¹ Mi sɔ ɔfɔ do ɔfɔ do tɛ ye mɛ, ɖi ke bo can ko nɔ sɔ bo we ɔfɔ sɔ do Kliso we ɔfɔ mɛ ɖo ha. Ko kafu mi na ke mi nɔ flin blɔ le onu ye xeɖeɖe mɛ. ² Ko kafu mi na ke mi nɔ hɛn onu ke ko kplan mi ye wu ɖi ke ko kplan mi ɖo ha. ³ Syɛ ɔ, ko jro na ɖe e mɛ na mi bio Kliso nyi otɔ na ŋusuglo, ŋglo bo nyi ota na nyɔnusi, Mawu bo nyi ota na Kliso. ⁴ ŋsuglo ke xo ɛɖɛ nɔ, alo, ke lɔ Mawu we oxo ɖe nyi nɔ, bo cɔn onu do otaɔ, e ɖe yi we oga sɔflɛ ⁵ Vɔ, nyɔnusi ke xo ɛɖɛ nɔ alo ke lɔ Mawu we oxo ɖe nyi nɔ, e ko cɔn onu do ota, e ɖe yi we oga sɔ flɛ. onu dokpo wɛ e na ye do xlɛ ota ni. ⁶ Do, na nyɔnusi ɖe, ɔn kpewu na bla ota, ni kpa oɖa. Na e na na ŋunya na nyɔnusi ɖe na do kpa oɖa, alo e na xlɛ ota, ni bla ota. ⁷ Ɖo, ŋusunglo ɔn ɖo na cɔn onu do ota, ɖo Mawu we ninɔmɛ kpodo gigo wɛ enyi. Vɔ nyɔnusi nyi gigo na ŋusunglo. ⁸ Ɖo, ye ɔn ɖe ŋusunglo le nyɔnusi mɛ, vɔ, ŋusunglo mɛ wɛ ye ɖe nyɔnusi le. ⁹ E mɔ ke wɛ ye ɔn wasi ŋusunglo na nyɔnusi, vɔye wasi nyɔnusi na ŋusunglo. ¹⁰ Yi wɛ dɔn nyɔnusiɔ, Mawu we ɛwɛndotɔ ye we ɛcɛ kpikpa we josi ɖo na nɔ ota na nyɔnusi. ¹¹ E le emɔ gan ke, le Kliso mɛɔ, nyɔnusi ɔn le ŋusunglo mɛ vo, ŋusunglo ɔn le nyɔnsi mɛ vo. ¹² Ɖo, ɖi ke nyɔnusi nɔ tɔn sɔn ŋusuglo mɛɔ, e mɔ ke ŋusunglo ke ye ji sɔn nyɔnusi mɛ. Onu ye xe ɖeɖe sɔn Mawu mɛ. ¹³ Mi ye tete ye mi gbe je kpɔn bio, ejɛ na nyɔnusi na xo ɛɖɛ ayɔ Mawu nɔ ota ma bla? ¹⁴ Na e nyi bio, ŋusunglo ɖeɖo oɖa gaga ɔ ŋwinya onu wɛ e nyi ni, hwɛn ayi hinhɔn kplan mi? ¹⁵ Ayi hinhɔn ɔn kplan mi bio, na nyɔnusi ɖo oɖa gagaɔ, gigo wɛ e nyi na i tete ɔ? Ɖo, ye na oɖa gaga wi ɖi ota bla nu ha. ¹⁶ Vɔ, na onu dindɔ na le do oxo ke ye mɛ wu, mi ɔn ɖo walɔ e mɔ ha tɔn, ,agun Mawu tɔn ye can ɔn ɖo. ¹⁷ Oxo ke wu ko ba kɛ onu do nɔ syɛ ɔ, kɔn kpewu na kafu mi le e mɛ. Ɖo, okpli mia tɔn ye, onywɛ wɛ e ɖo na wa na mi, vɔ nyinylan wɛ e nɔ wa na mi. ¹⁸ Tantyantɔn, ko se biona mi yi okplityɔn mia tɔn ye lecɔci, mi ma nɔ le mia mɛ, ko bo ɖo kando e ji viɖe. ¹⁹ E nyɔ bio, mima can a nɔ ɖyɛ mia mɛ, na ye mɔ donyɔ ɛmɛ ke ye le ogbe ji le oxojɔxo mɛ ye. ²⁰ Vɔ, na mi va yi kpli do okpɔ, ɔn nɔ mɔ nyi, Xwetɔ we onu ɖuɖu wɛ mi nɔ ɖu nɔ. ²¹ Ɖo ha mi va bɔ ado ɖu onu, ɛmɛ ɖe ye nɔ ɖu ye tete tɔn nɔ, ke ŋu gbɔ hwe ɛmɛ dyɔ ye xovɛ mɔ ci ye nɔ. Ɛmɛ ɖe ɔ ye nɔ nu ahan a mɔ mu. ²² E le bio, mi ɔn ɖo oxwe ke gbe mi na ɖu a mɔ nu le wɛ? Alo Mawu we agun ɔ, ɔn ɖi onu ti na mi wɛ? Mi jro na sɔ ɛmɛ ke ye ɔn ɖo onu ɖe ye sɔ hwe wxɛ? Oxo ni lɛ ko na lɔ na mi syɛ? Ma kafu mi wɛ? Kɔn kan na kafu mi nɔ do e xin wu kpɔn gbeɖe. ²³ Ɖo ko yisɔn Xwetɔ si, onu ke ko sɔ na mi, ke Xwetɔ Yesu, le ozan ke mɛ ye sɔ sa na ye na sɔɛ sɔ hu, e sɔ kpɔnnɔ i ²⁴ we ke e do ɛkpɛ na Mawu, e ma-ɛ, bo lɔ bio:« E ke ɔ wɛ nyi gbaza tɛ ye ke nyi mia tɔn, mi nɔ wasi ado flin blɔ nɔ. ²⁵ E mɔ ke ɔ, e sɔ kɔ kpo, ke ye ɖu onu vɔ, bo lɔ bio:« Kɔkpo ke ɔ wɛ nyi o kan cica yoyo le ɛhun tɛ ye mɛ. Mi nɔ wasi e ke, le gan ɖe kpokpwe mɛ ke mi nu-i nɔ, ado flinwu nɔ.» ²⁶ Gan ɖe kpokpwe mɛ nu ke mi ɖu kpɔnnɔ ke nɔ bo nu kɔkpo ɔ nɔ, mi na jra oku Xwetɔ tɔn gun ado yi yi we titrɔ va ²⁷ Ɛmɛ ɖe kpokpwe ke ɖu alo bo nu kɔkpo Xwetɔ tɔn, ke ɔn jɛ na nu ̵ɔ, e na jɛ ɔgɔ do gbaza ɛhun Xwetɔ tɔn kpo. ²⁸ ƐMɛ ɖokpo ɖokpo ni gbeje i ɖe kpɔnhwe, a va ɖu kpɔnnɔ, a mɔ nu kɔkpo ɔ. ²⁹ Ɖo, ɛmɛ ke ɖu, bo nu, e ko kan odose na gbaza ɔ, kpodo ɛhun ɔ we o kan cica ɔ, e dɔn i ɖe ɛhwɛ huhu mɛ. ³⁰ I wɛ dɔn na ɛmɛ susu le mia mɛ bo hwe do onu wu, bo jɛ ɔdɔn nɔ, kpodo ɛmɛ ɖyɛ dɔ ɔwlɔn nɔ. ³¹ Vɔ, na mi gbe je mia ɖe ye kpɔn nɔ, ye ɔn mɔ ɖɔ ɛhwɛ na mi nɔ. ³² Vɔ, na Xwetɔ ɖɔ ɛhwɛ na miɔ, ye do jɔ okɔ na mi nɔ wɛ, na mi ɔ mɔ nyi ɛmɛ kr ye ye na ɖɔ ɛhwɛ na kpodo ayihɔn kpo. ³³ I wɛ dɔn, nɔvi ye, na mi yi bibɔ ado ɖu onu ɔ, mi nɔ ote kpɔn mi nɔnyɔ ye. ³⁴ Na xovɛ ci ɛmɛ ɖe ɔ, ni ɖu onu le xwe gbe, ni ko mɔ nyi nɔ bio, mi nan dɔn ɛhwɛ do mia ɖe ji. Kun do onu ke ye mi wlan ɖodan ɔ, ko na jɔ okɔ na mi na ko va va mia kɔn.