¹ Onu ke kan xɔse tɔ ye sɔ oho jijɔ wɛ, mi ye can mi wasi ɖi ke lɔ na Galati tɔ ye ɖo ha. ² Na ɖokpo ɖokpo le mia mɛ, le azan tantinle kwɛsiɖa mɛ, ni sɔ onu ɖe sɔ ɖo ovo le ɖi ke na e le esi ɖo ha a bo hɛn e wu. Mi wasi na ka nyi bio ko na va gbɔxwe na mia va jɔ nɔ. ³ Na ko va, ko na va kpo onu winwlan ye ado kpewu na mi vivo le ɛmɛ ke mi na do kpɔn le Jeluzalɛmu. ⁴ Na e mɔ hian na ko na yi, ye na yi kpo. ⁵ Vɔ, ko na va mia kɔn na gbɔn Masedoanu, ɖo ko na gbɔn blɛ. ⁶ Tanyɔn ko na nɔ mia kɔn, alo ko na nɔ mia kɔn le zozo we gan mɛ bi, na mia do kpewu ado wu a ve ɖo do ofi ke ko yi nɔ. ⁷ Kɔn jrɔ na kpɔn mi na gan xixo viɖe kpɔŋ, vɔ ko jro na nɔ mia kɔn na azan viɖe na Xwetɔ jro. ⁸ Ko na nɔ Efɛzi gbun do yi jɛ Pantekotu we ganmɛ. ⁹ Ɖo ogbo ɖaxo ɖe we ohɔn hun na vɔ omɔ hɛnu ye su. ¹⁰ Na timote va, mi na na ni nɔ mia mɛ ke na ɔn na vo; ɖo ewa odan nɔ ɖi blɔ ha na Xwetɔ. ¹¹ Ɛmɛ ti ni ka mɔ ɖe ofun ni, mi kpedo e wu le fifa mɛ, na do kpewu va kɔn ye, ɖo ko le ote kpɔnnɛn, nɔvi le xɔse mɛ ye nɔ. ¹² Na onu ke kan mia nɔvi-ɔ, Apolosi-ɔ, ko do hɔnhlɔn na mɛ ni na do ve kan ɛmɛ kpɔn kpo nɔvi le xɔse mɛ ye. vɔ ɔn nyi ojro itɔn na e na do wasi syɛ, gan ke e na va le gna xixo onyɔnnɛ-ɔ mɛ. ¹³ Mi nɔ ŋzɔn, a bo nɔ xɔse mɛ, mi nyi ɛgbɛ tɔye, mi do hɔnhlɔn na mɛ na mia ɖe ye. ¹⁴ Mi na na onu sia onu ke mi wasi nɔ ye ni nyi kpo a wan nyi yi kpo. ¹⁵ Mi nyɔn Sitefanu we wɛndo-ɔ, mi nyɔnnɛ bio ye wɛ nyi ɛmɛ tantin ke trɔ ji mɛ ye le Acai ye, yen bo sɔ gbeta taŋ na Mawu we odan na xɔse tɔ ye ko do hɔnhlɔn na mɛ na mi nɔ nɔvi ye, ¹⁶ na mia sɔ mia ɖe sɔ xwe na ɛmɛ e mɔ ha tɔn ye kpo ɛmɛ ɖe kpoe kpoe do odan wu bo wa odan kpo mi nɔ ¹⁷ Ojijɔ do Sitefanu we viva wu kpo Fɔtunatisu kpo Acaiku kpo. Ye nɔ mia we do domɛ gan ke mɛ mi ɔn le-ɔ. ¹⁸ Ɖo ye na na oji tɛ ye jɛ emɛ, mia tɔn can bo jɛ e mɛ. E le e mɔ mi lɔ oxo nyɔnnɛ sɔn ɛmɛ e mɔ ha tɔn wu. ¹⁹ Xɔse tɔ Azi tɔn ye do ogbe do dan mi Akiladsi kpo Plisili kpo agun vi ke le oxwe ye tɔn do ogbe do dazn mi le Xwetɔ mɛ. ²⁰ Nɔvi le xɔse mɛ ye do ogbe do dan mi. Mi do ogbe na mi nɔ ni-ɔn ye. ²¹ Blɔ Pɔlu, ko wlan onu ki ye nɔ kpo ɔlɔ tɛ ye kpo. ²² Na ɛmɛ ɖe ɔn nyi owan na Xwetɔ-ɔ, ni yi nudo! Va mia we Xwetɔ. ²³ Na mia we Xwetɔ Yesu we fifa ni nɔ kpo mi. ²⁴ Na owan nyi nyi tɛ ye ni nɔ kpo mi mɛ bi le Yesu Kliso Mɛ.