¹ Nɔvi ye, mi, kɔn kpewu na lɔ xo na mi le ɖi vife ha, le ɖi mɛ ke ye ji ye le Kliso mɛ ha. ² Lɛ wɛ ko na mi ɔn nyi olan, ɖo mi hɔn le ogbe sisɔ mɛ na olan, gun do va jɛ syɛ mi hɔn le gbesisɔ ³ Ɖo mi gbɛ le vife. Fi ke na wuhwan kpo do ojrɛ kpo le mia mɛ le, mi hɔn wa do gbaza mɛ tɔn ji nɔ kpodo gbɛtɔ ye we onu wiwa ji nɔ? ⁴ Gan ke mɛ na mɛ ɖe lɔ bio:« Ɛmɛ didɔn Mawu tɔn Pɔlu we ɛmɛ wɛ ko nyi» Mɛ bi mɔ bo lɔ bio:« Apolosu we ɛmɛ wɛ ko nyi» mi hɔn wa do gbaza mɛ tɔn ji nɔ? ⁵ Mɛ lɛ nyi Apolosu? Mɛ lɛ nyi Pɔlu? odansɔvi ye ke ji na mi gbɔn do yi se, ke na Xwetɔ sɔ odan do asi na ye. ⁶ Ko do, Apolosu bo hu ɛsin na, vɔ Mawu bo na sisin. ⁷ Ɔn hɔn nyi mɛ ke na do alo hu ɛsin nan hwin hu ɖe. Vɔ Mawu wɛ nɔ na sisɛn. ⁸ Syɛ, mɛ ke na do kpo mɛ ke hu ɛsin na na nyi ɖokpo, mɛ ɖokpo na yi odan ke e wa we ɔxɔ tu. ⁹ Ɖo odan watɔ ye wɛ mi nyi na Mawu. Mi ye wɛ nyi ɛji kpa Mawu tɔn, cican Mawu tɔn ye. ¹⁰ Kpodo ɛfɛnu Mawu ke ye na le ɖi xɔ gbatɔ ɖaxo. Ko do xɔ gun mɛ bu bo gba xɔ de ji. Vɔ mɛ ɖokpo mɛ ɖokpo ni wa blɛ o na ke e gba xɔ de jinɔ ɖo. ¹¹ Ɖo mɛ ti hɔn kpewu mɔ na do xɔ gun, hu ke ye wasi ke nyi Yesu Kliso. ¹² Syɛ mɛ ɖe kpo kpowe ke na gba xɔ do xɔ gun ji kpo sika, oxo, ɛkpin nyɛn, otin, oyo su, alo oyo kpo ye, ¹³ yi we dan na yi ji, ɖo kiklin kekle na kwɔe yi ji. Ɖo e na kɔ yi ji kpo ozo. Ozo wɛ na ɖe odan ke na mɛ ɖo mɛ ɖokpo wa. ¹⁴ Na nu ke na ɛmɛ mɔ gba le te, e na yi ji yi we ale. ¹⁵ Vɔ na odan mɛ ɖe tɔn gu, e na tu yi we ɔxɔ ni, vɔ yi tete na kpɔn xwlɛn gan le ɖi ke na ye nɔ si kpo ozo kpo. ¹⁶ Mi hɔn nyɛn bio hi ye mɔ nyi sisin xɔn Mawu tɔn gbigbɔ tɔn bo le mia mɛ? ¹⁷ Na mɛɖe gu sisin xɔ Mawu tɔn ɖe dovo wɛ, mi ye can. ¹⁸ Mɛ ɖe ni ka mɔ blɛ yi ɖe. Na mɛ ɖe bwi nɔ bio he mɔ nyi onu nyɛn szinzin tɔ le xwe ke gɔ, ni lɛ « onu ma nyɔ tɔ» na ado kpewu nyi onu nyɛn zinzin tɔ. ¹⁹ Ɖo nu nyɛn zinzin ɛgbɛ ke tɔn oha wɛ e nyi na Mawu. Ɖo ye wlanbio:« Mawu nɔ hwlu onu nyɛnzinzin tɔ le ye we tagba mɛ.» ²⁰ Ke mɔ bɔ do ewu:« Xwetɔ nyɛn bio oxo nu nyɛn zinzin tɔ ye tɔn nu ɖe kpo kpwoe mɛ.» ²¹ Emɔ, ɛhwɛ susu na do kɔ yi ɖe! Ɖo nubi wɛ nyi yi tɔn, ²² ɛmɛ diudɔn Mawu tɔn Pɔlu alo Apolosu, alo Sefasi, alo gbɛtɔ ye, alo ɛgbɛ, alo oku alo onun syɛ tɔn ye alo onu ke na na va na ye. Mia tɔn wɛ nyi onu bi, ²³ mi bo nyi Kliso tɔn bo nyi Mawu tɔn