wɛ ye wlan osɛn ɔn na, ɖo mɛ ke lɛ ogle nɔ ɖo na ɖo mɔ nu kpinkpɔn, yi wɛ mɛ ke ofu yɛvo nɔ ɖo ɖo oŋ lɔ bio nye mɔ na ma na ɛmɛ ye. ¹¹ Na mi wa gbigbɔ mɛ we onu ye do mia mɛ ɔ, e nyɔ hui na mi bio mia biɔ mi gbe onu nɔ ɛmɛ si ye? ¹² Na mɛ ɖe ye okan hɔnhlɔn do mia ji nɔ, mi ye ɔn ɖo wu nyi ? Ɖo mi ɔn biɔ? Vɔ mi gbɔn onu ye bi tu mɛ nɔ na mi ni ka mɔ nyi omɔ xɛ nu ɛwɛn nywɛn Kliso tɔn. ¹³ Mi ɔn nywɛn bio, mɛ ke o wasi sinsɛn le cɔcixɔ mɛ nɔ ɖu ale nyi tɔn, yimɛ mɛ ke nɔ san ɔvɔ ye can nɔ ɖu ale nyi tɔn? ¹⁴ E mɔ ha ke ɔ, Xwetɔ ɖe gbe lɔ bio mɛ ke mɔ jla ɛwɛn nywɛn nɔ nye ɖo na ɖu ale yitɔn. ¹⁵ Vɔ kɔn biɔ onu ke nyi tɛ ye kpɔn. Ko ko wlan nu ki ye nɔ na mia do na ŋde wu. E nyɔ na hu bio ma ku hu mɛ ɖe na tɛ ojro na ma do wlan nu ki ye nɔ. ¹⁶ Ɖo ɛwɛnywɛn jijla ɔn nyi kikɛ nyi jihwe we onu na, vɔ odan do asi wɛ e nyi na. Yiwɛ ta nylankan na na kɔnnjla ɛwɛn nywɛn ɔ! ¹⁷ Ɖo na ko sɔjra fa-a do jra ɛwɛn nywɛn ɔ, ko ɖo ale na nyi. Vɔ na kɔn sɔ jra fa-a do wesi ɔ, e na nyi agban a bo tɛ do okɔ na. ¹⁸ Syɛ hiɔ ɔjɔ ni lɛ nyi tɛ ye? Yiwɛ nyi na ko jra ɛwɛ nywɛn ɔn nɔ ɔ, ko ɖo na jre do Mawu we kɔta mɛ ɔn nyi bo tete tɔn nɔ. ¹⁹ Hɛn e nyi bio ko mɔ vo hun mɛ bi can, ko hɔn na trɔ zu odansɔvi na mɛ bi, ado kpewu nyi ɔjɔ susu. ²⁰ Na Jwifu ye ɔ ko nɔ wasi ɖi ye ha, a do kpewu jra ɛwɛn nywɛn na ye. Na mɛ ke le osɛn gɔ ye ɔ, ko ɖo na wasi ɖi mɛ ke le osɛn gɔ ha a do kpewu jra ɛwɛn nywɛn na ye. Ko wasi e mɔ ha ganke vɔ kɔn le osɛn gɔ ²¹ Na mɛ ke ɔn le osɛn gɔ ye ɔ, ko mɔ nɔ lɛ zu ye vɔ ko gbɛ drɔn le Kliso we osɛn gɔ. Ko wasi e mɔ ha na a do kpewu jra ɛwɛn nywɛn ɔ na ye mɛ ke ɔn le osɛn gɔ ye. ²² Na mɛ ke gbɔjɔ ye ko nɔlɛ zu ye ha. Ko trɔ zu nu bi na mɛ bi a do kpewu hwlɛn ye gan gbɔn omɔ ye bi ji. ²³ Ko nɔ wasi nu bi na ɛwɛn nywɛn ɔ na ma do kpewu ɖu nyi yayla ke le yi mɛ ye. ²⁴ Mi ɔn nywɛn lɔ bio we ɖu ɖe mɛ ɔ. Mɛ bio nɔ do wedu nɔ, vɔ mɛ ɖokpo ge wɛ nɔ yi ale? Mi do wedu a do kpewu yi ale. ²⁵ Wedudotɔ nɔ kplan onu nɔ a do jra yiɖe ɖo, a do kpewu nyi jɛ gba gba ku ɔ; vɔ mi ye ɔ do wedu nɔ a do kpewu yi ogba mavɔ mavɔ ɔ. ²⁶ Yiwɛ dɔn, ko do wedu nɔ kpo liniln ɖe nɔ wɛ, ko do wedu nɔ a do kpewu xle ɖi ye. ²⁷ Vɔ ko nɔ ɖu le bo we gbaza ji a bo sɔɛ sɔ wasi kanumɔ, gan xin mɛ na ko jra ɛwɛn nywɛn ɔ xo ɔ, ye ko na va kpɔ nyinylan ɖe sɔ bo tete wu.