¹ E nɛ godo, na wa kpɔŋu, un mɔ un mɔ hɔn de le huhu le sɛxwe. un se ogbe ɖaxo ɖe ɖi le sɛxwe. ogbe lɔ bo ɖi ɖi ahwankpɛn ha ɖɔ: xlɛ oji fi na ma xlɛ onu xe ni na wa jɔ lɛye we. ² Tintan lokpo, gbigbɔ Mawu tɔn jɛ ji ye wɛ un mɔ xɔlu zinkpwɛ ɖe le sɛxwe lɔ. o mɛ ɖe bo flɔn eji. ³ Omɛ xeni flɔn eji lɔ le da ozo Xɔn ɖi opkɛn xe ni vɛ kɔbɔ ha xe na nɔ ylɔ ɖɔ jasipu kpo sadwanu ha. anyiɖowɛdo bo lɛdo xolu zinkpwe lɔ, le klɛnxɔn ɖi emɛlodukpɛn ha. ⁴ Xɔlu zinkpwe oko nukun ɛnɛ bu ye gɔ lɛdo xɔlu zinkpwe ɖyɛ lɔ, omɛxo oko nukun ɛnɛ fiɔn okpo nɛ lɛye ji. ye do awu wewe do cɔn jɛgbakɔn xena ye sɔ sika ɖo blo. ⁵ Kinklɛnye, ogbe ɖiɖiye,kpo jokun we ogbe ɖiɖi ye le ɖi le xɔlu zinkpwɛ lɔ me xɔn. zogbɛn canwe le xɔlu zinkpwɛ lɔ we nukɔn bo le hun xɔn hɛhɛhɛ.zogbɛn canwe nɛ lɛye wɛ nyin gbigbɔ canwe Mahu tɔn lɛye. ⁶ Le xɔlu zinkpwe lɔ we nukun ke, onuɖe le ɖi oxu ha bo le ɖa ozo xɔn ɖi nukpwen ha, bo zin ceɖe ceɖe ɖi klisitali kpɛn ha. onu le ogbɛ ɛnɛ xe do nukun do godo kpo nukɔn kpo le cɛn cɛn mɛ na xɔlu zinkpwe lɔ kaka bo lɛdo e. ⁷ Onu le ogbɛ tintan tɔn le ɖi kinikini ajaŋuta ha onu le ogbɛ awe gɔ le ɖi onyisu ɖe ha (nyibu asu) onu le ogbɛ atɔn gɔ ɖo nukun me gbɛtɔ tɔn, onu le ogbɛ ɛnɛ gɔ le ɖi gangan xeni hlɔn ha. ⁸ Onu le ogbɛ ɛnɛ leye, lokpo lokpo yetɔn aba axwe ayizɛn we nukun gbakpe goto kpo dɔmɛ kpo na ye. okle kpo ozan kpo, ye nɔ le ji ohan xɔn ɖɔ: wiwe! wiwe! wiwe! wɛ nyi Aklunɔ Mahu , ganhunukpokpo tɔ omɛ xeni le osan, omɛ xeni le odin, omɛ xeni ja. ⁹ Le hwede kpokpwe nu na onu le ogbɛ ɛnɛ lɛye nɔ le kpa gigo na Mawu xɔn, bo nɔn le do yɛyi ego xɔn, a bo le do okpɛ ni_i xɔn, omɛ xeni le ogbɛ sɔn mavɔ do yi mavɔ mɛ. ¹⁰ Nyɔn xonɔ / mɛxo oko nukun ɛnɛ lɛye nɔ le do onu odo na omɛ xe flɔn anyi le xɔlu zinkpwe lɔ ji a bo le sɛn_ɛ omɛ xe ni le ogbɛ sɔn mavɔ do yi mavɔ mɛ. ye nɔ sɔ jɛgbakɔn yetɔn flɛn do nukɔn na xɔlu zinkpwe lɔ a bo le ji ohan xɔn dɔ. ¹¹ Aklunɔ mitɔn, Mawu mitɔn, a jɛ xa gigo, yɛyi, kpo hɔnhlɔn kpo. ɖo yɔ wɛ da onu lɛye kpokpo, ojlo tɔwe wɛ zɔn ye le, ojlo tɔwe mɛ wɛ ye da ye le.