¹ Ko jro bio mi na nywɛ, nɔ vi ye, bio mia tɔ ye bo nɔ sunwɔ gɔ, bo gbɔn ɛxu mɛ ² Sɔ gbɔn e xin mɛ-ɔ ye ɛmɛ xe ɖeɖe bo wasi nyinylɔn le Mawu mɛ le Moyizi mɛ le sunwo mɛ, kpodo ɛxu mɛ kpo, ³ ye ɛmɛ xe ɖeɖe nɔ ɖu onu ɖuɖu ɖokpo ɔ le gbigbɔ mɛ. ⁴ Ye mɛ xeɖe ɖe nɔ nu €sin nunungbigbɔ tɔn ɖokpoɔ, ɖo ye nɔ nu sɔn ɛkpɛn gbigbɔ tɔn ɖoKliso. ⁵ Vɔ, Mawu on kpɔn jijwɛ do ye ɛmɛ susu wu, yi wɛ ye bo ku kpɛɛ, ye we ocɔ ma gbɔn ogbe fa ji. ⁶ Egbe syɛ ɔ onu hin ye bo nyi kpɔnde wu na mi ye, na mi ye ni ko mɔ jro onu nynylan ye ɖi ye ha ⁷ Mi ka nyi yɛhwe sɛntɔ ɖi ke ɛmɛ ɖe ye le ye mɛ, wasi ɖo ha. Ɖi ke ye wli-in ɖo:« Oto gun ɔ xinɔ onyi bo ɖu bo nu, bo site bo yi dɛ ɛgbɛ. ⁸ Mi ko na na mia jo miaɖe ye do na ɛgbɛ ɖuɖu zinzan ɖi ke ɛmɛ ɖe ye wasi ɖo ha na ɛgbɛtɔ akpo oko ŋukunɔtɔndo ku do ɛhin ɔ wu. ⁹ Mi ko tɛn Xwetɔ Kliso kpɔn, ɖi ke ɛmɛ susu le ye mɛ bo wasi ɖo ha, na lanvi do vɔ ye. ¹⁰ Mi ko mɔ hlun nɔ le omɛ, ɖi ke ɛmɛ ɛe ye wasi ɖo ha na Mawu we ɛwɛndotɔ ke nɔ crɔn ɛmɛ, bo crɔn ye. ¹¹ Onu hin ye jɔ do ye ji ado na kpɔn do ewu na mi ye. Ye bo nyi winwlan ado kplan onu wu mi. Na mi ɛmɛ ke ye hwe nu kpotwi na va. ¹² E mɔ ke bu-i nɔ bio hlɔmɔle ote ɔ ni sɔ ayi do iɖe wu, ni ko jɛ onyi. ¹³ Tintɛn kpɔn ti ɔn nɔ va na mi, a mɔ hu gan ɛgbɛ tɔ ke mɔ gbɔn ovo ɔ, Mawu nyi ogbe ji nɔ tɔ, ɔn jo mi do nɔ, na tintɛn kpɔn ke na hu gan hɔnhlɔn mia tɔn na va mia ji, vɔ, na tintɛn kpɔn va ɔ, e na na omɔ hunhun na mi na do glo-e. ¹⁴ Vɔ, wan nyi na nɔ tɛ ye ye, mi si na yɛhwe sisɛn. ¹⁵ Ko lɔ oxo na mi nɔ ɖi onu nywɛn tɔ ha, mi ye tete mi gbe je oxo ke ko lɔ na mi nɔ kpɔn. ¹⁶ Kɔkpo donatɔnke mi nɔ xo ɛɖɛ do eji, ɔn nyi Yesu we ɛhun mɛ wɛ mi nɔ mi-i le? kpɔnnɔ ke mi nɔ ma ɔ, ɔn nyi Kliso we gbaza mɛ wɛ mi nɔ mi-i le? ¹⁷ Ke enyi kpɔnnɔ ɖokpo wɛ le, mi su gan ke, mi nyi ɖokpo, mi bo nyi kpɔnnɔ ɔ gbigbɔ ɖokpo. ¹⁸ Mi kpɔn oto gun Izraɛli tɔn: ye mɛ ke ye nɔ ɖu onu ke ye do san ɔvɔ ye, ye ɔn nɔ kpɔn nyɔ na sɔn ɔvɔsan we agba ɔji wɛɛ? ¹⁹ Ŋni ko lɔ nɔ? Olan ke ye do wasi ɔvɔ sisan ɔ alo yɛhwe ɔ can, ye nyi onu ɖe wɛɛ? Ɔn nyi emɔ ²⁰ Vɔ, ko lɔ oxo nɔ sɔn onu ke kosi ye ke ɔn nyi jwihu ye nɔ do wasi ɔvɔsinsan wu nɔ. Ye lɛ ye nɔ sɔ onu ɔ ye sɔ na gbigbɔ nyinylan ye, ɔn nyi Mawu wɛ ye nɔ sɔ na. Kɔn jro bio mi na nɔ okan cica mɛ kpodo gbigbɔ nyinylan ye. ²¹ Mi ɔn kpewu na nu kɔkpo Xwetɔ tɔn, kpodo kɔkpo gbigbɔ nynylan tɔn. Mi ɔn kpewu na nɔ ɔkplɔn kɔn kpodo Xwetɔ, a mɔ nɔ ɔkplɔn kɔn kpodo gbigbɔ nynylan ye. ²² Alo, mi ba dɔn aɖi dido Xwetɔ nɔ wɛɛ? mi ɖo hɔnhlɔn hwi wɛɛ? ²³ « Ye na ogbe na onu bi», vɔ onu bi ɔn ɖo ale na mi. « Ye na ogbe na onu bi» vɔ, ɔn nyi onu ye bi wɛ nɔ hɛn ɛmɛ sɔ su le xɔse mɛ. ²⁴ Ɛmɛ ɖe ɔn ɖo na kan i tete ɔ we ale. Na e naz nyɔ hwin ɔ, ɛmɛ ɖokpo ɖokpo ɖona kan onywɛn na nɔviɔ ye. ²⁵ Mi na kpewu ɖu onu ke ye, ye sa le oxi mɛ nɔ ye na ɔn na nyi onu bu kpɔn. ²⁶ Ɖo « Nyixo kpodo onu ke le eji xe ɖeɖe ye nyi Mawu tɔn.» ²⁷ Na e nyi kosi yɔ we na ana yi ɖu onu kpwe, o bo yi ogbe bo ba yi nɔ, ɖu onu ke ye na na we ye xe ɖeɖe, ko mɔ xo kpɔn ²⁸ Vɔ, na ɛmɛ ɖe lɔ bio:« Onu ɖuɖu ke ɔ, ɔvɔsan kosi ye tɔn mɛ wɛ esɔn "mi ko ɖu. Do ɛmɛ ke lɔ emɔ wu, kpodo oji mia tɔn ke xo wu. ²⁹ Kɔn lɔ oxo nɔ do mi ye tete ye we onu xo kpɔn wu nɔ, vɔ, onu xo kpɔn ɛmɛ ɖe ɔ tɔn. Onu ke ɛmɛ bu na susu le ayi xa mɛ, wɛ na dɔn na kɔn wasi onu ke ko jro? ³⁰ Na ko do ɛkpɛ na Mawu do onu ke ko ba ɖu nɔ taa, ŋunu jɔ ye na ko nɔ alo azun nɔdo ɛkpɛke ko doɔ wu? ³¹ Onu wɛ mi ɖu nɔ, alo mi nu nɔ, alo onu ɖe kpɔkpwe ke mi wa nɔ mi wasi a do do gigo na Mawu. ³² Mi ka do hannu na jwifu ye, alo Glɛki ye alo cɔci Mawu tɔn. ³³ Ko nɔ tinkpɔ a nyɔ hwin na ɛmɛ ye xe ɖeɖe le onu ye xe ɖeɖe mɛ. Kɔn nɔ kan bo tete we onu na do ji ye, vɔ ko nɔ kan onywɛ na ɛmɛ susu. Ko nɔ na omɔ na ye a do kpɔn hwlɛn gan.