¹ E nɛ go do, un mɔ wema ɖe le aɖusi lɔ mɛ na omɛ xeni flɔn anyi le xɔlu zinkpwe lɔ ji. ye wlan onu do ɖɔme kpo goto kpo na wema lɔ we ye tlɛ_ɛ kpo josido canwe kpo ² . Un se ogbe wɛnzangun hɔnhlɔn nɔ ɖe tɔn wɛ e le ɖɔ kpo axwa kpo ɖɔ: omɛn bɔtɔn ha wɛ le mi mɛ bo na hun wema lɔ a bo fo josido lɔ sɛʔ mɛ wɛ jɛ xaʔ. ³ Vɔ omɛti ma le anyizanji gɔɔn do le oji, kaka jɛ anyizan gɔ bo na kpego hun wema lɔ gbɔɔn bo na do xlɛ _ɛ gɛ. ⁴ Wɛ un bo le vi avin xɔ ta un ɖo un ma mɔn omɛn ni jɛ xa bo na kpego na hun wema do kpɔn emɛ tesu gɛ. ⁵ Wɛ omɛ lokpo le nyɔnxo lɛye mɛ bo ɖɔ : nɔ kpɔn vi avin gɛ ! kini kini hwɛndo juda tɔn, jijimɛnvi xɔlu Davi tɔn odu le eji, e kpego bo fo josido lɔ sɛ bo hun wema lɔ. ⁶ E wɛ un mɔn lɛngbɔvu ɖe, e le ɖi hu wɛ ye hui-i ha, e le ote le cɛncɛn mɛ na hɔluzinkpwe lɔ. onu le ogbɛ ɛnɛ lɛye kpo nyɔnxonɔ oko nukun ɛnɛ lɛ do-e. lɛngbɔvu lɔ ɖo azo canwe kpo nukun canwe xeni nyi gbigbɔ canwe xena ye sɔ ɖoxlan anyizan lɔ sese ji. ⁷ E yi wema lɔ le aɖusi lɔ mɛ na omɛ xeni flɔn anyi le xɔlu zinkpwɛ lɔji. ⁸ Xena e yi wema lɔ, onu le ogbɛ ɛnɛ lɛye kpo nyɔxonɔ oko nukun ɛnɛ lɛye do onu odo lɛngbɔvu lɔ. omɛ lokpo lokpo hɛn onuxonu okan nɔ, kpo glasin sikatɔn xena zluya gɔ, ye wɛ nyi oɖɛxixo yisenɔ lɛyɛ tɔn. ⁹ Ye le ji o han yɔyɔ ɖe xɔn ɖɔ :yɔ wɛ jɛ xa bo na do yi wema lɔ, bo na do fo josido lɔ can, ɖo yɔ wɛ ye hu wɛ a sɔ ohun tɔwe do hlɛn gbɛtɔ lɛye sese na Mawu .a xɔ ye sɔn akɔta lɛye kpokpo mɛ, ogbe ɖekpokpwe mɛ, oto ɖekpokpwe me, kpo otogun ɖekpokpwe mɛ. ¹⁰ A sɔ ye do blo axɔlu ɖuto kpo avɔsantɔ ye na Mawu mitɔn. wɛ ye na ɖu xɔlu le anyizan ji. ¹¹ Na mɔ kpoŋu, un se wɛnzangun Mawutɔn susu we ogbe. ye yi akpo nɛmu nɛmu ɖe, zanhwanhyɔn nɛmu nɛmu ɖe, ye lɛ do xɔlu zinkpwe lɔ. onu le ogbɛ ɛnɛ lɛye kpo nyɔnxonɔ oko nukun ɛnɛ lɛye can lɛ do xɔlu zinkpwe ¹² lɔ. Ye le ji ohan xɔn kpo axwa lelele ɖɔ: lɛn gbɔ vu xena ye hu lɔ tɔn wɛ nyi hɔnhlɔn, dɔkun ,onunyinywɛ, acɛ, yɛyi, gigo kpo kanfu kpo. ¹³ Un se onu xena Mawu ɖɔ lɛye sese, xe ni le sɛxwe kpo anyizanji lɛye kpo, xeni le oxu mɛ lɛye, xeni le anyinzangɔ lɛye leji ohan xɔn ɖɔ: kpikpa kpo yɛyi wɛ jɛ xa omɛ xeni flɔn anyi le axɔlu zinkpwe lɔ ji, gigo kpo acɛkpikpa wɛ nyi e yɔ kpo lɛngbɔvu lɔ kpo tɔn tɛgbɛ sɔn mavɔ mavo mɛ. ¹⁴ Onu le ogbɛ ɛnɛ lɛye yi ogbe ɖɔ:Ami ! nyɔnxonɔ lɛye jɛ klita bo do onu odo.