¹ Na mɛɖe le mia mɛ ɖo ojrɛ kpo mɛbu e na ve do ɛhwɛ te le ma xɔsetɔ ɖe kɔn wɛ alo ke na e na yi xɔsetɔ ye kɔn? ² Mi hon nyɛn bio xɔsetɔ ye mɔ na ɖo kojo na ɛgbɛ ɔ? Na mi ɖo kojo na ɛgbɛ mi hɔn le gbesiso na do jra tagba ye ɖo? ³ Mi hɔn nyɛn bio mi mɔ nɔ ɖo kojo ɛwɛn ɖo tɔ Mawu tɔn ye? E ni jɔ na, mi hɔn na do kpewu ɖo kojo na maxɔsetɔ ye le ɛgbɛ ke mɛ? ⁴ Na e jɛ bio mi na ɖo kojo na ɛgbɛ mɛ we nu ye, e ni jɔ na mi nɔ sɔ taga hin xɔ yɔ nu le mɛ ke hɔn nyi nuɖe le cɔci we unkɔ? ⁵ Ko lɔ na mi nɔ na mia we un nyan. Mɛti hɔn le mia mɛ bo nyi onu nyɛn zinzin tɔ ke na gbe do tagba nɔvi nɔ tɔn ye wu? ⁶ Vɔ ke na onu ye o gɔ ɖo nɔ xɔsetɔ yi weman na xɔsetɔ bu oxo klɔ yi ɛhwɛ ɖɔ tɔ maxɔsetɔ kɔn. ⁷ Ke na ojrɛ dsole mia mɛ xɔsetɔ ye mɛ enyi jɛ na mi eni jɔ na mi hɔn na do se vivɛ mia we ɛhwɛ huhu tɔn? E ni jɔ na mi hɔn do jɔ mia ɖe do na ye zan? ⁸ Mi wa onu ɖe yi do bo zin ɛmɛ ye ji, ɛmɛ xin ye bo nyi nɔvi xɔsetɔ ye! ⁹ Mi hɔn nyɛn bio ɛmɛ nynylan mɔ va ɖyɛ xɔluɖuxwe Mawu tɔn no? Mi ka mɔ nɔ kan do ojo ji. Ɛgbɛ we jro ye, yexwe ye ɔfɔ dogbe ye, ogalilɔ ye, unglo kpo unglo alo nyɔnusi kpo nyɔnusi ke nɔ dɔ ye ɖe ye. ¹⁰ Fian finɔ ye, ogbintɛtɔ ye, ( ye mɛti hɔn va ɖyɛ xɔluɖuxwe Mawu tɔn nɔ.) ¹¹ Emɔ mɛɖe ye kpewu le mia mɛ, vɔ mi lɛ sin, mi swlɛ wu, mi kpɔn ɛhwɛ jijɔ le Mawu si le Xwetɔ Yesu Kliso we unkɔ mɛ kpo do mia we Mawu we gigo. ¹² « Ko kpewu na wa onu bi,» vɔ nubi hɔn nyɔ hwin. « Ko kpewu na wa nubi,» vɔ kɔn kpewu na jo ɖye do na ye. ¹³ « Nuɖuɖu dɔgbo tɔn wɛ, dɔgbo bo nyɛn onu ɖuɖu tɔn» vɔ Mawu na gu ɔwe ye. Gbaza hɔn nyi ɛmɛ ɖe ye tɔn. vɔ gbaza Xwetɔ Yesu tɔn wɛ, Xwetɔ Yesu bona wasi na gbaza. ¹⁴ Mawu na fɔn Xwetɔ Yesu sɔn oku, a mɔ fɔn mi ye kpo i we hɔnhlɔn kpo. ¹⁵ Mi hɔn nyɛn bio mia we gbaza mɔ nyi goto nu ye na Kliso? Ko na sɔ Kliso goto we onu ye a do ca kpo ogalɔtɔ ye? Ni ka mɔ nyi emɔ! ¹⁶ Mi hɔn nyɛn bio mɛ ke ca kpo galɔtɔ ye kpo trɔ zun gbaza ɖokpo kpwe? Le ɖi ke na Mawu xo ye lɔ nɔ:« Ye mɛ ɔwe ye na lɛ gbaza ɖokpo.» ¹⁷ Vɔ ɛmɛ ke na ca Xwetɔ Yesu mɛ e na lɛ gbigbɔ ɖokpo kpwoe. ¹⁸ Nɔvi nɔ ɖiɖe mi si! Nu vwi ke na gbɛtɔ mɔ wasi e le zɔ na i we gbaza, ɛgbɛ mɛ we jro watɔ e jɔgɔ do i we gbaza. ¹⁹ Mi hɔn nyɛn bio mia we gbaza mɔ nyi sisin vɔ gbigbɔ ɖedovo ton. Ke le mia mɛ. Ke Mawu na mi? mi hɔn nyi hiye tete tɔn? ²⁰ Ɖo oho de wɛ ye do xɔ mi, mi kpa Mawu kpo do mia we gbaza kpo