¹ Emɔ wɛ mi na nyi na mia ɖe do le ɖi odansɔvi Kliso tɔn ɛmɛ ɖiɖe xojɔcxo hwihwla Mawu tɔn. ² Le e xin mɛ, e lɔ bio ɛmɛ ɖiɖe ɖo na nyi ɛmɛ. ³ Vɔ blɔ tɛ ye e nyi bio mi ye wɛ na ɖo kojo na alo gbɛtɔ bu ye ɖo kɔn nɔ ɖo kojo na ɖi ye. ⁴ Kɔn hɔn mɔ nɔ fliin ɛhwɛ ke ye do kpo unkɔ tɔ wu, vɔ e ke hɔn nyi bio ko mɔ ɛhwɛ Mawu tɔ. Xwetɔ wɛ nɔ ɖo kojo na ⁵ I wɛ dɔn, mi ka mɔ ɖo kojo na mɛɖe ghbɔ xwe ogan na xo, ,gbɔ xwe Xwetɔ a va na sɔ onu hwihwla vuvwlu tɔn ye xɔ na kiklin a mɔ ɖe hɔnhlɔn oji tɔn ye xwlɛ ye. Ɛmɛ ɖokpo ɖokpo na yi ale i tɔn le Mawu si. ⁶ Syɛ, nɔvi ye le xɔse mɛ, walɔ e mɔ tɔn wɛ ko zan na Apolosu kpo do bo tete na mia we onyɛn, na gbɔn mi ye ji mia do kplan oxo hwihwla we ŋɔn mɛ:« Mi ka mɔ zɛ gbɔn xo ke ye wlan wu» na mɛɖe hɔn na do nyi ogoyi tɔ le mɛɖe wu. ⁷ Ɖo mɛ ti hɔn na kpɔn ovo gbigbɔn mia mɛ?e ni mi ɖo na mi hɔn yi vovo? na mi yi vovo,e ni jɔ na mi nɔ do ɖo man mia ɖe nɔ le ɖi mi hɔn yi vovo? ⁸ Mi o ɖo nu bi nu ke na mi kan nɔ! Mi o nyi ohotɔ! Mi bo ta ɛcɛ kpikpe e hin hɔn sɔn mia kɔn! Xojɔxo, ko jro na man kpo cɛ, e mɔ mi ye can na kpa cɛ kpo mi. ⁹ Ɖo ko bwi bio Mawu mɔ ɖo mi ɛmɛ didɔn le oto gun mɛ le ɖi ɛcɛ kpo twi yi ku na ha Cɔtege kpodo le gbɛtɔ ke na ye do ɛhwɛ yi ku na ha. Mi va lɛ zun onu kpin kpɔn na ɛgbɛ, ɛwin do tɔ ye kpodo gbɛtɔ ye. ¹⁰ Mi nyi onu ma nyi do Kliso wu tu. Vɔ mi ye mi nyi nu nyɛn zinzin tɔ le Kliso mɛ. Mi hɔn ɖo hɔnhlɔn. Vɔ mi ye ɖo hɔnhlɔn . Mi nyi ɛmɛ sisi vɔnyɔ yi mi. ¹¹ Gun ogan ke do va xo nɔ syɛ, mi le xovɛ kɔmɛ mɔ ci mi nɔ, mi nɔ ɖo ɔcɔ kpowin. Ye xo mi mi ko mɔ ɖo xwe ti. ¹² Mi nɔ wa dan kpo do hɔnhlɔn kpo, mi nɔ wa odan kpo do mia we ɔlɔ. Na ye zun mi, mi nɔ xoɛɖɛ nyɛn na ye. Na ye xodo mi ado hu mi, mi nɔ tu oji. ¹³ Na ye lɔ mia we xo nɔ mi nɔ lɔ xo kpodo mɛ sisi kpo. Mi lɛ ye mɔ nyi wan na mi, mɛ ke na ye gbɛ wan na ye kpodo unɖe ma watɔ. ¹⁴ Kɔn wlan onu ke na mi a do ŋnyan wu mi, vɔ ado jɔ mi le ɖi vikpɛ tɛ ye wan nyi na no ha. ¹⁵ Na mi trɛ ɖo nukplan mɛ to a kpewu le Kliso mɛ, mi hɔn ɖo otɔ susu, ɖo bo wɛ lɛ mia tɔ le gbigbɔ mɛ tɔ le Kliso Yesu gbɔn ɛwi nyɛn mɛ. ¹⁶ Syɛ, ko biɔ mi na mia a nyi ɖokpo do ɛmɛwuto. ¹⁷ I wɛ hɔn na ko do sɔTimɔte bo xɔ do dan na mi, wan nyi na nɔ kpodo gbeji nɔ tɔ we vi tɛ ye le Xwetɔ mɛ, e na nɔflin bo we nukplan mɛ na mi le Kliso mɛ le ɖi ke na ko kplan mɛ le fibi kpodo ne cɔci ye. ¹⁸ Syɛ, mɛɖe ye le mia mɛ va lɛ zun ɛmɛ nyi nyran, bo nɔ wan nɔ le kɔn mɔ na trɔ va mia kɔn nɔ. ¹⁹ Ko na trɔ va mia kɔn zanɖe, na Xwetɔ na gbe. Kɔn va nyɔ ɛmɛnyi nyran ɖoɖio we xo nɔ, vɔ ko na kpe ye we hɔnhlɔn. ²⁰ Ɖo xɔluɖuxwe Mawu tɔn hɔn le oxo ɖoɖio ye mɛ vɔ le hɔnhlɔn mɛ. ²¹ E ni mi kan nɔ? Ko na va kɔn kpo tɔkpo wɛ alo kpo wa nyi nyi kpo do le gbigbɔ mɛ sisi tɔn mɛ?