¹ Wɛnzangun atɔɔngɔ lɔ kun ahwankpɛn wɛ un mɔ sunhwlɛvi ɖeflɛ sɔn oji bo jɛ anyizan mɔ. Ye sɔ vivɛsise we odo ɖaxo maɖodo lɔ we cavi sɔ xɔ ni-i. ² Sunhwlɛvi nɛ lɔ hun odo nɛ lɔ wɛ azɔ le tun le e me xɔn ɖi ozokpo ɖaxo ɖe we azɔ ha. Azɔ xeni le tun xɔn nɛ lɔ na ohwe kpo ogbɛ lɔ mɛ ɖiyu. ³ Bɔsukleye nɔ tɔn le azɔ lɔ mɛ bo gbakpe anyizan lɔ sese ji. Ye sɔ acɛ kekleye tɔn ha na bɔsukle lɛye. ⁴ Ye do osɛn na ye ɖɔ ye ni bo nɔ kpɔn blo onu nyinyla ti na ogbe lɛye alo ama ti kaka do jɛ atin ti ji gɛ. Vɔ, ye ni bo blo onu nyinyla xa gbɛtɔ xe ma ɖo josido Mawutɔn do nukɔnnu gɛ lɛye kɔkɔlɔkɔ. ⁵ Ye ma na acɛ ye ɖɔ ye ni bo hu omɛ nɛ lɛye gɛ, a mɔ ye ɖe ogbe na ye ɖɔ ye ni bo do vivɛsise na ye gbɔɔn do yi osunzan atɔɔn. Vivɛsise lɔ na le ɖi vivɛsise xena ye nɔ mɔ hwexenu na kekle mɛ omɛ ha. ⁶ Le azan e nɛ lɛye gbe, gbɛtɔ ye na byɔ oku, bo na ba kpo; ye na din na ku, vɔ, oku na dɛɛn do ye go. ⁷ Bɔsukle lɛye le ɖi osɔ xena ye sɔ onu na ahwan funfun ha. Onu ɖi jɛgbakɔn sikatɔn ha le ota na ye, wɛ nukun mɛ yetɔn le ɖi gbɛtɔ we nukun ha. ⁸ Oɖa yetɔn ciɖi nyɔnusi we oɖa ha, aɖu yetɔn lɛye bo le ɖi kinikini ajaŋuta we aɖu ha. ⁹ Ye ɖo hunkɛnnu ɖi onu xena ye do ogan we awu na ha. Aba xwe yetɔn lɛye we zigi di ci ɖi ahwanhun xena osɔ susu le dɔn xɔn do le yi ahwangbe ha. ¹⁰ Ye ɖo vɔnu ɖi kekle we vɔnu ha, bo tlɔn xwinni-xwinni. Vɔnu yetɔn lɔ mɛ wɛ hɔnhlɔn yetɔn le, wɛ ye na do aya/ vivɛsise na gbɛtɔ ye na osunzan atɔɔn. ¹¹ Ye ɖo xɔlu lokpo, e wɛ nyi wɛnzangun xeni le vivɛsise we odo ɖaxo maɖodo lɔ nu.Ye nɔ yɔ-ɛ le heblegbe mɛ ɖɔ:"Abadɔn", bo nɔ yɔ-ɛ le glɛkigbe mɛ ɖɔ:"Apolinyɔ". ¹² Otanylakan/ vivɛsise tintantɔn lɔ wa yi e ɖi e otanylakan awe bu gɔ ja. ¹³ Wɛnzangun ayizɛngɔ lɔ kun ahwankpɛn wɛ un se ogbe ɖe ɖi le sika we avɔsinsan we agba we azo ɛnɛ lɛye mɛ. Avɔsinsan we agba nɛ lɔ le nukɔn na Mawu. ¹⁴ Ogbe lɔ ɖɔ na wɛnzangun ayizɛngɔ xe hɛn ahwankpɛn lɔ ɖɔ: Tlun okan na wɛnzangun ɛnɛ xeni le bibla le otɔ sisa ɖaxo xena ye nɔ yɔ Eflati lɔ ji. ¹⁵ E tlun okan na wɛnzangun ɛnɛ lɛye xena ye o jla ɖo, ɖo anyi na oganxixo xe lɔ, azan xe lɔ, sunzan xe lɔ, oxwe xe lɔ na ye a do hu gbɛtɔye we mima do atɔn. ¹⁶ Ye ɖɔ sɔja osɔjinɔtɔ yetɔn lɛye we xixlɛmɛ na-un: Ye nyi zanhwanhyɔn sandi awe /200.000.000/. ¹⁷ Dena un osɔ lɛye kpo osɔjixlɛtɔ lɛye ɖo le onu xlɛmɛ ce mɛ ɖi e, ye do ogan we awu lɛye, ɖe lɛye le vɛvɛ ɖi ozo ha, ɖe lɛye bo nyi okpɛn fɛsin mɛ xena ye nɔ yɔ ɖɔ safii ha; ɖe lɛye bo nyi koklo zinɖɔmɛ ɖi ohwemi ha. ozo azɔ kpo hwemi le tɔn le onu mɛ na ye xɔn. ¹⁸ Vivɛsise tanylakan tɔn atɔn xeni nyi ozo, azɔ, kpo hwemi xe le tɔn le onu mɛ na osɔ lɛye xɔn hu gbɛtɔ lɛye we mima do atɔn. ¹⁹ Ɖo osɔ lɛye we hɔnhlɔn, onu mɛ kpo vɔnu kpo wɛ e le na ye; vɔnu yetɔn ɖi odan ha, bo ɖ ota, e lɔ wɛ ye nɔ zan bo nɔ do do vivɛsise na gbɛtɔye ²⁰ Omɛ gbokpwe xena vivɛsise tanylakan tɔn nɛ lɔ ma o hu gɛ lɛye, ma lɛkɔ le onu xena yetesu sɔ alɔ yetɔn lɛye ɖo blo, bo le sɛn xɔn we godo gɛ. Ye ma jo lɛgba sinsɛn do gɛ, ye ka ma jo atinkpavi xena ye sɔ sika do blo, alo ogan wewe, vɛvɛ, okpɛn, alo atn sinsɛn do gɛ. Onu e nɛ lɛye ma kpego bo le mɔ nukunnu, alo bo le se onu gbɔɔn bo do kpego le zɔnzɔnlin xɔn gɛ. ²¹ Ye ma lɛ okɔ le omɛ huhu tɛ gɛ gbɔɔn do lɛ okɔ le aze we godo, ogbɛ ɖuɖu zinzan yetɔn kpo ajo jijɛ yetɔn lɛye we godo gɛ.