¹ Syɛ ɔ, sɔn nuke mi wla ye wu ɔ, « Enyɔ hu na ŋglo na ni ka mɔ ɖoxo kpo nyɔnusi-i» ² Vɔ na nye ɔn na do jɛ makɔn makɔn we tintɛn kpɔn mɛ ɔ, ŋglo ye do na ɖo na ɖenyɔnu ɖokpo, yi wɛ nyɔnusi can na ɖo na ɖe ŋglo ɖokpo. ³ Ŋglo ɖo na wa nuɖe onu bi ke jɛ na osiɔ. Nyɔnusi can na wa e mɔ ha ke. ⁴ Ɖo ɔn nyi nyɔnusi tete hwɛn kpa ɛcɛ ɖo goto lan yitɔn ji, vɔ osuɔ wɛ. E mɔ ke ŋglo ɔn ɖo ɛcɛ kpikpa do goto yitɔn ji, osiɔ wɛ. ⁵ Mi ka tɛyi le mia ɖe wu, vɔ na mi ye tete mi ɖo gbe kpɔ a do xo ɛɖɛ na gan mɛ ɖe. E xi-i wɛ godo ɔ e hɛn mi na trɔ nɔ kpɔkpɔ, na lɛgba ni ka mɔ do tɛn mi kpɔn do mia ɖe ma ɖu ji. ⁶ O kplan wɛ ko na mi nɔ, kɔn na ogbe ɖiɖe wu mi nɔ. ⁷ Vɔ ko jro na mɛɖo kpo ɖokpo a ɖyu. Vɔ nuni na vovoe wɛ mi yi sɔn Mawu kɔn Mɛɖe ye ɖo onu nina taye, mɛbu ye mɔ ɖo ɖyɔ ɔ. ⁸ Ko jro na otrɛn nɔ ye kpo kposiu ye ni-i ɖyu ɖi otrɛn nɔ ke ko nyi ha. ⁹ Vɔ na nye ɔn kpewu na ɖu ye ɖeji ɔ, ye ni-i ɖe osu, ɖo e na nyɔ wu na ye hu bio ye wa ojlo ye tete tɔn. ¹⁰ Na mɛ ke ɖe osu ye ɔ, ko do osɛn ke na mi-i nɔ bio:« Nyɔnusi ɔn ɖo na gbɛ osu ɔ. ¹¹ Vɔ na e gbɛ osu ɔ, e ɖo na nɔ osu ma ɖe o xi-i mɛ vo ɔ e na trɔ yi jɛ okpɔ kpoe. Yi wɛ ŋglo ɔn ɖo na gbɛ osiɔ» ¹² Na ɛmɛgbo kpoe ye, ko lɔɛ na mi nɔ bio mi ɔn na gbɛ nyɔnusi mayise nɔ ke mi ɖe ye. ¹³ E mɔ ha ke na nyɔnusi ɖe ɖe-e osu mayise nɔ ɔ ɔn ɖo na gbe-e. ¹⁴ Ɖo ye lɛ ŋglo we ɖo gbɔn nyɔnusi ɔ ji e mo ha ke nyi lɛ nyɔnusi ɔ wɛ ɖo gbɔn ŋglo ɔ ji, ovi-i ma wɛ ye wɛ mi na ji-i ¹⁵ Vɔ na nyɔnusi ɔ gbɛ ŋglo ɔ alo ŋglo ɔ bo gbɛ nyɔnusi ɔ, mi jo ye do ɖo ŋglo ɔ alo nyɔnusi ɔ ɔn mɔ le okpɔ-ɔ ɖo Mawu yɔ mi-i na mia nɔ fifaz mɛ wɛ. ¹⁶ Ɖo nyi nyɔnusi-i o nywɛn lɔ bio o na hlwɛn su we gan? alo yi ŋglo o nywɛn lɔ bio o na hlwɛn siwe gan? ¹⁷ Ɖo mɛɖe kpo ɖokpo ni-i zan ɛgbɛ do ke na Xwetɔ nyɔɛ do ha. Osɛn xi-i ye ji wɛ ko nɔ zɔn do le agun ye lɛ. ¹⁸ Mɛɖe gbo ada gbɔxwe Xwetɔ nyɔɛ wɛ? Mɛ xi-i ni ka mɔ ɖi-i ada ma gbotɔ. ¹⁹ Ɖo ada gbigbo alo ada magbo wɛn nyi oxo ke le vivɛ ɖe. Onu ke le vivɛ ɖe wɛ nyi zinzɔn do Mawu we osɛn ji. ²⁰ Ɛmɛ ɖokpo ɖokpo ni nɔ ke e le san na Mawu ɖo nyɔwɛn ɖe. ²¹ Kanumɔ wɛ mi nyi na Mawu do yɔ mi? Mi ka vo, vɔ na e hɛn na mi na jɛ mia ɖe si ɔ e na nyɔ hwɛn. ²² Ɖo ɛmɛ ke nyi kanumɔ na Xwetɔ do ywɛ vivo we ɛmɛ wɛ e nyi na Mawu, ɖo ɛmɛ ke vo na Mawu do nywɛn nyi kanumɔ na Kliso. ²³ Ɖo oho wɛ ye do xɔ mi, mi ka mɔ nyi kanumɔ na gbɛtɔ ye. ²⁴ Nɔvi ye mi, ɛgbɛ ɖekpo kpowe ke mɛ na mi nɔ saan ke gbɔ xwe ye yɔ mi ɔ mi nɔ emɔ ha. ²⁵ Na ɛmɛ ke hɔn ɖe osu ye ɔ, kɔn do osɛn ti sɔn Mawu kɔn. Vɔ onu kpinkpɔn tɛ ye ko nɔ na mi do gbɔn kando e ji Mawu tɔn ji. ²⁶ Blɔ kɔn kpɔn bio do gbɔn bubu do ɛmɛ ɖe ke na ha jɔ wu, e nyɔ hwin na ye na nɔ otrɛn nywɛn. ²⁷ Mi ɖe nyɔnu wɛ? Mi ka mɔ gbɛ. Ɛmɛ ɖe hɔn ɖo osu wɛ? Mi ka mɔ kwe nɔ ɖe oo. ²⁸ Vɔ na mi ɖe osu ɔ ɔn nyi onu vwɛn na mi wasi. Yi wɛ na ŋglo otrɛn nɔ ɖe nyɔnu ɔ, ɔn wa onu nyinylan. Vɔ tagba susu le osu ɖiɖe mɛ, yi wɛ dɔn ko jro na tɛ mi yi le ewu. ²⁹ Nɔvi ye mi gan mɛ hɔn mɔ le. Bɛ sɔn syɛ ɔ ɛmɛ ke ɖo nyɔnu ye ye mi zan otrɛn nɔ we ɛgbɛ. ³⁰ Na ɛmɛ ke na vi avi nɔ ye ni wasi ɖi ye hɔn vi avi nɔ ha, na mɛ ke o kpɔn jijwɛ nɔ ye ni wasi ɖi ye ɔn kpɔn jijwɛ nɔ ha, na ɛmɛ ke xɔ onu ye ni wasi ɖi onu ti hɔn le ye si ha. ³¹ Na ɛmɛ ke nɔ zan yihɔn we ɛgbɛ nɔ ye ni ka mɔ yi e ji ɖo ɛgbɛ ɔ o sɛn nyi vivɔ nu nɔ. ³² Ko jro na mi a nɔ kpɔn onu jɛ onu nywɛn ɖe. Otrɛnɔ ni kpeŋ do Mawu we odan wu a bo jɛŋu ni. ³³ Vɔ ŋsuglo ke wle ɔlɔ bo mɔ nɔ kpeŋ do yihɔn mɛ na ɖe lɛ e na jɛŋu na osiɔ ɖo? ³⁴ Nyɔnusi otrɛnɔ nɔ kpeŋu do Mawu we odan wu, ovo tintɔn ni lɛ e wu le gbigbɔ mɛ kpo gbaza mɛ we a kpaji? Vɔ nyɔnusi ɖe osu ke nɔ kpeŋu do yihɔn wu na ɖe lɛ e na jɛŋu na osuɔ ɖo? ³⁵ Mi ye tete wɛ kɔŋta mɛwɛ ko lɔ oxo keye do nɔ ɔnyi ado zin mia ji hwɛn ko lɔ oxo kii ye nɔ na mia do sɔ mia ɖe sɔ na Mawu we dan ma gbɔ jwuɛ tɔn ³⁶ Na ŋglo ɖe ɖo hadwe nyɔnusi alo nyɔnusi ɖe ɖo hadwe ŋglo vɔ e ko kpewu bo ɖu le ojro gbaza mɛ tɔn ji nɔ e bo jro na wawu ɖe ɔ. Nye ni wasi. Ɔn nyi onu vwɛn. ³⁷ Vɔ na e ɖu le yi ɖe ji, bo jro na na hɛn hadwe nyɔnusi yitɔn do ogbeji. E nyɔ hui, e hɛn e na wasi. ³⁸ Iwɛ dɔn mɛ ke jro na ɖo hadwe itɔn e wasi onu vwɛn ɖe, mɛ ke hɔn mɔ jro na ɖe ɔ e mɔ wasi onu vwɛn ɖe . ³⁹ Nyɔnusi kpo osu le okan cica mɛha osu ɔ gbɛ le ɛgbɛ jan wɛ. Vɔ na osu ɔ ku ɔ, mɔnu le na e mɔ na ɖe bu vɔ le Mawu mɛ. ⁴⁰ Vɔ le blɔ we onu kpikpɔn mɛ ɔ, e na mɔ vɔɛ wu naɔn ɖe osu bu ɖo ko nyɔwɛn bio gbigbɔ kinkwɛn le mɛ ye