^{1 2} Syɛ-ɔ, ko flin na mi nɔ, nɔvi ye, ɛwɛn nyɔnwɛ ke we oxo ko lɔ na mi, ke mi yi kpo kec ji mi le. Ɛwɛn nyɔwɛ e mɔ, ha tɔn wɛ wlin mi gan, na mi le oxo-ɔ mɛ oxo ke lɔ na mi, ɔlɔ kpa bu mɛ bo nyi mi xɔse vovo. ³ Ɖo onu ke ko yi wɛ ko sɔ na mi tantin: Ɖo mia we ɔgɔ jijɛ ye wu wɛ Yesu Kliso va ku do le ɖi ke onu winwlan ye lɔɛ ɖo ha. ⁴ Ye ɖi, yihɔn ɔtɔn gɔ gbe e fɔn sɔn ɛmɛ kuku ye mɛ le ɖi ke onu wiwlan lɔɛ ɖo ha. ⁵ E ze na Sefasi kpo onu kplanvi weve ye. E ⁶ bo ze na nɔvi le xɔse mɛ ye ɛmɛ kan we ko donu atun le gan xixo ɖokpoe ye mɛ. Ɛmɛ ɖe ye gbɛ le ɛgbɛ le ye mɛ, vɔ ɛmɛ ɖe ye o ku. ⁷ E mɔ va ze na Jaki kpo odan gbe yi tɔ ye bi. ⁸ Le vivɔ nu-ɔ, Yesu ze na bo can, leɖi ovi ke ye ji le tinxo nyinylan mɛ ha. ⁹ Ɖo bo wɛ nyi ovi kpɛvi le odan gbe yi tɔ ye mɛ Kɔn jɛ na ye na yɔ bio odan gbe yi tɔ, ɖo ko do hannu na agun Mawu tɔn ¹⁰ Vɔ sɔ gbɔn ɛfɛnu Mawu tɔn mɛ-ɔ, Ko nyi onu ke ko nyi egbe yi we fɛnu nyi vovo na. E le e mɔ ganke-ɔ, ko wa odan vivɛ de hu gan ye mɛ bi. Ɔn nyi bo tete wɛn vɔ fɛnu Mawu tɔn ke le kpo. ¹¹ E mɔ nyi bo wɛ alo ye wɛ, mi se oxo ke mi lɔ nɔ, kpo onu ke ji mi kan do. ¹² Syɛ-ɔ, na mi ɖe gbe nɔ bio Kliso mɔ fɔn sɔn oku zɔn ɖokpo, na ɖe ɛmɛ ɖe ye mɔ le mia mɛ a mɔ lɔ nɔ bio fɔn sɔn oku mɔ ɔn le? ¹³ Vɔ, na sɔn oku ɔn mɔ le-ɔ, bo nyi Kliso can ɔn fɔn le ɛmɛ kuku ye mɛ. ¹⁴ Na Kliso can ɔn fɔn, bo nyi Mawu xo mia tɔn ye nyi vovo, mia we xɔse bo nyi vovo. ¹⁵ E le e mɔ bo nyi mi nyi nukwafo lɔ tɔ ojo tɔn sɔn Mawu wu, ɖomi ɖe kunnu sɔn Mawuwu bio e mɔ fɔn Kliso, vɔ e ko wesi. ¹⁶ Vɔ na ɛmɛ kuku ye ɔn fɔn-ɔ, Kliso can ɔn fɔn. ¹⁷ Na Kliso ɔn fɔn san-ɔ, xɔse mia tɔn nyi vovo mi mɔ trɔ mɔ le ɔgɔ jijɛ mia tɔn ye mɛ ¹⁸ E le e mɔ, ɛmɛ ke ku le Kliso mɛ ye can crɔn. ¹⁹ Na e nyi bio ɛgbɛ ke me wɛ, mi kan do Kliso ji le-ɔ le ɛgbɛtɔ ye mɛ, bo nyi ɖɔnuɖunu tɔ wu ɛmɛ bi. ²⁰ Vɔ syɛ-ɔ, Kliso fɔn sɔn ɛmɛ kuku ye mɛ. I wɛ nyioɛmɛ tantin ke fɔn le kutɔ ye mɛ. ²¹ Leɖi ke oku gbɔn ɛmɛ ɖokpo ji da va ɖo ha-ɔ, e mɔ ke wɛ fɔn sɔn oku mɔ gbɔn ɛgbɛtɔ ɖokpo ji ²² Le ɖi ke mi mɛ bi ku le Adamu mɛ ɖo ha, e mɔ ke le Kliso mɛ, ɛmɛ bi kpɔ ɛgbɛ. ²³ Vɔ ɖokpo ɖokpo le akpa i tɔn jiɔKliso, tantin, ɛmɛke nyi Kliso tɔn ye bo ho doe le i we viva mɛ. ²⁴ E nyi vivɔ nu, na Kliso sɔ oga ɖu xwe-ɔ sɔ na otɔ. E ko na hin osɛn do va cicɛ mɛ, ɛcɛ kpikpa ye bi. ²⁵ Do e ɖo na ɖu oga gbun na gan ke mɛ na e sɔ kintɔ i tɔnye do ɔfɔ itɔn nu. ²⁶ Kintɔ kpotui ke e nacrɔn wɛ nyi oku. ²⁷ Ɖo« E sɔ onu bi sɔɖo ɔfɔ itɔn nu» vɔ na e va lɔ nɔ bio ye mɔ sɔ onu bi mɔ sɔ na ha-ɔ, e le eji ɖo e mɔ ha bio ɛmɛ ke sɔ onu bi sɔ niɔn le e mɛ. ²⁸ Na ye va sɔ onu bi sɔ na vɔ-ɔ ovi ke ye sɔ onu bi sɔ na can na sɔ iɖe sɔ xwena ɛmɛ ke sɔ onu bi xwe nii. Onun ki ye na va e mɛ na Mawu a do nyi onu bi a bo le ota na onun bi. ²⁹ Le akpa bu ji-ɔ, onu nyi lɛ dɔn na ɛmɛ ɖe ye nɔ do ve lɛ Mawu we ɛsi do ɛmɛ kuku we o ta mɛ? Na ɛmɛ kuku ye ɔn kpewu na fɔn, onu ni dɔn na mi na do lɛ Mawu we ɛsi do ye we ta mɛ? ³⁰ Onu ni lɛ jɔ, mi mɛ bi wɛ le fɔku-ɔ mɛ? ³¹ nɔvi ye, mi ye ke jijɔɛ na le Yesu mia we Xwetɔ mɛ, ko tɛ ogbe do oxo ke ji na mi nɔ: gbe sia gbe wɛ ko ku nɔ. ³² Ale ni lɛ e nyi na le gbɛtɔ ye we ŋkɔn na ko fu a axhan kpo olan xle nu ye le Efɛzi, na ɛmɛ kuku ye ɔn fɔn? « Mia ɖunu, a bo nu onu, ɖo sɔɛ mi na ku.» ³³ Vɔ ɛmɛ ɖe na lɔ bio:« Ɛmɛ nyinylan ye wɛ nɔ gu ɛme onyɔnnɛ ye.» ³⁴ Mi nɔ nyɔnnɛɖe, mi nɔ ɛgbɛ le jijɔ nyi-nyi mɛ! Mi ko nɔ yi eji nɔ le ɔgɔ jijɛ mɛ nɔ, ɛmɛ ɖe ye le mia mɛ, ye ɔn ɖo Mawu we gɔn mɛ sise ti tete. Ko lɔ na mia ka mɔ do ɖu ŋkpin. ³⁵ Vɔ ɛmɛ ɖe ye nɔ lɔ bio:« Na ɖe ɛmɛ kuku ye na fɔnɖo? Gbaza ni lɛ ye na ɖo?» ³⁶ Mi le ma nyɔnnɛ mɛ! Onu ke mi xwa ɔn kpewu na wu na ɔn ku. ³⁷ Onu ke o xwa-ɔ, ɔn nyi gbaza hɛn nɔ hu, vɔ onu kun-ɔ ɖe kpwe. ³⁸ Mawu mɔ sɔ gbaza ke jloe. Onu ɖokpo ɖokpo gbaza ke jɛ ni. ³⁹ Gbaza ye bi ɔn nyi ɖokpoɛ ye, ɖo gbaza ɖe ye nyi gbɛtɔ tɔn, ɖe ye bo nyi olan ye tɔn, ɖe ye oxe ye tɔn, ɖe ye bo nyi oxwe ye tɔn. ⁴⁰ Gbaza sɛxwe tomɛ tɔn ye le, gbaza ŋkundan ji tɔn ye can bo le. Vɔ sɛxwe to mɛ tɔn ye klin hu ŋkundanji tɔn ye. ⁴¹ Oxwe we kinklin le, osun tɔn can bo le, osun xwevi ye tɔn can bo le, osunxwevi ɖe bo gbɔnvo na ɖe le kinklin ye mɛ. ⁴² E mɔ wɛ e le le fifɔn sɔn oku onu ke ye xwa-ɔ, e nɔ nyɔ. Onu ke va hu-ɔ ɔn nɔ nyɔn. ⁴³ Ye xwe le vivɛ sise mɛ, e bo va fɔn kpo gigo kpo, ye xwe le gbɔ jɔ gbɔ jɔ mɛ, e bo fɔn kpo hɔnhlɔn kpo. ⁴⁴ Ye xwe kpo gbaza ke kpo, e bo fɔn kpo gbigbɔ mɛ we gbaza. Na e ɖo gbaza, bo nyi gbigbɔ mɛ we gbaza le. ⁴⁵ Iwɛ dɔn we wlin bio:« Ɛmɛ tantin, Adamu, trɔ va okla ɛgbio-ɛgbio.»ke hu ye kɔn. Vɔ, onu ke le gbigbɔ mɛ ɔn nyi tanyin, ⁴⁶ vɔ onu ke nyi olan wɛ, gbɔ xwe onu ke nyi gbigbɔ na va. ⁴⁷ Ɛmɛ tantin ke ye ɖe le ŋkundan mɛ, ŋkundan tɔn wɛ, ɛmɛ ɔwe gɔ bo nyi jinukunsin tɔn. I wɛ nyi ɛmɛ ke ye ɖe le jiŋkunsin tɔn. I ⁴⁸ wɛ nyi ɛmɛ ke ye ɖele ŋkundanmɛ, iwɛ mɔ nyi ɛmɛ ke ye ɖe ŋkundan mɛ ye, e mɔ ke wɛ nyi ɛmɛ ke sɔn jinukunsin, ye can mɔ nyi jinukunsin tɔ. ⁴⁹ Mi ɖo ŋkundan ji we ninɔ mɛ, mi mɔ hɛn jinukunsin we ninɔ mɛ ⁵⁰ Oxo ke ko lɔ nɔ, nɔvi ye. Ɛhun kpo gbaza kpo ɔn kpewu na yi jinukunsin ga ɖu xwe, gbaza gugu ɔn kpewu sɔ gbaza magu magu sɔ do. ⁵¹ Mi kpɔn ko lɔ oxo wiwla na mi nɔ, mi mɛ bi ɔn kpewu na ku, vɔ mi mɛ bi na trɔ. ⁵² Ŋkunsin xixo ɖokpo mɛ, zɔnɖokpo, le okpin ɖiɖi kpotuiɔ mɛ, okpin-ɔ na ɖi, ɛmɛ kuku ye na fɔn magu. ⁵³ Ɖo gbaza gugu ke ni sɔ magu-magu sɔ do e mɔ ke gbaza kuku ke ni sɔ maku-maku-ɔ sɔ do. ⁵⁴ Na kuku-ɔ sɔ magu-magu sɔ do-ɔ, na gbaeza maku-maku sɔ kuku-ɔ sɔ do vɔ-ɔ, gan xin mɛ oxo ke ye wlan na va cicɛ mɛ:« Jwifu sɔ oku sɔ mi.» ⁵⁵ « Oku fie lɛ jiɖuɖu tɔwe-ɔ le? oku fie lɛ iwe oda le?» ⁵⁶ Oku we oda wɛ nyi nuvwin, onu vwin we hɔnhlɔn-ɔ osɛn wɛ. ⁵⁷ Vɔ ɛfɛ nu na Mawu ke nɔ na mi jiɖuɖu sɔ gbɔn mia we Xwetɔ Yesu Kliso ji. ⁵⁸ Nɔvi ye wan nyi na nɔ, mi nɔ te sinsin hu, ma hun-hun, mi mɔ wadan do odan ji viɖe-viɖe na Mawu we odan le xwetɔ mɛ, mi mɔ nyɔnnɛ bio odan mia tɔn ye ɔn nyi vovo nɔ le Xwetɔ mɛ.