¹ Gan ke mɛ ko na va mia kɔn, nɔvi ye unglo, kɔn nɔ va kpo do ojrɛ olo nunywɛn zinzin gan ke mɛ na ko lɔ xojɔxo hwuxwla Mawu tɔn. ² Ɖo ko lɔ bio ko mɔ va nyɔ nu ɖo gan ke mɛ na ko le mia mɛ, Xwetɔ Yesu Kliso kpo do ke ye kan do atisoga ji . ³ Ko bo le kpo mi le vivɛ sise mɛ, le vivo mɛ kpo do dikanso mɛ. ⁴ Bo we ɛwin kpo do bo we oxo kɔn nɔ zan oxo nu nyɛn zinzin tɔn. Vɔ ye le kpo odan wiwa gbigbɔ ɖedovo tɔn kpo do hɔnhlɔn kpo. ⁵ Na mia we yise hɔn na do vo kpo do nu nyɛn zinzin gbɛtɔ tɔn, vɔ le Mawu we hɔnhlɔn mɛ. ⁶ Syɛ mi lɔ nu nyɛn zinzin le ɛmɛ winwan ye mɛ, vɔ ɔn nyi nu nyɛn zinzin ɛgbɛ ke, tɔn alo unkɔn nɔ tɔ oxwe ke gɔ tɔn ye, ke na va yi nɔ. ⁷ Vɔ mi lɔ onu nyɛn zinzin Mawu tɔn nɔ le xojɔxo hwi hwla mɛ, onu nyɛn zinzin hwihwla ke na Mawu xo ɖo nu nyɛn na mia we gwigo. ⁸ Unkɔn nɔ tɔ xwe ke gɔ tɔn ti hɔn nɔ, nun nyɛn zinzin xin, ɖo ye nyɛn le gan xin mɛ , nyɔ ɖo na kan Xwetɔ gigo nɔ. ⁹ Vɔ le ɖi ke na ye wlan ɖo:« Nu ke unkunsin ti hɔn kpɔn, ke na oto ti hɔn se, ke susu ti hɔn ni kpɔn, nuke na Mawu wasi ɖo nyi na mɛ ke nyi wan na ye.» ¹⁰ Onu ke na Mawu ɖexlɛ mi kpo di i we gbigbɔ nɔ kpɔn nu bi. Mawu we ɔgɔ can. ¹¹ He le nyɔn mɛ ke na gbigbɔ le e mɛ? E mɔ ha ɛmɛ ti hɔn nyɔ Mawu we odo na ɔn nyi Gbigbɔ Mawu tɔn. ¹² Vɔ mi hɔn yi gbigbɔ ɛgbɛ ke tɔn, vɔ gbigbɔ Mawu tɔn, na ma do nyɔ nu ke na Mawu na mi. ¹³ Mi nɔ lɔ xo do onu e mɔ tɔn ye wu le xo mɛ bio nu nyɛn zinzin gbɛtɔ tɔn mɔ hɔn kpewu na kplan onu ɛmɛ, vɔ gbigbɔ ɖedovo ni kplan onu mi, gbigbɔ ɖedovo nɔ tiin xo gbigbɔ mɛ tɔn ye kpo nu nyɛn zinzin gbigbɔ mɛ. ¹⁴ Mɛ ke hɔn le gbigbɔ mɛ hɔn nɔ yi nu ke nyi gbigbɔ Mawu mɛ tɔn, ɖo oha wɛ e nyi ni. Ɔn kpewu na nyɔ ye ɖo le gbigbɔ mɛ nu ɖe ye dovo. ¹⁵ Gbɛtɔ gbigbɔ mɛ tɔn nɔ ɖo kojo na nu bi, vɔ ɔn hɔn nɔ tɛkpɔ kojo ɖiɖo mɛ ɖiɔ ye tɔn. ¹⁶ Ɖo:« Mɛ kpewu na nyɔ Xwetɔ we susu, na do kplan ɛmɛ?» Vɔ mi ɖo Kliso we susu.