¹ Na ko nɔ do ogbe ke ɛgbɛ tɔ ye nɔ do, a nɔ do ogbe ke Mawu we ɛwɛndotɔ ye nɔ do, ko bo ɔn ɖo owanyinyi, ko trɔ zun ogan ke fan nɔ bo vɛ oto mɛ na ɛmɛ ye nɔ ha. ² Mi na susu-i bio, ko ɖo onu nina oxo lɔ ɖenyi tɔn, bo se oxojɔxo ye xeɖeɖe we gɔn mɛ kpodo onu gɔnmɛ sise ke hwla ye, bo ɖo xɔse ke na kpewu hɔn oto ye can. Vɔ, na kɔn ɖo owan nyinyi, kɔn nyi onu ti. ³ Na ko nɔ ma dɔkun tɛ ye xe ɖeɖe, bo sɔ ɖi ye sɔ ɖi ye sɔ na ye ye bo, tɔ ozo wu ɔ, na kɔn ɖo owan nyi nyi, ɔn nyi ale ti na. ⁴ Owanynyin nɔ ɖo baba na ɛmɛ, bo nɔ hun dɔmɛ, ɔn nɔ nyi go. ⁵ Owanyinyi ɔn nɔ wa ŋunyla we onu ti, ɔn nɔ kan i tete we ale, ɔn nɔ do aɖi, ɔn nɔ hɛn ɛmɛ do dɔmɛ. ⁶ Ɔn nɔ kpɔn jijwɛ do ɛmɛ tafu wu, oxojɔxowɛ nɔ dojijwɛ ni-i. ⁷ E nɔ sɔ onu ye xe ɖeɖesɔ kɛ ɛmɛ, e nɔ kando onu ɖekpɔ kpɔ ji, bo nɔ ɖo omɔ kpinkpɔn le onu bi mɛ, bo nɔ do oji le onu ye xe ɖeɖe mɛ. ⁸ Vivɔ nu ɔnle na owanyinyi, oxolɔɖenyi ye na va vɔ, ogbe vovwe ye dido ye na va ɖote, onu nyinywɛ bo na va vɔ. ⁹ Ɖo, onu nyinywɛ mia tɔn ɖo odo. Ogbe na ke mi nɔ ɖo do Mawu nu can ɖo odo. ¹⁰ Vɔ, ogan ke mɛ na onu ke nyi sɔgbe na va vaɔ, onu ke sɔ ogbeɔ na bu . ¹¹ Gan ke mɛ na ko le vikpɛ viɔ, ko nɔ lɔ oxo ɖi vikpɛ vi ha, ko nɔ ɖo susu ɖi ovi kpɛvi ko bo nɔ se onu gɔnmɛ ɖi ovi kpɛvi ha, vɔ, ke ko va hwɛnɔ, kojo ovikpɛ vi mɛ we onu ye do. ¹² Syɛɔ, onu kpinkpɔn mia tɔn le fiti fiti ɖi ɛmɛ ke kpɔn onu gbɔn nukpwɛn fiti fiti mɛ nɔ ha, vɔ na e va ya mi na kpɔn onu ye xe ɖeɖe ceɖe ceɖe. Le syɛ ɔ, onu ke onu ke ko nyɔ ɔ ɖo odo nɔ, ɖi ke Mawu nyɔ ɖo ha. ¹³ Onu ɔtɔn ke ye na nɔ onyi gbun do yi ye hɛn: xose, omɔ nu kpinkpɔn,owanyinyi; vɔ le xe ɖe ɖe mɛ ɔowanyinyi wɛ nyi ota tɔ