¹ Mi kan owan nyinyi jɛ ,ŋkɔnna onu ɖekpo kpwe, mi mɔ kan gbigbɔ mɛ we onu nina ye, le ota ji oxolɔɖenyi we onu nina. ² Na ɛmɛ ɖe do ogbe vovwe nɔ, e lɔ oxo na Mawu nɔ ɛmɛ ti ɔn nɔ se oxo ke e lɔ nɔ we gɔnmɛ, ɖo, onu makpɔn e do na ye wɛ e nɔ lɔ nɔ ɖi le na gbigbɔ ɔ, nɔ gbɔ gbɔn e mɛ ɖo ha. ³ Vɔ, ɛmɛ ke nɔ lɔ oxo ɖe nyi nɔ, ɛgbɛ tɔ wɛ e nɔ lɔ oxo na nɔ, na ye a do hwɛn le xɔse mɛ, omɔ ɖo oji dido, a mɔ kpɔn ɔkɔn fifa. ⁴ Ɛmɛ ke do ogbe vovwe nɔ, e do hɔnhlɔn e ɖe le xɔse mɛ nɔ, vɔ, ɛmɛ ke lɔ oxo ɖe nyi nɔ, e do hɔnhlɔn cɔci nɔ le xɔse mɛ. ⁵ Ojro tɛ ye wɛ nyi bio, mi ɛmɛ ye xe ɖeɖe na nɔ do ogbe vovwe, vɔ, ke jro blɔ taŋu wɛ nyi bio mi na nɔ lɔ oxo ɖe nyi. Ɛmɛ ke do ogbe vovwe nɔ, ɖo na ɖe gɔnmɛ, na cɔci na hwɛn le xɔse mɛ, na ɔn nyi e mɔ, ɛmɛ ke lɔ oxoɖenyi nɔ hu gan wi. ⁶ Syɛ, mia susu-i bio, ko va mia kɔn, nɔvi ye ŋusuglo nɔvi ye nyɔnusi, bo do ogbe vovwe nɔ, onywɛ ni lɛ ko wa na mi nɔ, na oxo ke ko lɔ nɔ, ɔn ɖe onu ɖe sɔ xlɛ mi, ɔn na onu nyinywɛ mi, ɔn nyi oxo lɔ ɖenyi gbɔn omɔnyi okplan gbeɖe na mi. ⁷ E mɔ ke wɛ do na kpete kpodo onu xo nu okan nɔ, na finfan ye tɔn ye ɔn gbɔn ovo, na ɖe ye na wa a do nyɔ onu ke kpete lɔ nɔ, alo onu xo nu ɔlɔ nɔ? ⁸ Na ye ɔn se onu ke ahwan kpɛn lɔ nɔ ceɖe ceɖe ɔ, mɛ lɛ na jla ɖo na a hwan wiwa. ⁹ E mɔ ke wɛ e le ɖo na mi ye tete ɔye can, na ɛmɛ ɖe ɔn se ogbe ke mi do nɔ ɔ, na ɖe ye na wa a do nyɔ oxo ke mi lɔ nɔ ɔ? Mi na lɔ oxo vɔ ɛmɛ ti ɔn ba se onu gɔnmɛ ti nɔ. ¹⁰ Ogbe susu wɛ le le ɛgbɛ ɔ xe ɖe ɖe mɛ gba gba gba, ti ɔn le na ɔn ɖo gɔnmɛ sise. ¹¹ Vɔ, na kɔn se ogbe ɖe ɔ, ko trɔ zun jo nɔ na ɛmɛ ke lɔ oxo na nɔ le yi we ogbe mɛ, ɛmɛ ke lɔ oxo na nɔ can trɔ zun ɛmɛ jonɔ na blɔ. ¹² E mɔ ke wɛ e le na mi ye can, ɖo mi le kpla kpla ji na gbigbɔ ɖe do ovo Mawu tɔn we onu wiwa, akpa kpa ni nɔ mia ji, na mia ɖo ŋkɔn yiyi taŋu le hwinhwɛn cɔci tɔn mɛ. ¹³ Ɛmɛ ke do ogbe vovwe nɔ, ni xo ɛɖɛ, na e na kpewu na gɔnmɛ sise. ¹⁴ Ɖo, na ko do ogbe vovwe bo do xo ɛɖɛ nɔ gbigbɔ te ye nɔ xo ɛɖe nɔ, vɔ, onu nyinywɛ tɛ ye ɔn wa odan ɖe nɔ. ¹⁵ Ŋuni lɛ ko na wasi? Ko na xo ɛɖɛ kpodo gbigbɔ te ye, kpodo onu nyinywɛ tɛ ye kpo. Ko na ji ohan kpodo gbigbɔ tɛ ye, kpodo, onu nyinywɛ tɛ ye can. ¹⁶ Na ɔn nyi e mɔ ɔ, mi kafu Mawu nɔ kpodo gbigbɔ ɖodyo kpo nɔ, ɛmɛ ke ye ɔn se gɔnmɛ ye, naɖe ye na lɔ ¹⁷ Mi nɔ do ɛkpɛ na Mawu nɔ nywɛɖe taŋu, vɔ ɛmɛ ɖe ɔ ɔn kpɔn hwinhwɛn le cɔci ɔ mɛ nɔ. ¹⁸ Ko do ɛkpɛ na Mawu nɔ, ɖo, ko nɔ do ogbe vovwe nɔ hugan mi ɛmɛ xeɖe ɖe. ¹⁹ Vɔ, le cɔci ɔ mɛ ɔ, ko jro bio, ma lɔ oxogbe atun gee kpodo, gɔnmɛ sise, a do na hwinhwɛn ɛmɛ ɖe ɔ ye, hugan ko na lɔ oxogbe akpo owo do gbɔn ogbe vovwe mɛ. ²⁰ Nɔvi ŋusuglo kpodo nyɔnusi, mi ko mɔ nyi ovikpɛvi ye le mia we sise ye mɛ o. Vɔ mi nɔ nyi ovi fe na onu ke nyi onu nyinyla. Vɔ, le mia we susu ye mɛ ɔ, mi nyi ɛmɛ hwinhwɛn. ²¹ E nyi winwla le osɛn wema ɔ mɛ bio:« Do gbɔn ɛmɛ ke ye nɔ do ɛmɛ jo we ogbe kpodo, dogbɔn onu ɛmɛ jo ye tɔn mɛ ɔ, ko na lɔ oxo na to gun ke, le ogan xixo ɔ mɛ ɔ ɔn ba se nɔ,» wɛ Xwetɔ lɔ ²² Le blɛ ɔ, mi na nywɛn bio, ogbe nyi josi do ɖe, vɔ ye ɔn nyi na xɔse tɔ ye, vɔ na emɛ ke ye ɔn le xɔse mɛ ye. Vɔ, oxolɔɖenyi josi, vɔ, ɔn nyi na ɛmɛ ke ye ɔn xɔse ye, vɔ na xɔsetɔ ye. ²³ Na e nyi bio cɔci ɔ xeɖe ɖe bɔ bo ta ogbe vovwe dido ɔ, na ɛmɛ ke ye le gaji ye kpo do ɛmɛ ke ye ɔn xɔse ye, va ɖyɛ oxɔ ɔ mɛ ɔ, ye ɔn na lɔ bio:« Oha wɛ mi bɛɛ?» ²⁴ Vɔ, na mi lɔ xo ɖe nyi nɔ mi ɛmɛ xe ɖeɖe, yi wɛ ɛmɛ xe ɖeɖe sɔn gaji alo ;maxɔse tɔ ye ɖyɛ xɔ ɔ mɛ ɔ, ayi na jɛ odo ni-i, do gbɔn onu ke ye ese nɔ ye mɛ, ye ɛme xeɖe ɖe ye wɛ oxo lilɔ na ɖe xlɛ bio e mɔ le onu nyinyla mɛ, ye ɛmɛ xe ɖeɖe wɛ oxo mɔ do ɛhwɛ ni-i. ²⁵ Onu hwihwla ke ye le ayixa mɛ ni-i ye nɔ jɛ agba ŋu gba, e mɔ cɔn ŋu mɛ onyi, a mɔ sɛn Mawu, a mɔ lɔ bio, Mawu le mia mɛ oxojɔxo. ²⁶ Syɛ, nɔvi ye ŋusuglo kpodo nyɔnusi kpo, ŋuni mi ɖo na wasi? Na mi va bɔ, na ɛmɛ ɖe do ohan bo ba ji nɔ, ɖo onu kplan ɛmɛ ɖe, alo ɖiɖe xlɛ ɖe, ogbe vovwe ɔ we gɔnmɛ wɛ, ni wasi xe ɖeɖe na cɔciɔ a do hwɛn le xɔse mɛ. ²⁷ Na e nyi bio ye na do ogbe vovwe, ɛmɛ ɔwe alo na e su di-in ni nyi ɛmɛ ɔtɔn ni do ogbe vovwe emɔ nyi ɖe jɛ ɖe tɛ, ɛmɛ ɖe mɔ ɖe ye gɔnmɛ. ²⁸ Na ogbe gɔnmɛ ɖe tɔ ɔn le, ye ni bo nɔ onu bɔ nyi le cɔci ɔ mɛ, ogbe vovwe do tɔ ɔ ni do ogbe vovwe na yi ɖe, a mɔ do na Mawu. ²⁹ Na e nyi bio Mawu lɔ oxo ɖe na ɛmɛ ɖe ye, ye bo ba do ogbe e tɔn nɔ, ɛmɛ ɔwe alo ɛmɛ ɔtɔn, ni lɔ na ɛmɛ gbokpwe ye ni gbɔjuɛ kpɔn. ³⁰ Vɔ na ɛmɛ ɖe le blɛ ɔ, Mawu bo ɖe onu sɔ xlɛ-ɛ, ɛmɛ ke lɔ oxo nɔ ni bɔ onu. ³¹ Mi ɛmɛ xe ɖeɖe na lɔ oxo ɖe nyi jro, vɔ, e ɖo na nyi de jɛ ɖe tɛ, ɛmɛ ye xe ɖeɖe mɔ yi okplan sɔn e mɛ, kpo oji di do. ³² Gbigbɔ ke nɔ zan oxolɔɖenyitɔ Mawu tɔn, le oxolɔɖenyi Mawu tɔn we ɛcɛ ³³ gɔ. Ɖo Mawu ɔn nyi onu hannya hannya wa tɔ we Mawu, vɔ, fifa we Mawu wɛ e nyi. Ɖo ke e nɔ nyi ɖo le xɔsetɔ xe ɖeɖe we cɔci ye mɛ ɖo ha. ³⁴ Nyɔnusi ni nɔ onu bɔ nyi xwii le cɔci ye mɛ. Ɖo, o mɔ ɖiɖe ɔn le na ye, na ye na nɔ lɔ oxo, ye ɖo na nɔ sɔ ye ɖe hwe ɖi ke osɛn can lɔ ɖo ha. ³⁵ Na ye jro na se onu gɔnmɛ ɔ, ye ni nɔ kan ye suɔ ye se le oxwe gbe, ɖo, ɔn nyɔhwin bio nyɔnusi a nɔ lɔ oxo le cɔci. ³⁶ Mawu we oxo ɔ mia kɔn wɛ e sɔn? Alo mi ye ɖoɖyo kɔn wɛ e va? ³⁷ Na ɛmɛ ɖe kan do e ji bio blɔ mɔ nyi oxolɔɖenyitɔ, alo hlɔ mɔ lɛ gbigbɔ mɛ, e ɖo na nyɔ-ɛ bio, onu ke ko wlan na mi nɔ ke, Xwetɔ we ogbe ɖiɖo mɛ e mɔ nyi. ³⁸ Na ɛmɛ ɖe ɔn nyɔ e xin ɔ, Mawu ɔn nyɔ i tete ɔ can. ³⁹ Nɔvi ye-e mi kan a nyi Mawu we xolɔɖenyitɔ, mi ko gbɛ ogbe vovwe dido na ɛmɛ ɖe. ⁴⁰ Vɔ, mi wasi onu ye xe ɖeɖe ɖi ke e jɛ ɖo ha kpodo tito