¹ Le enɛ godo, un mɔ wɛnzangun Mawu tɔn ɛnɛ le ote le wɛkezo ɛnɛ lɛye ji, ye hɛn jɛhɔn anyizan ji tɔn ɛnɛ lɛye ɖo ote, na jɛhɔn ɖe ma gɔ do le xo xɔn le anyizan ji oo, oxu ji oo, kaka do jɛ atin ɖe ji gɛ. ² Un mɔ wɛnzangun Mawu tɔn bu wɛ esɔn ohwe zɛdo daxwɛ bo hɛn josido Mawu gbɛde-gbɛɖe tɔn lɔ bo le axwanu ɖoxlan wɛnzangun ɛnɛ xena ye na acɛ ɖɔ ye ni bo blo onunyinyla le anyizan kpo oxu kpo ji ³ Bo le ɖɔ xɔn ɖɔ: mi nɔ kpɔn blo onunyinyla ɖe le anyizan kpo oxu kpo ji gɛ,mi nɔ kpɔn blo onunyinyla ɖe na atin can gba gɛ kaka do jɛ hwenu xena mi na ɖo josi nukɔn nu na ozɔnwatɔ Mawu mitɔn lɛye tɔn. ⁴ Un se omɛ nɛ mu xena ye do josi do Mawu tɔn nukɔnnu na. ye o mɛ akpo sandi lokpo akpo ota ɛnɛ akpo nukun ɛnɛ(14400) wɛ nyi omɛ xeni sɔn izlayɛli we akɔta lɛye kpokpo mɛ. ⁵ Le juda we akɔta mɛ, ye ɖo josi mɛ akpo wyawe (12000), le hlub̈ɛnu we akɔta mɛ; gbɛtɔ akpo wyawe, le Gadi we akɔta mɛ, gbɛtɔ akpo wyawe. ⁶ Le acɛ ,we akɔta mɛ, gbɛtɔ akpo wyawe, le nɛfutali we akɔta mɛ, gbɛtɔ akpo wyawe, le Manase we akɔta mɛ, bgɛtɔ akpo wyawe. ⁷ Le simɛnyɔ we akɔta mɛ, gbɛtɔ akpo wyawe, le Lewi we akɔta mɛ, kpɛtɔ akpo wyawɛ, le Isaka we akɔta mɛ, gbɛtɔ akpo wyawe. ⁸ Le Zabulɔn we akɔta mɛ, gbɛtɔ akpo wyawɛ, le Jozɛfu we akɔta mɛ, gbɛtɔ akpo wyawe, le Bɛnjamɛ we akɔta mɛ, gbɛtɔ akpo wyawe ye omɛ nɛ lɛye sese wɛ ye ɖo josi. ⁹ E nɛ godo, un mɔ gbɛtɔ ahwankpɔ ɖe xena omɛti ma kpego bo na jlɛ gɛ. ye sɔn otogun ɖekpokpwe mɛ, akɔta ɖekpokpwe mɛ, oto ɖekpokpwe me, bo sɔn ogbe ɖekpokpwe mɛ wɛ ye le ote le nukɔn na xɔlu zinkpwe lɔ kpo lɛngbɔ vi lɔ kpo. ye do onu gaga wewe bo hɛn demaye do asi. ¹⁰ Ye le do axwa xɔn lelele ɖɔ: hwlɛngan sɔn Mawu mitɔn xe fiɔn anyi le xɔlu zinkpwe lɔ ji kpo lɛngbɔvi lɔ kpo tɔn. ¹¹ Wɛnzangun lɛye sese lɛ oto do xɔlu zɩnkpwe lɔ, bo lɛ oto do mɛxo lɛye kpo onu le ogbɛ ɛnɛ lɛye kpo. ye cɔn nukun mɛ anyi le nukɔn na xɔlu zinkpwe lɔ bo le sɛn Mawu xɔn. ¹² Ye le ɖɔ xɔn ɖɔ: Ami, kanfu kpo gigo, onu nyinywɛ, okpɛ dido, yɛyi, hɔnhlɔn kpo acɛ wɛ nyi Mawu mitɔn tɔn sɔn mavɔ do yi mavɔ! Ami. ¹³ E wɛ nyɔxonɔ lokpo kan un se ɖɔ: omɛ xeni do awu gaga wewe lɛye, omɛ bɔ tɔn ha ye wɛʔ bɔ ha wɛ ye sɔnʔ . ¹⁴ Un ɖo e go ni-i ɖɔ : omɛ ɖaxo ce! yɔ wɛ nyɔ-ɛ ma. wɛ e ɖɔ na -un ɖɔ: ye wɛ nyi omɛ xeni gbɔn vivɛsise ɖaxo lɔ mɛ lɛye, ye nya awu gaga yetɔn lɛye, le ohun lɛngbɔvi lɔ tɔn mɛ, a wu lɛye bo wee. ¹⁵ E wɛ zɔn ye do le ote le xɔluzinkpwe Mawu tɔn lɔ we nukɔn bo nɔ do le sɛn Mawu xɔn le okle kpo ozan kpo. le xwegbe etɔn xɔn, omɛ xeni flɔn anyi le xɔlu zinkpwe lɔ ji na cɔn alɔ etɔn ye ji. ¹⁶ Xovɛ ma gɔ le ci ye xɔn gɛ, kɔ mɛ ma gɔ le ci ye xɔn gɛ, ohwe ma gɔ le ɖu ye xɔn kpɔn gbeɖe. Zoji can ma gɔ le ji ye xɔn kpɔn gbeɖe. ¹⁷ Ɖo lɛngbɔvi xeni le dodomɛ na xɔluzinkpwe lɔ, na nyi kplan tɔ yetɔn, wɛ e na kplan ye do yi osin ogbɛtɔn lɔ we jɔtɛn. Mawu na susu ɖasin le nukun yetɔn mɛ.