¹ Jesu lɛ le ƒlɛn, bowa oto etɔn mɛ onukplan vi etɔn lɛye bo xo do-e. ² Le jwifunuye we gbɔ jwɛzangbe, ejɛonu kpinkplan ji le sinsɛnxɔ yetɔu mɛ xɔn. E kpaca ɖo omɛ susu xeni le ɖo oto wi lɛye xɔn taŋu. Ye bo le ɖɔ xɔn ɖɔ : «Bɔ na wɛ e nɔ mɔ oxo xe lɛye sɔn? onunyinywɛ bɔtɔn ha wɛ nyi enɛ na Mawu ni-i? Naɖe wɛ nujawu lɛye nɔ jɔ ɖo le alɔ etɔn mɛ? ³ Eyɔ mɛ nyi Malya we ovi oxɔ gbatɔ lɔɔ nvyɛ sunnuglo lɛye mɛ nyi Jaki, Jaze kposimɔ kpo? Nɔvyɛ nyɔnusi lɛye ma le cɛncɛn motɔn le ƒi?» Enɛ lɔ wɛ zɔn ye mado ɖi onu ni-i gɛ. ⁴ Jesu bo ɖɔ naye dɔ: «Ɖɔ ɖa nyidɔtɔ ti mɔnɔmɔ bubu le oto etɔn mɛ, alo xwegbe etɔn mɛ gɛ.» ⁵ E ma kpego boblo nujawuti le ƒlɛu lɔ gɛ zɛgbɔn azɔnnɔ ɖeye na e ɖɔ alɔ ota bo gbɔ azɔn na ye go. E ⁶ kpaca do-e tayu na ye ma do kando ejigɛ. Jesu nɔ gbɔn otota xeyi lɛdo toxo leye mɛ xɔn abo do le kpan onu omɛye xɔn. ⁷ Jesu ylɔ onukplanvi wyawe lɛye dowa boje diɖe ye ɖoxlan awe-awe ji bona acɛ ye do gbigbɔ mawe lɛye ji. ⁸ Ewa do osɛn naye dɔ : «Mi nɔ kpɔn hɛn onuti na sinsɔn mitɔn gɛ a davo okpo hɛn hen asi, mi nɔ kpɔn hɛn kpɔnnɔ alo saki gɛ; mi nɔ kpɔn hɛn kɔlɔ ɖo ogo mitɔn mɛ gɛ. ⁹ Vɔ mi do ƒɔkpa mitɔn abo nɔ kpɔn hɛnawu awe gɛ.» ¹⁰ Jesu gɔ ɖo naye dɔ : «Na mi yi otoɖe mɛ, oxweɖekpekpewe gbe naye na yi mi le, mi nɔ ƒlɛn lɔ gbɔɔn ɖo jɛ gbexegbe na mi na lɛ le oto lɔ mɛ. ¹¹ Vɔ, na na mɛɖe mayi mi le ƒiɖe gɛ, ye ka ma ɖo oto oxo mitɔn gɛ, mi lɛ le ƒilɔ a bo hunhun aƒɔkɔ mitɔn, a do ɖe xlɛ ye ɖɔ onu nyinyla bɛ bo blo.» ¹² Ye sɔn bo wɛ yi jla Mawu we yi jla Mawu we oxo na omɛye ɖɔ ye ni bo ɖyɔ jijɔ, ¹³ ye yan gbigbɔ mawe susu, bo si ami na azɔnnɔ susu bo azɔn naye. ¹⁴ Axɔlu Elodu se oxoye do Jesu go, donyi kɔ etɔn gbakpe gbɔn oƒi lɛye kpokpo omɛ ɖe lɛye nɔ ɖo do e go ɖɔ: «Jaan Mawu we osin mɛ nylɔ omɛ do tɔ wɛ ƒɔn sɔn oku. Ewɛ zɔn na nujawu biblo we acɛ do le esi» ¹⁵ Omɛ bu ye nɔ ɖɔ ɖɔ : «Eli wɛ» omɛbuye can nɔ ɖɔ : «ɖɔ da nyi ɖɔtɔ e nyi osantɔn lɛye na» di dɔ da nyi dɔ tɔ ¹⁶ Vɔ xena Elodu se oxo nɛ lɛye, edɔ dɔ; «Jaan xena un na ogbe dɔ ye ni bo gbo ota na lɔ, e we ƒɔn sɔn oku». ¹⁷ Ɖo Elodu tesu o nagbe sandɔ ye ni bowle Jaan do gaukpamɛ abodo caba ni-i. Elodyadi Filipu Syɛ xena Elodu yi we oxo wɛ zɔn. Filipu lɔ ka nyi Elodu nɔvyɛ. ¹⁸ E we Jaan dɔ na Elodu le hwe nɛ lɔ nu ɖɔ mɔ sin : «a ma do ohwɛjijɔ bo nado lɛ anɔwevi syɛgɛ» ¹⁹ Elodyadi bo do okɛn Jaan, boledin bo na hu-i, vɔ e ma kpego gɛ. ²⁰ Elodu lɔ kanɔ di obu na Jaan, do e nyɔ-ɛ dɔ omɛ dodojinɔ le kpe nukun do e go xɔn ganji, na Jaan ɖɔ oxo ɖe wɛ ese, e nɔ dan denaele, co e nɔ do le ɖo oto wi-i xɔn kpo jijwɛ kpo. ²¹ Gbelokpo, Elodu le ɖu jijigbe we azan etɔn we e na wɛ Elodyadi mɔ omɔ. Elodu le du agɔ xɔn xɔ luzɔnwatɔ etɔn lɛye; sɔjaga lɛye kpo Galile we kansinmɛ we oto mɛ tɔye. ²² Elodyadi we ovi nyɔ nusi waɖu owe, e bo vivi na Elodu ɖɔ na ovi nyɔ nusi lɔ dɔ : «Byɔ onu xeni jlo we na ma na we». ²³ Egɔ ƒyan ajɔgbe xe ni-i ɖɔ : «onu ɖekpokpwe xe na a byɔ, na na we, egɔ do nyi xɔluɖuɖu ce we mamɛ wɛ can». ²⁴ Nyɔnuvi lɔ tɔn bo wɛ mɔ onɔ bo ɖɔ ni-i dɔ : «ani hawɛ na byɔ?» onɔbo ɖɔ ni-i dɔ : «Byɔ Jaan osin lɛna omɛtɔ we ota». ²⁵ Nyɔnuvi lɔbɛ wezun tlololo bo yi xɔlu Elodu de bo ɖɔ : «un jlo ɖɔ a sɔ Jaan osinlɛna omɛtɔ we ota naun wɛ e na le gannu mɛ.» ²⁶ Xɔlu Elodu ɖyɛ lilo mɛ, vɔ ɖogbɔn akpagbe xena e o do ni-i le omɛye we nukun mɛ, e ma kpego bona gbɛ gɛ.

²⁷ Zɔnlokpo, xɔlu lɔ zɔn sɔja omɛcɔtɔ ɖoxlan kpo ogbeɖide kpo dɔ nibo hɛn Jaa we ota do wa na mye din tlololo. Sɔja lɔ yi gankpa lɔ mɛ, bo gbo ota na Jaan.

²⁸ Bosɔ do gannu mɛ ɖo wa na nyɔ nuvi lɔ, nyonuvi lɔ bo sɔ-ɛ sɔ na onɔ.

²⁹ Xena onukplanvi Jaan tɔn lɛye se, ye wa yi kɔ ocɔ etɔn bowa yidi dɔ yɔ do de mɛ. ³⁰ Omɛzinzɔ lɛye wa kplile Jesu kɔn boɖɔ onu xena ye blo lɛye sese kpo xena ye kplan omɛye ni-i. ³¹ Eɖɔ naye dɔ mɔsin : «Miwa na mi-a sɔn yi azɔge le gbetotlo mɛ na mi-a agbɔjwɛ vude». Ɖo omɛye nɔ le wa xɔn, abo gɔ le sɔn xɔn gbɔɔn gammɔ ma le na onuɖuɖu tesu gɛ. ³² Ye dyɛ otɔjihun mɛ bosɔn yi azɔge legbetotlo lɔ mɛ. ³³ Xena omɛ susu mɔ sinsɔn yetɔn, boka o nyɔ oƒi xena yr le yi xɔn, ewe ye tɔn sɔn toxo lɛye sese mɛ kpo wezun kpo bo ole ofi hwɛkpo na Jesu kpo onukplanvi etɔn lɛye wa wa. ³⁴ Xena Jesu tɔn le otɔjihun lɔmɛ, e mɔ omɛ susu gbagbagba, we onu yetɔn ɖu adɔnu ni-i taŋu. Ɖo ye le ɖi lɛngbɔ xeye ma ɖo kplan tɔ gɛ ha. E bo jɛ onususu kpinkplan ye ji ³⁵ Xena hwedo do, onukplanvi lɛye sɛkpo Jesu, bo ɖɔ ni-i ɖɔ: «gbetotlo mɛ wɛ nyi ƒye hwedo boo do» ³⁶ «Na ogbe ye na ye a yi oxweye kpo otota xeye ni lɛdo ƒye ye mɛ abo do wa-yi xɔ onu abo ɖu». ³⁷ Jesu dɔ na ye ɖɔ : «Mye tesuye mi na onuɖuɖu ye na ye a ɖu». Ye bo doego dɔ : «Akwagan ƒɔɖe (200) wɛ mina zanabo do xɔ kpɔnnɔxena ye ³⁸ naɖu mɔ!». Jesu bo kan-ye se dɔ : «kpɔnnɔ nɛmu miɖo? miwayi kpɔn»? Xena ekanye se, ye yi ogbe ni-i bo dɔ : «kpɔnnɔ atɔn kpo ohwe awe wɛ le ƒye». ³⁹ Eɖɔ naye dɔ omɛ sese ni boƒlɔn-anyi le anyizaj mɔ dɛnu-dɛnu le ogbe lɛye ji ⁴⁰ ye ƒlɔn-anyi ɖɛnu-ɖɛnu, ƒide kanwe awo, ƒiɖe kanweko. ⁴¹ Ewe Jesu yi kpɔnnɔ atɔn kpo ohwe awe lɛye, bo kpɔn oji, bo do okpɛ na Mawu. Ewen kpɔnnɔ lɛye bosɔ ye na onukplanvi etɔn lɛye na ye a ma na omɛ susu lɛye. Egɔ wɛn ohwe awe lɛye can do ye nu sesese. ⁴² Omɛ seseɖu onu ɖɔgobogɔ ye. ⁴³ Ye bɛ kpɔnnɔ gbokpwe kpo ohwexe ni kpo ci anyi do jaxwi mɛ gbɔɔn jaxwi wyawe bo gɔwe yedo sɔn. ⁴⁴ Le omɛ xeniɖu onu lɛye mɛ, suunuglo akpo atɔn (5000) we le ye mɛ. ⁴⁵ Zɔndokpo Jesu zin onukplanvi lɛye do otɔjihun mɛ ɔ ye ni bo jɛ nukɔn na mye a do yi akpa dyɛ xwe le Bɛtisayida we akpaji. Hwenɛnu, e tesu dɔ na susu lɛye dɔ yenibosɔn. ⁴⁶ xena omɛ lɛye sɔn, e wa oso ji a do wayi xo odɛ. ⁴⁷ Hwexenu na ozando, otɔjinuulɔ otɔ cɛncɛu, e lokpo géé bo le anyizan xuxu. ⁴⁸ E mɔ ɖɔ onukplanvi lɛye boleɖu aya xɔn taŋu bo le kuu ohuu lɔ xɔndo Jɛhɔn wɛ yele kpe xɔn. Ewe le ozan gan atɔn doyi ogan atɔn mɛha, e ja yede, bo le zɔnzɔnlin gbɔn otɔ lɔ ji xɔn, kaka bo jlo na gbɔn ye go. ⁴⁹ Xena ye mɔ-ɛ we le zɔnzɔnlin gbɔnotɔ lɔ ji xɔn, ye bu ɖɔ yɛƒunnu bɛ ha, bojɛ axwa ɖiɖo ji. ⁵⁰ Ɖo ye me lɛye sese le mɔ-ɛ xɔn xɔ ayixa bo gbado naye. Tintan lokpo, Jesu dɔ oxo naye, bo ɖɔ ; «oji ni jɛ odo na mi. Nyɔ wɛ, minɔ kpɔn diobugɛ» ⁵¹ Ewɛ edyɛ yeji le otɔjihuu lɔ mɛ, jɛhɔn lɔ bo dote, wɛ e kpaca do ye taŋu. ⁵² Le oxojɔxomɛ, ŋujawu kpɔnnɔ tɔn lɔ can, ye ma mɔ odo na ganji gɛ, do ye vɛtoli. ⁵³ Xena ye dasa otɔlɔvɔ, ye wa yi jɛ akpa dyɛ ji le jenezalɛti we kansinmɛ, bogli ohuu yetɔn. ⁵⁴ Hwexenu na ye tɔnle otɔjihun lɔ mɛ, omɛye nyɔ Jesu zonlokpo, ⁵⁵ ye bɛ wezun gbɔn kansin lɛye kpokpo mɛ, bo jɛ azɔnnɔ bibɛ waji le oƒi ɖe kpokpwe naye gbɛ sedɔ ebo leji.Azɔnnɔ lɛye nɔ le okpɔnye mɛ. ⁵⁶ Fi ɖe kpokpwe xena e nɔyi, gleta mɛ wɛ, otota mɛ wɛ alo toxomɛ wɛ, yenɔ sɔ azɔnnɔ lɛye do dogbaji lɛye abo jɛ okwe finfan ni-i dɔ nibona na e tlɛ nyi alɔ vɔvɔ can mye abo do awu etɔn go. E nɛ azɔn mye lɛye tɔnbo na gbɔ.