¹ Mi se bio mi mɔ ɖe mia ɖe ye nɔ, onu emɔ tɔn ke na nyɔ yi gbe na na ma xɔsetɔ ye. Mi se bio mɛɖe ye le mia mɛ ke nɔ dɔ ye tɔ siɔ. ² Mi bo nyi mɛ ylan! Ɔn hɔn nyi e hu nudo mɛ hwin mi na le? mɛ ke na wa do emɔ ji nɔ ɖo na lɛ le mia mɛ. ³ Ɖo, ke kɔn le gbaza mɛ can, vɔ le gbigbɔ mɛ, ko do kŋo na mɛke wasi,; le ɖi ko le ha. ⁴ Na mi bɔ do Xwetɔ mia tɔn Yesu we unkɔ mɛ, bo we gbigbɔ le kpo mi gbɔn hɔnhlɔn Xwetɔ mia tɔn Yesu tɔn mɛ. Ko ɖo kojo na ɛmiɔn. ⁵ Ko wasi onu emɔ tɔn na do sɔ ɛmɛ ɔn na gbigbɔvwin na ye do gwu i we gbaza na i we okla ado kpɔn tan nyɔ xwlɛn gan le azan Xwetɔ tɔn gbe. ⁶ Mia we ɛmɛ sisa hɔn nyɔ hwin. Mi nyɛn bio do kotikun vitwoe ɖe su na do aman i ji. ⁷ Mɛ lɛ mia ɖe le dokɔ tikin hixo wu na mia do nyi aman yoyo ke nyi nɔ bio mi nyi syɛ kpɔnɔ ma do dokɔ tikin ɖo kliso, mia we ogbɔ vivayi tɔn esan ɔvɔ. ⁸ Mia ɖu xwe hin, ɔn hɔn nyi kpo do dokɔ tikin hixo, dokɔ tinkin walɔ nyinylan tɔn kpo do okun nyinylan tɔn hwin, vɔ kpo kpɔnɔ ma do dokɔ tikin xojɔxo lilɔ kpodo xojɔxo. ⁹ Ko wlan onu na mi le bo we ɛwɛn mɛ na kɔn na do ca mi kpodo, mɛ ke nɔ ɖe ye nɔ. ¹⁰ Ɖo kɔn do han nu na mi nɔ na mi hɔn na do ca kpo mɛ ke nɔ dɔ ye tɔ siɔ ye nɔ, alo ɛmɛ ke nɔ mi onu, alo fianfi nɔ ye, alo yɛxwe sin tɔ ye, ovotin ton, mi lɛ le ɛgbɛ enyɔ wu. ¹¹ Syɛ, ko wlan nu ke na mi bio mi ka mɔ ɖi kan cica kpo mɛ ke ye yɔ bio nɔvi, vɔ mɛ ke na le ɛmɛ tɔ siɔ didɔ ye mɛ, alo fianfi nɔ ye, alo yɛxwe sin tɔ ye, alo ɛmɛ hu tɔ, alo ahan nu mu, alo ɛmɛ hutɔ, mi ka nɔ trɛ ɖu onu kpo ɛmɛ emɔ tɔn can. ¹² Na ɖe ko na sɔ ɖi ye sɔ ɖo emɛ ado ɖokpo na maxɔsetɔ ye ɖo? Kpan unkɔ tɔ, ɛhwɛ ɖo tɔ hwin mi nyi na xɔsetɔ ye? ¹³ Vɔ Mawu nɔ ɖo kojo na mɛke le gaji ye. « Mi ɖe le gba le mia mɛ.»