¹ Wlan wema ɖoxlan wɛnzangun Efɛzu tɔn ɖɔ : oxo xena omɛ xeni hɛn sunhwlevi canwe lɛye do aɖusi lɔ etɔn mɛ , bo le zɔn zɔnlin xɔn gbɔn zogbɛnhɛntin sika tɔn canwe lɛye we agblamɛ le ɖɔ xɔn ɖiye . ² Un nyɔ ozɔn tɔwe lɛye, kpo vivɛdonu tɔwe lɛye kpo . Un nyɔ-ɛ ɖɔ yɔ bo mɔ nɔ ɖi ke danuwatɔ lɛye we oxo gɛ . A do om xeni nɔ ylɔ yeɖe ɖɔ omɛ ɖeɖoxlan lɛye kpɔn . Vɔ ye ka ma nyi omɛ ɖeɖoxlan gɛ awoɖotɔ lɛye kɛɖɛ wɛ ye nyi . ³ A nɔ do vivɔnu , aɖu aya susu do nyikɔn ce mɛ , co agbɔ ma kpe we gɛ . ⁴ Vɔ onu tɔwe xe vɛ le go ye , wɛ nyi : a ma gɔ yi owan na-un ɖi ɖena a yi owan na-un ɖo san gɛ . ⁵ E wɛ zɔn ɖo nukun afi xena ajɛ anyi le lɔ go , ɖyɔ jijɔ a bo gɔ jɛ onu xena a o nɔ blo le osan lɛye biblo ji . E ma nyi lemɔ ha gɛ , na wa de we bo nawa ɖe zogbɛnhɛntin sika tɔn lɔ sɛ le otɛn etɔn mɛ , a ɖa vo a ɖyɔ jijɔ . ⁶ Co ganke , a nɔ blo onu ɖe lɛye wɛ e nɔ vivi na-un ; e wɛ nyi ɖɔ a gbɛ owan na onu xena omɛ xeni le Nikola we ogbɛta mɛ lɛye nɔ blo lɔ , ɖi ɖena nyɔ can gba gbɛ owan na ɖo ha . ⁷ Na omɛ ɖe ɖo oto , ni se onu xena Gbigbɔ le ɖɔ na agun lɛye xɔn . E ɖɔ mɔ sin , omɛ xeni na ɖu le eji , nyɔ na n a otinkun sinsyɛn ogbɛ tɔn wi-i xeni le jikpa lɔ mɛ na ɖu . ⁸ Wlan wema ɖoxlan wɛnzangun Siminu we agun tɔn ɖɔ : oxo xena omɛ xeni nyi tintan bo gɔ vivɔnu , omɛ xe oku san , bo gɔ lɛkɔ wa ogbɛ ɖɔ ɖiye : ⁹ Un nyɔ vivɛsise tɔwe , bo nyɔ-ɛ ɖɔ a ma ɖo onuti gɛ , co dɔkunnɔ anyi . Omɛ xe ɖɔ , miye be nyi Jwifunu lɛye vɔ , bo mɔ nɔ blo onu ɖi Jwifunu ha gɛ . Un nyɔ acɔn xena ye le kɔn do go we xɔn . Lɛgba we ogbɛta wɛ ye nyi . ¹⁰ Nɔ kpɔn ɖi obu na aya xena aɖu gɛ . Eɖye, Lɛgba na dɔn omɛ ɖe lɛye le mi mɛ a bo do ye gankpa mɛ , a bo do tɛn mi kpɔn . Ye na do tagba na mi na azan awo . Nɔ ogbe ji gbɔɔn do yi oku gbe tɔwe . Na ná jɛgbakɔn sɛxwe tɔn we . ¹¹ Na omɛɖe ɖo oto, ni se onu xena Gbigbɔ le ɖɔ na agun lɛye xɔn . E ɖɔ : « omɛ xena ɖu le eji , ma gɔ le ku awegɔ lɔ xɔn gɛ » . ¹² Wlan wema ɖoxlan wɛnzangun Pɛgamu we agun tɔn ɖɔ : oxo xena omɛ xeni hɛn dɛnkpwe ɖiɖa onu awe nɔ lɔ ɖɔ , ɖiye : ¹³ un nyɔ ofi xe a nɔ nɔ ganji , flɛn lɔ wɛ lɛgba we zinkpwe lɔ le . A hɛn nyikɔ ce ganji , wɛ a ma gɔn onuɖiɖi na nyikɔ ce gɛ . Ye hu Antipasi xeni nyi kunnuɖetɔ ogbejinɔtɔ ce le mikɔn , ofi xeni nyi nɔtɛn Lɛgba tɔn lɔ co a ma gbɛ-un le hwenɛnu gɛ . ¹⁴ E le le mɔha co onu tɔwe ɖe lɛye vɛ le go ye . Omɛ ɖe lɛye le mi mɛ bo sɔ yeɖe sɔ bla do onukpikplan balamu tɔn go . E yɔ lɔ wɛ kplan onu Balaki le osan do ɖena e na ɖo omɔ na Izlayɛli vikpɛ ye , na ye na do ɖu olan xena ye do san avɔ na yɛhwe ye, a bo gɔ zan ogbɛɖuɖu ogalilɔ tɔn . ¹⁵ Lemɔ ha lɔ ke , yɔ can a ɖo omɛ ɖe leyɛ wɛ ye sɔ yeɖe bo sɔ bla do Nikola we ogbɛta we onu kpinkplan lɛye go . ^{16 17} E wɛ zɔn , ɖyɔ jijɔ , na a ma ɖyɔ jijɔ gɛ, na wa jiwe le madɛn-madɛn mɛ a bo tɔn ahwan omɛ nɛ lɛye kpo ohi dɛnkpwe xeni le onu ce mɛ . Na omɛ xeni ɖo oto , ni se onu xena Gbigbɔ le ɖɔ na agun lɛye xɔn . Omɛ xe na ɖu le eji , nyɔ na ni-i mana xe le hwihwla tɛn , kpo okpɛn wewe xeji na ye wlan nyikɔ yɔyɔ do , nyikɔ xena omɛ ɖe ma nyɔ-ɛ kpɔn gɛ, zɛgbɔn omɛ xeni na yi okpɛ lɔ go . ¹⁸ Wlan wema ɖoxlan wɛnzangun Tiyatii we agun tɔn ɖɔ : oxo xena Mawu we ovi xena nukun etɔn le klɛn ɖi ozo ha , afɔ etɔn lɛye bo le da ozo xɔn ɖi ogan vɛ xeni ɖiɖi do godo ɖɔ ɖiye : ¹⁹ Un nyɔ ozɔn tɔwe , owan nyinyi tɔwe , yise tɔwe , ozɔnwiwa tɔwe kpo vivɛdidonu tɔwe . Un nyɔ-ɛ ɖɔ , ozɔn xena a le wa xɔn le odin hugan xena a nɔ blo le osan xoxo lɛye. ²⁰ Co onu tɔwe ɖe lɛye vɛ le go ye . Nyɔnu Jezabɛli nɛ xeni nɔ ylɔ e ɖe ɖɔ ɖɔɖanyiɖɔtɔ , a jo-e do wɛ e le flu ozɔnwatɔ ce lɛye xɔn , e nɔ na ye nɔ zan ye nɔ zan ogbɛɖuɖu gbɔn ogalilɔ mɛ, a bo ɖu olan xenaye do san avɔ na yɛhwe lɛye . ²¹ Un na ganmɛ e wi-i na ni a do ɖyɔ jijɔ . Co e ma jlo na lɛ okɔ le ogbɛɖuɖu etɔn zinzan mɛ gɛ . ²² E wɛ zɔn , nyɔ na blo wɛ e na mɔ vivɛsise azɔn tɔn , bo na ci azɔn zanji , eyɔ kpo omɛ xe kpo ekpo ni do ogagbɛ lɛye . Na ze vivɛsise ɖaxo ɖe do ye ji a davɔ ye ɖyɔ jijɔ , bo lɛ okɔ le walɔ nɛ lɛye mɛ . ²³ Na hu vikpɛ etɔn lɛye sese wɛ agun lɛye sese na nyɔ-ɛ ɖɔ nyɔ bɛ bo nyi omɛ xeni nɔ gbeje ayixa lɛ ye kpo oji lɛye kpo . Na su axɔ na ozon omɛ lokpo-lokpo tɔn . ²⁴ Vɔ miye , mi omɛ xe le agun Tiyatitɔn mɛ lɛye , xe gbɛ zinzɔn gbɔn onukpinkplan agɔ-agɔ etɔn ji lɛye , xe ma yi okplan na ye ylɔ ɖɔ : « Lɛgba we onuhwihwla lɔ » , nyɔ un le ɖɔ na mi xɔn ɖɔ : un ma le do agban obu na mi xɔn gɛ . ²⁵ Vɔ onu xena mi ɖo , mi hɛn e go ganji gbɔɔn na ma wa . ²⁶ Na omɛ xena ɖu le e ji , bo na blo ozɔn ce kaka do yi vivɔnu, na ná acɛkpikpa wi-i do otogun lɛye ji . ²⁷ E na kpa acɛ do ye ji , wɛ acɛkpikpa etɔn nu syɛnxu ɖi ogankpo ha , e na gba ye do ɖi ɖena ye nɔ gba okɔzɛn ɖo ha . Lemɔha ke wɛ nyɔ can yi acɛ le atɛ ye si ɖo . ²⁸ Na ná sunhwlevi zanfunnu tɔn wi-i . ²⁹ Na omɛ xeni ɖo oto , ni se onu xena Gbigbɔ le ɖɔ na agun lɛye xɔn .