¹ Wɛ lokpo do gɔ, Jesu gɔ jɛ onu kpinkplan ji le oxuto, gbɛtɔ ahwankpɔ ɖe kpli do e kɔn e bo dyɛ otɔjihunmɛ boƒlɔn-anyi gbɛto ahwankpɔ lɔ le akpa ni'i le oxu to. ² E dɔ oxo susu na ye gbɔn olo dido mɛ, be wa le na okplan xe ye xɔn : ³ Mi ɖo oto, onuɖotɔ tɔn bo wa yi do onu : ⁴ xe na e le do o nu xɔn, onukuu ɖe lɛye ƒlɛ jɛ mɔji, wɛ oxɛyle wa bo ɖu ye ⁵ onukun ɖe lɛye ƒlɛ jɛ okɛuye mɛ oƒi xena okɔ ma su le ganji gɛ. Ye gɔ wu tlololo ɖo okɔ lɔ ma su le ƒlɛu gɛ. ⁶ Vɔ xena ohwe hun ye ƒyɔ ɖo okyɔn mayi odo na ye ganji gɛ. ⁷ Onukun ɖe lɛye ƒlɛjɛ oŋu kanmɛ. Oŋu lɛye gɔ bo bla ota na ye we ye ma na sinsyɛn tigɛ. ⁸ Ɖe lɛye ƒlɛ jɛ anyizanganji ji wɛ ye na sinsyɛn, ɖe syɛn kande, de ⁹ kanɖeko, ɖe kanweko. «omɛxe ni ɖo oto bo na se, ni se.» ¹⁰ Xena Jesu lokpo wakpo, omɛ xeni bɔ ɖo e go lɛye kpo onukpluvi etɔn lɛye wa kan-so wi se do ɖo lɛye go. ¹¹ Eɖɔ na ye ɖo : «Mye wɛ ye na onunwihwla sɛxwetomɛ tɔn lɛye, vɔ mɛɖyɛ lɛye, olo kɛɖɛ wɛ». ¹² Na ye mɔ can, ye ma le mɔ ŋuti xɔn gɛ; na ye mɔ can, ye male mɔ odo na onuti xɔn gɛ; a dayo ye lɛkɔ wa Mawu de wɛ Mawu sɔ ohwɛ yetɔn sɔ kɛ-ye. ¹³ E ɖɔ na ye ɖɔ; «na mi ma mɔ nukunnujɛ ɖo xe go gɛ, naɖe mi na mɔ nukunnu jɛ ɖyɛ lɛye mɛ do?» ¹⁴ Onudotɔ do oxo lɔ. ¹⁵ Ɖe lɛye we nyi xeni ƒlɛ jɛ omɔto oƒixena ye nɔ do oxo lɔ do. Wɛ na ye se tlololo, lɛgba nɔ wa yi onuxena ye do lɔ le oji yetɔn mɛ. ¹⁶ Ɖe lɛye wɛ nyi xena ye do do okpɛn mɛ. Omɛ enɛ lɛye wɛ nyi omɛ xeni nɔseoxo lɔ bo nɔ yi-i zɔnlokpo le oƒi lɔ kpo ayajijɛ kpo. ¹⁷ Ye ma ɖo okyɔn de le agɔ yetɔn gɛ, bo na do dɔ oji dindɛngɛ. Vɔ na tagba ɖe alo ahwau ɖe wa ƒɔn ɖo oxo b wutu, ye nɔ lɛkɔ bleŋu abo jo oxo lɔ do. ¹⁸ Onukun xejɛ oŋukan mɛ, ye nɔ se oxo lɔ ¹⁹ vɔ, tagba gbɛmɛtɔn lɛye, kpo gbɛmɛ we dɔkunnu lɛye kpo ojlo lɛyekpo nɔ bla ojinukin lɛye abo hu ye. Wɛne mɔ nɔ na sinsyɛn ɖe gɛ. ²⁰ Ɖe lɛye nyi xeni nɔ jɛ anyizan jijɔ hun lɔ ji ye nɔ se oxo lɔ, bo nɔ yi-i abo siusyɛn ɖe lɛye nɔ na ogban, ɖe nɔ na kanɖeko, wɛ ɖe nɔ na kanweko. ²¹ Jesu dɔ naye ɖɔ, Naye ta zogbɛu onu gɔwɛ ye jnɔ sɔ dɔ?» E ma nyi onuta wɛ e nɔ nɔ? ²² Ɖo onuɖe ma le nɔ bibɛmɛ wɛ ye na gɔn ma nyɔ-ɛ gɛ, onuɖe ka ma le hwihwla wɛ ye na gɔn ma se xɔn gɛ. ²³ «Na mɛɖe ɖo to bo na do se oŋu, ni bo se.» ²⁴ Jesu dɔ na ye ɖɔ na ye ɖɔ, «mi cɔ miɖe na onu xena mi le sexɔu lɛye ɖo ojlɛ nu xena mi ɖo jlɛ, eke we ye na do jlɛ na mi bo na gɔ do eji. ²⁵ Omɛxe ni do, ye na ni-i do-e ji, omexe maɖo ti gɛ, ye na gɔ yi onu xena e ɖo lɔ le e si.» ²⁶ Wɛ Jesu dɔ «Axɔluta Mawutɔn lɔ ciɖi onudotɔ xe ɖo onukun etɔn do odomɛ le glegbo ha. ²⁷ E ɖo amlɔ le ozan mɛ bo ƒɔn, ojinʊ kun lɔ wu bo nwen wɛ e ma nyɔ de na e hwɛn do gɛ. ²⁸ Anyizan tesu nɔ blo ojinukun lɔ, tintantɔn ojinukun lɔ we atin nɔ wu, abo wa kpan ovi do abamɛ, ovi lɔ nɔ wa ɖo okuu. ²⁹ Na e wa bya, ye nɔ sɔ ojinukun gbonu ɖo ego ɖo ojinukun dide we ogan xo. ³⁰ Jesu gɔ ɖɔ anina go wɛ mi na jlɛ axɔ luɖu to Mawu tɔn lɔ ɖo, alo alo bɔtɔnnha we mi na do a bo do ɖɔ oxo do e go? ³¹ E le atinkunvu ɖe ha. Hwɛkpo ye do-e, wɛ nyi anukun ovu tintin xeni hwe xugan onukun dyɛ lɛye sose le ogbɛ lɔ mɛ. ³² Vɔ na ye do-e, wɛ e wu, e nɔ klo bo nɔ dagba xugan onukun gbokpwe lɛye sese le ogle lɔ mɛ. E nɔ ɖo alɔklanye wɛ oxɛye nɔ wa adɔ do alɔklanye wɛ oxɛye nɔ wa adɔ do alɔklan lɛye mɛ. ³³ Do gbɔn olo dido susu ye mɛ, yesu nɔ kplan Mawu we oxo lɔ omɛye ɖi ɖena ye na kpego se ɖo ha. ³⁴ E mɔ ɖɔ oxo ɖe na ye olo di do mɛ vogɛ vɔ ma e kpo onukplanvi etɔn lɛye le ovo e nɔ tin onugɔn mɛ na ye. ³⁵ Le gbenɛlɔgbe xena do, Jesu dɔ na onukplanvi etɔn lɛye dɔ : «Mi a dasa otɔ lɔ a bo jɛ akpa dyɛ xwe. ³⁶ Ye lɛ le omɛ susu lɛye ɖe, onukplanvi etɔn lɛye kun yesu do otɔjihun xemɛ na e o le osan lɔ sɔn, otɔjihuu bubuye can bo le akpa ³⁷ Jɛhɔn sinsyɛnxu ɖe ƒɔn, wɛ osin le dyɛ otɔ jihun lɔ mɛ xɔn gbɔɔn otɔjihun lɔ bojɛ gigɔ kpo osin kpo ji. ³⁸ Jesu ka le godo na ye bo sɔ okɔ ɖo onu ji bo le dɔ amlɔ xɔn. ye ƒɔn-ɛ ɖo ni-i ɖɔ : «onukplan-omɛtɔ, oku xena mi na ku lɔ ma di onu ɖe na we?» ³⁹ Jesu ƒɔn bo ɖe ogbe do jɛhɔn lɔ, boɖɔ na otɔ lɔ dɔ : «mase onu, bɔ onu!» Jɛhɔn lɔ dote, oda bo ɖo tototo. ^{40 41} Jesu boɖɔ na ye ɖo : «A ni wutu mi di obu ɖoɖo le mɔ ha? Mi ma do yise hɔnde gɛ wɛɛ?» Obu ɖaxo ɖe jɛ ye ji, wɛ ye jɛ didɔ le yeɖoɖo nɔ ye mɛ ji dɔ «omɛbɔ tɔy wɛ nyi omɛ xe? kaka oxu kpo jɛhɔ kpo nɔ setonu ni-i»