¹ Wlan wema ɖoxlan wɛnzangun sadi we agun tɔn ɖɔ: Oxo xena omɛ xeni ɖo Mawu we gbigbɔ canwe lɛye kpo sunhwlɛvi canwe lɛye ɖɔɖi ye. Un nyɔ ozɔn tɔ we lɛye, un nyɔ-ɛ ɖɔ ye bo nɔ mɔ-we do mɔ omɛ xeni le ogbɛ, vɔ a oku. ² Fɔn, a bo do hɔnhlɔn onu xe kpo na we bo ja kuku gbe lɛye, ɖo un mɔ ɖo ozɔn tɔwe lɛye bo wa sɔgbe le Mawu ce nukɔn gɛ ³ Ɖo nukun okplan xena a yi, bo se go. Zɔn gbɔn e ji a bo se otonu ni-i,ɖyɔ jijɔ tɔwe vɔ na a ma nɔ nukle gɛ, na wa cɔ we ɖi ajotɔ ha wɛ a ma le nyɔ ogan xemɛ na na wa gɛ. ⁴ E le lemɔha co, omɛɖe lɛye le sadi wɛ ye lɛye ma do oɖu awu yetɔn lɛye gɛ. Omɛ lɛye jɛ xa na do xodo-un kpo awu wewe yetɔn le okɔ. ⁵ Omɛ xeni na ɖu le e ji lɛye, awu wewe wɛ ye na do, un ma le susu nyikɔ yetɔn xɔn kpɔn gbeɖe le ogbɛ we wema lɔ mɛ xɔn gɛ. Na nyɔ-ɛ ɖɔ omɛ ce bɛ ye bo nyi le ateye kpo wɛnzangun etɔn lɛye kpo we nukɔn. ⁶ Na omɛ ɖe ɖo oto, ni se onu xena gbigbɔ le ɖɔ na agun lɛye xɔn. ⁷ Wlan wema ɖoxlan wɛnzangun Filadelfi tɔn we agun ɖɔ: Omɛ mi mɛ oxojɔtotɔ, omɛ xe si na Davidi we cavi le, omɛ xe nɔ hun ohɔn wɛ mɛɖe mɔ nɔ su gɛ, omɛ xe nɔ su wɛ mɛɖe mɔ nɔ hun gɛ. ⁸ E le ɖɔ xɔn ɖɔ: Un nyɔ ozɔn tɔwe lɛye sese. Un hun ohɔn ɖe do nukɔn tɔnwe wɛ mɛɖe ma kpego bo na su-i gɛ. Un mɔ ɖɔ a do hɔnhlɔn ovuɖe, co a bo blo do oxo ce ji wɛ a ma gbɛ-un gɛ. ⁹ Yee. Omɛ aweɖotɔ lɛye xeni le lɛgba we ogbɛta mɛ lɛye bo nɔ ɖɔ mi-ye lɛye bo nyi Jwifunu vɔ bo mɔ nɔ blo onu ɖi Jwifunu ha gɛ. Nyɔ sɔ ye do alɔmɛ na we, ye na jɛ oklo le akɔnmɛ na we, hwe nɛ nu, ye na wa nyɔ-ɛ ɖɔ nyɔ bo yi owan na we. ¹⁰ Ɖo oxo xena un ɖɔ na we ɖɔ yɔ ni bo do vivɛnu, a hɛn e go bo blo do e ji. Nyɔ cangba na hɛn we ɖo ote le hwexenu na tintɛnkpɔn we ogan xixo ni ja do ogbɛ lɔ kpokpo ji gbe mɛ. ¹¹ Un ja zaanɖe, hɛn onu xe le alɔ na we ganji, na omɛti ni nɔ kpɔn wa yi jɛgbakɔn tɔwe gɛ. ¹² Omɛ xe na ɖu le e ji, na sɔ-ɛ do blo gundo le Mawu ce we oxwegbe wɛ e ma gɔ le tɔn le e mɛ xɔn kpɔn gbeɖe. Na wlan Mawu ce we nyikɔ do e go, a bo wlan oto Mawu ce tɔn do e go gba. Oto nɛ lɔ wɛ nyi Jeluzalɛmu yɔyɔ, xeni jɛ ote sɔn sɛxwe sɔn Mawu ce de, na gɔ lan nyikɔ yɔyɔ do e go. ¹³ Na omɛ ɖe ɖo oto, ni se onu xena gbigbɔ le ɖɔ na agun lɛye xɔn ¹⁴ Wlan wema ɖoxlan wɛnzangun Lawodise we agun tɔn ɖɔ: Oxo xena omɛ xeni nyi "Ami" bo nyi kunnuɖetɔ ogbejinɔtɔ, oxojɔxototɔ, omɛ xe kpa acɛ do onu ɖekpokpwe xena Mawu da ji ɖɔ di ye. ¹⁵ Un nyɔ ozɔn tɔwe lɛye, a ma fa gɛ, a ka ma gɔ hunzo gba gɛ. Na a do fa alo ado hunzo wɛɛ, e na nyɔ. ¹⁶ Vɔ, xena e nyi ɖɔ gblɔ wɛ agblɔɔ, bo ma fa gɛ, bo ka ma hunzo gɛ, nyɔ na viwe le onu ce mɛ ¹⁷ Ɖo anɔ ɖɔ: Un jɛ dɔkun, bo nɔ ɖɔ dɔkun le a si ye, onuɖe ma dɛn-un gɛ, vɔ a ma nyɔ-ɛ ɖɔ omɛ xena onuɖe ma yɔn na gɛ, gbɛdonɔ, nuvɔnu, nukun gbigbanɔ, omɛ xeni le govɛ sɛgbeji wɛ a nyi gɛ. ¹⁸ E wɛ zɔn ayixa na un le ɖo na we xɔn ɖi-e. Wa sɔ sika xena ye do ozomɛ wɛ oɖuti ma le ego gɛ, na a do nyi ɖɔkunnɔ xojɔxo tɔn, wa sɔ ahu wewe a bo do, ŋunya ma gɔ do le wa we xɔn gɛ, ɖo na mɛmɛ na a le wutu. Sɔ nukun tikɛn na a do nukun tɔwe lɛye ji, bo na do mɔ onu. ¹⁹ Nyɔ, un nɔ kplan onu omɛ xena un nyi owan na lɛye. E wɛ zɔn bizo a bo ɖyɔ jijɔ. ²⁰ E ɖi e, un le ohɔnji bo le xuxu xɔn, na omɛ ɖe se ogbe ce, bo hun ohɔn lɔ, na ɖyɛ eji le oxɔ lɔ mɛ, na ɖu onu xa-ɛ, wɛ e yɔ can na ɖu onu xa-un ²¹ Omɛ xena ɖu le e ji, omɛ lɔ na flɔn anyi le xɔlu zinkpwe ce ji, ɖi ɖe na nyɔ un ɖu le e ji bo flɔn anyi xa atɛye le xɔlu zinkpwe etɔn ji ɖo xa. ²² Na omɛ ɖe ɖo oto, ni se onu xena gbigbɔ le ɖɔ na agun lɛye xɔn.