¹ Na onu ɖuɖu ke ye do sanvɔ na yɛhwe ye ɔ, mi mɛ bi nywɛn lɔ bio:« Onu nyinyɔ mɔ le miasi,» onu nyinyɔ nɔ ji do e ji vɔ wanynyi wɛ nɔ gbe. ² Na mɛ ɖe bui-i bio nyi mɔ nyɔ nu ɔn ɖi-i ke e jɛ ɖo ha. ³ Vɔ Mawu nɔ nyɔ mɛ ke na nyi wan ni. ⁴ Yiwɛ dɔn, do ŋɖu ɖu ke nyi do san ɔvɔ nye na nyɛhwe nyi wu ɔ, mi nywɛn lɔ bio, nyɛhwe mɔ nyi unti» Mawu ɖokpo gee jan wɛ bo le.» ⁵ Ɖo mɛ ɖe ye nɔ lɔ bio Mawu susu mɛ mɔ le jiŋkunsi kpo ŋkundan mɛ yi wɛ ye nɔ lɔ nɔ bio " Mawu" kpo "'Xwetɔ" susu mɛ mɔ le. ⁶ Vɔ na mi ye ɔ, « Mawu ɖokpo jan wɛ le, mɛ ke ji nubi gbɔn bo do va, mi ye bo le yi mɛ "Yesu wɛ nyi Xwetɔ ɖokpo le mɛ mi le ɛgbɛ le yi wɛ nubi jɔ do gbɔn i ji.» ⁷ Le oxojɔxo mɛ ɔ, ɛmɛ susu ɔn nyɔ oxo ki ye o. Mɛ de ye osɛn yɛhwe ye va yi e bo man ye, gun do jɛ syɛ ɔ ye gbɛ ɖu onu ɖuɖu ke ye do san ɔvɔ na yɛhwe ye nɔ, e bo wasi na ye ɖi, yɛhwe wɛ ye do san ɔvɔ na ha, ɖo ye we ayixa ɔn syɛnxu ɔ. ⁸ ɔn nyi onuɖudu nyɛn na sɔ mi sɔ jɛŋ na Mawu o. hɛn mi gbɛ ɖudu ɔ, ɔn gu onuti le mia wu. E mɔ ha ke na mi mɔ ɖi can ɔ ɔn do mia ji le onuti mɛ. ⁹ Mi kpɔn mia ɖe ji na mɛ ke jɛ yi ɖe si nu nni ka mɔ dɔn mɛ ke ɔn ɖo xɔse do yi we fiflɛ mɛ. ¹⁰ Mia sɔɛ lɔ bio mɛ ke na nyɔ onu va kpɔn mi mi bo ɖu onun le yɛhwe xɔmɛ nɔ. E na na ɔkɔn kpinkpan wi ayixa yi tɔn wɛ e na ta ɔvɔsisan-ɔ we onu ɖuɖu ye duɖu ji? ¹¹ Yiwɛ, dogbɔn onumɔnu jɛ yɛhwe ye susu wu ke mi ɖo viɖe ɔ, nɔvi ŋglo ke awa kan mɛ tutu na ye wɛ Kliso va ku ni e gun do otɔ. ¹² Yi wɛ dɔn na o wa onu nyinylan dodan nɔvu we ye kɔn bo do fɔ ku oji ye tɔn ye ɔ, o wa onu nynylan dodan Mawu de. ¹³ Na onu ɖuɖu wɛ nɔ kɔ nɔvi ye jɛ nyi ɔ kɔn mɔ na ɖu olan na do va ko nɔvi ye xu onyi.