¹ Ye tlɔ kɔ sɔn yi agolakpa dyɛ jilelazotɔye we kansinmɛ. ² Xena Jesu jɛ ote le otɔjihun lɔ mɛ tlololo, dahwe ɖe xemɛ nagbigbɔ nylaka , mawe le emɛ tɔn sɔn oyɔdoye. ³ Mɛ wa kpe-e. Oyɔ doye mɛ jan wɛ e nɔ nɔ mɛti ka ma kpego bo na bla-ɛ kpo gɛdɛ kpo gɛ. ⁴ Ye o bla-ɛ azɔn nɛmu ɖe kpo gɛdɛye kpo yɔ e nɔ wɛn gɛdɛ lɛye abo gba ogan. We mɛti ma ɖo hɔuhlɔn bo nado ɖule eji gɛ. ⁵ Okle kpo ozan kpo, yɔdoye mɛ jan we enɔ le dan gbɔn xɔn. ⁶ Hwexenu na e mɔ Jesu le dindɛn nu, ebɛ wezun yi e de bo jɛ oklo le nukɔn ni-i ⁷ E ɖo axwa sinsyɛn ɖe bo ɖo «Naɖe a hɛ,-unɖo Jesu, ovi Mawu tɔn? undo kɛnklɛn nawe kpɔn do Mawu go a bo nɔ kpɔn do vivɛsise naun gɛ. ⁸ Ɖo Jesu lɔ le ɖɔ na gbigbɔ mawelɔ xɔn dɔ : «tɔn le dahwe xe mɛ gbigbɔ mawe.» ⁹ Wɛ jesu kɛn-ɛ se dɔ : «mnaɖe a nɔ nyi». E yi ogbe «nyikɔ ce nɔ nyi mi sukpo ɖo mimɛsusu wɛ le ƒye.» ¹⁰ E gɔ vɔ ɖɔ na Jesu ɖɔ ni bo nɔ kpɔn ɖe mye tɔn le kansin xe lɔ mɛ gɛ. ¹¹ Le oganxixo nɛlɔ mɛ, hanvi ɖe lɛye akpa ni-i ¹² ye waɖo kɛuklɛu na Jesu ɖɔ ni bo nya mye lɛ ye ɖoxlan hanvi lɛye mɛ. ¹³ Wɛ Jesu yi ogbe ni-i Gbibbɔ mawe lɛye tɔn bo ɖyɛ hanvi leye mɛ; ye bo bɛ wezun glaglagla bo wa-yi ku do oxu mɛhanyi ƒɔde hawɛ ku dootɔ lɔ mɛ. (2000) ¹⁴ Omɛ xe lecɔ hanvi lɛye xɔn, bɛ wezun bo dyɛ oto lɔ mɛ bo jɛ onu xena ye mɔ tito ji na omɛye, wɛ omɛ susu wa abo ɖo kpɔn onu ni jɔtɔ. ¹⁵ Ye wa Jesu kɔn bo mɔ ɖahwe xe mɛ na gbigbɔ mawe susu gbagbagba lɔ le anyiƒinƒlɔn. E do awu bo le ganji, we obu jɛ ye ji ¹⁶ Omɛ xeni mɔ odo na onu ni jɔlɔ jɛ didɔ na omɛ xeni wa bo ma mɔ dona onuti ɖe na gbigbɔ mawe tɔn le omɛ lɔ mɛ bodye hanvi ye mɛ ɖo; hanvinɛmu xe ha nikudo otɔ mɛ. ¹⁷ Ye wa do keuklɛu na Jesu dɔ nibo tɔn le kansin mye lɛye tɔn mɛ. ¹⁸ Xena Jesu ledyɛ otɔjihunmɛ xɔn, omɛ xena gbigbɔ mawe tɔn le lɔ, ɖo kɛuklɛu ni-i ɖɔ mye bo na xo do-e. ¹⁹ Jesu ma yi ogbe ni-i gɛ e ɖɔ ni'i ɖɔ ni bo sɔn yi oxwegbe etɔn, le xwedo etɔn me a bo ɖo onu xena Mawu bo blo ni-i kpo ɖe na e ku lɛblanu ni-i ɖo na ye. ²⁰ E we dahwe lɔ sɔn, bo jɛ onu xena Mawu blo ni-i jijla le toxo awo lɛye mɛ; e bo kpaca do ye mɛ lɛye sese. ²¹ Xena Jesu lɛ okɔ wa ago, akpa ɖyɛ ji xa otɔ jihuu lɔ, omɛ susu wa do ekɔn. Ebo le otɔto ²² Ewɛ Jayilusi, xeni nyi omɛ lokpo le omɛ xeni kpacɛ na jwiunu lɛye we okplitɛu ɖe mɛ, wa. Xe na e mɔ Jesu e jɛ oklo le akɔnme ni-i ²³ bo ɖo kɛuklɛu ni-i dɔ «ovi ce nyɔ nusi le okumɔ ji, wa ɖo alɔ ota ni-i a do gan, a bo nɔ ogbɛ» ²⁴ Jesu bo xodo-e. Omɛ susu gbagba boxo do Jesu bo le tintin-i xɔn gbɔn ƒi kpo. ²⁵ Le omɛ gbagbagba xeni xodo-e lɛye mɛ, nahwe ɖe le we ohun le gbɔn e go xɔn sɔn oxwe wyawe ɖye. ²⁶ E ɖu aya taŋu le dotoye we alɔ mɛ susu bo zan ɖɔkunnu etɔn susu co, azɔn etɔn ma gbɔ gɛ, e wa ɖo ɖe, e gɔ le syɛn do e ji xɔn. ²⁷ Nahwe oxo xena ye ɖɔ ɖo Jesu go, e bo dyɛ omɛ susu lɛye mɛ bo gbɔn godo bo do alɔ awu Jesu tɔn go. ²⁸ Ɖo e dɔ le ayi etɔn mɛ xɔn ɖɔ : «Na un gbɛ dan kaka bo ɖo alɔ awu etṣŋ go kpoŋu be azɔn ce na gbɔ». ²⁹ Le oƒi lɔ ke zɔn lokpo , ohun xeni legbɔn e go xɔn lɔ do ote. E bo mɔ ƒiƒa le lanmɛ etɔnbo nywɛ ɖɔ azɔn mue tɔnlɔ gbɔ. ³⁰ Tintan lokpo Jesu nywɛ ɖɔ hɔnhllɔn ɖe bo tɔ le lanmɛ na mye, e bo kɔ okɔ le omɛ susu lɛye mɛ bo ɖɔ: «mɛ ɖo alɔ awu ce go?» ³¹ onukplanvi etɔn lɛye dɔ ni-i ɖɔ : «yɔ tesu a mɔ amɛ azlekpo xe lɛye lɛ oto do we, bo le tintin we xɔn a kan gɔ kanse ɖo mɛ ɖo alɔ mye go jaa?. ³² Vɔ Jesu kɔ okɔ bo le kpɔn omɛ lɛye dexɔn a do nyɔ omɛ xeni ɖo alɔ awu go ni-i lɔ. ³³ E wɛ nyɔnu lɔ jɛ sisisɔ ji, bo huuhun xɔn ɖo e nyɔ onu xeni jɔ le gbaza etɔn mɛ, ewa jɛ oklo le nukɔn na Jesu boɖo oxojɔxo sese ni-i. ³⁴ Vɔ, Jesu dɔ ni-i ɖɔ : «ovice nyɔ nusi, yise tɔwe hwlɛn we gan, sɔn le ƒiƒa mɛ azɔ tɔwe gbɔ tɛgbɛ.» ³⁵ Oxo nɛ lɔ we e le ɖɔ xɔn, e jan omɛ ɖo jayilusi xeni kpa cɛ na jwifu nu ye okpli tɛ we xwegbe bo ɖo ni-i ɖɔ «ovi nyɔnuvi tɔwe lɔ oo ku, nɔ kpɔn gɔ do hannu na Jesu bagɛ ³⁶ Jesu ma tlɛ le do oto onuxena ye le dɔ na omɛ xeni kpacɛ na jwifunu ye we okplitɛn lɔ xɔn gɛ. E ɖɔ ni-i ɖɔ «ɖahwe nɔ kpɔn di obu gɛ, ɖi onu kpoŋu» ³⁷ Jesu magɔ nylɔ mɛɖe ni na xo do-e zɛgbɔn Piyɛ; Jaki kpo Andle xeni nyi Jaki nɔvyɛ kpo gɛ. ³⁸ Xena ye wa jɛ omɛ xeni kpacɛ na jwifuu lɛye we sinsɛnxɔ lɔ we xwegbe, Jesu mɔ omɛye we sinsɛnxɔ lɔ we xwegbe, Jesu mɔ omɛye le blo nunnya-hunnya xɔn, mɛde e le vi avin xɔn bo le na xɔn bo le na ale xɔu kpo axwa kpo. ³⁹ E dyɛ oxwe lɔgbe boɖɔ naye ɖɔ : «A ni ha wɛjɔ na avingbe kpo axwa kpo do le ɖi xɔn? ovi lɔ ma ku gɛ, amlɔ wɛ e dɔ» ⁴⁰ ye le ko-e xɔn. Vɔ, e ɖe omɛ lɛye kpokpo tɔn le oxɔ lɔmɛ, bo wa dɔn ovitɔ lɔ kpo ovinɔ lɔ kpɔ sɔ xɔ kpe omɛ xeni kplan-ɛ ɖo wa lɛye, ye bo dyɛ ovi lɔ ji le xɔmɛ ⁴¹ E wle alɔ na ovi lɔ bo ɖɔini-i dɔ «talitokumi!» tin e m€ etn wɛ nyi ɖɔ: «Nyɔ nuvi un le dɔ na we xɔn cite!» ⁴² Le otendo lokpomɛ, nynuvi lɔ cite bojɛ zɔnlin jli, oxwe wyawe e do. Hɔnlokpo, e kpaca do omɛye taŋu. ⁴³ Jesu wa do osɛu na ye tite ŋugbetɔɔn dɔ ye ni bo nɔ kpɔn naomɛɖe a bo se gbɔɔn do nyɔ- ɛ gɛ. E ɖɔ na ye dɔ ye ni bo na onuɖuɖu wi-i.