Wɛnzangun ɖɔ na-un ɖɔ:Wlan ɖo anyi ɖɔ:Nyɔnanɔye wɛ nyi omɛ xena ye ylɔ na alɔwiwle lɛngbɔvi lɔ tɔn we agɔɖuɖu!E nɛ godo e gɔ ɖɔ na-un dɔ:Oxojɔxo wɛ,Mawu tesu wɛ ɖɔ-ɛ. E wɛ un jɛ klita le akɔn mɛ ni-i a do sɛn-ɛ,vɔ e dɔ na-un ɖɔ:Nɔ kpɔn blo lemɔha gɛ!Ozɔnwatɔ wɛ un nyi ɖi yɔ kpo anɔwevi xe le ɖe kunnu na J ³ Xena lɛngbɔ vu lɔ fo josido awe gɔ lɔ, un se wɛ onu le ogbɛ awegɔ lɔ le ɖɔ xɔn ɖɔ: wa. ⁴ E wɛ osu vɛvɛ cɛcɛcɛ ɖe gɔ tɔn. omɛ xeni, omɛ xeni xlɛ osɔ lɔ ji, yi acɛ we fifa na dɛn le anyizan ji, e nɛ na gbɛtɔ lɛye a do gbo ohlo na yeɖe la anyizan lɔ ti. ye sɔ dɛnkpwe ɖaxo ɖe ni-i. ⁵ Xena e fo josido atɔn gɔ lɔ, un se onu le ogbɛ atɔn gɔ lɔ ɖɔ: wa. e wɛ un mɔ osɔ yuyu ɖe. omɛ xeni le eji lɔ, hɛn onu dagan ɖe do alɔmɛ. ⁶ Un bo se onu ɖe we ogbe le onu le ogbɛ ɛnɛ lɛye we cɛncɛn mɛ ɖɔ: ye na sɔ anyi hinhɔn lokpo we ozɔn wiwa we kɔbɔ a do xɔ mɔlikun toŋuglo lokpo gee, a bo sɔ anyihinhɔn lokpo we ozɔn wiwa do xɔ gbado otoka atɔn gee. vɔ nɔ kpɔn na alo jɛ ami kpo vɛn kpo go gɛ. ⁷ Xena e fɔ josido ɛnɛ gɔ lɔ, un se ogbe onu le ogbɛ ɛnɛ lɛye tɔn ɖɔ: wa. ⁸ Kpoŋu un mɔ osɔ Mawu ɖe tɔn wɛ omɛ xeni le eji lɔ we nyikɔ nɔ nyi oku, oku tomɛ xo do-e. ye na acɛ ye na ye a do sɔ xovɛ kpo dɛnkpwe, kpo azɔn kwin kpo kanlin ohun nyla tɔ lɛye a bo do hu gbɛtɔ ye le anyizan we ma do ɛnɛ ji. ⁹ Xena e fo josido atɔɔn gɔ lɔ, un mɔ omɛ xena ye hu do Mawu we oxo wutu lɛye kpo kunnu xena ye ɖe do oxo lɔ go we okla. wɛ okla lɛye le ovɔsinsan we agba lɔgɔ. ¹⁰ Wɛ ye le axwanu lelele ɖɔ: Aklunɔ kɛnklɛn, oxojɔxo ɖɔtɔ! kaka do jɛ hwetɛhwenu ha gbɔɔn wɛ a nɔ ote na bo na do da ohwɛ na omɛ xeni le anyizanji lɛye do ota mitɔn mɛ, a bo ba ohlɔn do ohun mitɔn xeni kɔn do anyi go. ¹¹ Ye na awu gaga wewe pepepe omɛ lokpo lokpo sese. wɛ ye dɔ na ye ɖɔ ye ni bo nɔ ote ovuɖe kaka dojɛ hwexenu na oha yetɔntɔ kpo ye nɔvyɛ ye ozɔn watɔ lɛye xena ye ɖo na hu ɖi ye ha lɛye we xixlɛmɛ mɛ na wa sɔ ogbe. ¹² Xena ye fo josido ayizɛn gɔ lɔ, onu xena un mɔ ɖi ye: anyizɛn gɔ lɔ, onu xena un mɔ ɖi ye: anyizan hunhun taŋu. ohwe tlɔ zun yuyu cucucu di lutu we avɔ ha, wɛ osun tiɔ vɛvɛ xɛxɛxɛ ɖi ohun ha. ¹³ Sunhwlɛvi lɛye nɔ flɛ sɔn oji a jɛ odo le anyizanji ɖi atinkun sinsyɛn afan xeni nɔ flɛ le atin xena jɛhɔn daxo ɖe do hannu na ha. ¹⁴ Ojinukunsi xa e ɖe ɖi ɖe na ye nɔ xa ozan do ha.ye ɖe oso lɛye kpo oto xeni le otɔ dodo mɛ lɛye sɛ le tɛnmɛ yetɔn. ¹⁵ Anyizan ji we xɔlu lɛye, ogaye, sɔjagaye, dɔkunnɔye, hɔnhlɔn nɔye, kaka gbɔɔn do jɛ gbokpweye ji, omɛxixo ye wɛɛ, alo omɛ xo ni le yeɖe si wɛɛ, ye si sese bo wa yi bɛ le odo xeni le okpɛn ɖaxo - ɖaxo lɛye mɛ kpo okpɛn ɖaxo- ɖaxo lɛye ji le oso lɛye mɛ. ¹⁶ Ye le dɔ na oso lɛye kpo okpɛn leye xɔn ɖɔ: hɔ jɛ mi ji, mi sɔ mi sɔ hwla do omɛ xeni fiɔn anyi le xɔlu zinkpwe lɔ ji na mi a do do ada na xomɛsin lɛngbɔ vi lɔ tɔn. ¹⁷ ɖo xomɛsin ɖaxo etɔn lɔ we azan wa mɛ ha wɛ na kpego nɔ ote le e nuʔ