¹ Xena Jesu dɔ oxo e nɛ lɛye vɔ,e lɛ le Galile,bo sɔn yi jude we kansinmɛ le Judɛn we otɔ lɔ godo. ² Gbɛtɔ ahwankpɔ ɖe lɛye ka xodo-e,wɛ e gbɔ azɔn na azɔnnɔ lɛye le flɛn. ³ Falizitɔ lɛye ka sɛkpɔ Jesu bo na do do-e kpɔn bo kan se wi-i ɖɔ:Osɛn lɔ na ogbe dɔ ye ni bo gbɛ nyɔnu mɛtɔn do tagba ɖe wutu wɛ? ⁴ Jesu ka ɖo e go na ye ɖɔ:Mi ma xlɛ dɔ le Mawu we oxo lɔ mɛ ɖɔ,le bibɛnu,Mawu ogbɛ datɔ lɔ blo sunnuglo kpodo nyɔnusi kpo. ⁵ Bo ɖɔ:E nɛ wutu wɛ zɔn sunnuglo na jo otɔ kpodo onɔ kpodo bo na wa ze e yɔ ɖe sɔ xɔ bla do nyɔnusi go,wɛ ye mɛ awe lɛye na tlɔ zun lokpo? ⁶ E nɛ wutu,ye ma gɔ yi awe gɛ,vɔ lokpo,ɖo onu xena Mawu ca ɖo lokpo,omɛti ni nɔ kpɔn klan e mɛ gɛ. ⁸ Falizitɔye gɔ vɔ le kan se Jesu ɖɔ:A ni wutu wɛ zɔn Mɔyizi na ogbe e nɛ lɔ mi ɖɔ:Ye ni bo wlan wema do nyɔnu lɔ ji e nɛ godo,ye ni bo nyɛ-ɛ tɔn? ⁷ Jesu ka ɖo e go ni dɔ:Ayixa sinsyɛn mitɔn lɛye go wɛ e sɔn wɛ zɔn wɛ Mɔyizi do wlan osɛn nɛ na mi,vɔ Mawu ma se do lemɔha le bibɛnu gɛ. ⁹ Jesu gɔ vɔ le ɖɔ na ye ɖɔ:E yi dɔ sunnu ɖe gbɛ asyɛ bo gɔ vɔ yi ɖe nyɔnu bu,sunnu nɛ do afɔ ogbe.Alo nyɔnu ɖe gbɛ asu etɔn bo gɔ vɔ yi ɖe asu bu,e gɔ do afɔgbe. ¹⁰ Xodotɔ Jesu tɔn lɛye kpɔn oxo nɛ kaka bo ɖɔ na Jesu ɖɔ:E nyi ɖo lemɔha jɛn e nyi na sunnuglo,sunnu gbɔ gɔn nyɔnu dindin e gɔ nyɔ xu. ¹¹ Jesu ka yi ogbe na xodotɔ etɔn lɛye ɖɔ:Omɛ lɛye sese mɛ nɔ yi ogbe na oxo e nɛ gɛ,adavo omɛ xena Mawu na acɛ etɔn lɛye wɛ nɔ yi oxo nɛ. ¹² Ɖo omɛ ɖe lɛye mɔ nɔ ɖe nyɔnu gɛ,ɖo lemɔha wɛ ye ji ye ɖo,omɛ ɖe lɛye ka nɔ gɔ ɖe nyɔnu,odin omɛ nɛ lɛye tesu,ɖo lemɔha ɖo axɔluɖuta Mawu tɔn wutu,omɛ xeni jɛ xa an nyi onukplanmɛ lɔse,ni bo yi se. ¹³ Odin,ye hɛn vikpɛvu susu do wa Jesu de na ni dalɔ ota na ye a bo xo oɖɛ na ye,vɔ xodotɔ Jesutɔn lɛye le glɔn omɔ na vikpɛvu lɛye. ¹⁴ Vɔ Jesu ɖɔ na ye ɖɔ:Mi nɔ kpɔn glɔn omɔ na vikpɛvu lɛye do wa diye gɛ,ɖo axɔluɖuta Mawu tɔn mɛtɔn na nyi omɛ xeni ciɖi vikpɛvu lɛye ha tɔn. ¹⁵ Jesu wa ɖo alɔ ota na vikpɛvu lɛye bo gɔ xo oɖɛ na ye,kpoŋu e lɛ le flɛn. ¹⁶ E ɖiye,omɛ lokpo wa Jesu de bo kɛn-ɛ se ɖɔ:Cica,ozɔn ɖagbwɛ bɔtɔn wɛ na wa bo na do yi sɛxwe? ¹⁷ Jesu ka ɖo e go ni bo ɖɔ:A ni wɛ jɔ a le kan e nu xeni jɔhun nɛ se-un xɔn? ¹⁸ Wɛ gbɛtɔ lɔ gɔ kan se Jesu ɖɔ:Osɛn bɔtɔn wɛ nyi osɛn lɔ?Wɛ Jesu ɖɔ:Nɔ kpɔn hu omɛ gɛ,nɔ kpɔn do afɔ ogbe gɛ,nɔ kpɔn jɛ ajo gɛ,nɔ kpɔn ɖe kunnu agɔ gɛ; ¹⁹ si atɔwe kpodo anɔwe kpo,abo ɖo wanyiyi na nɔzo tɔwe ɖi yɔ tesu ha. ²⁰ Ɖekajɛ,lɔ ɖɔ na Jesu ɖɔ:Un o nyi osɛn nɛ lɛye sese kpo,odin a ni wɛ gɔ kpo na-un? ²¹ Jesu ɖɔ ni ɖɔ:Na a le din na kpegan,bo yi sa dɔkun vtɔwe lɛye kpokpo a bo wɛ ma na ayanɔ lɛye,a blo vɔ,a na ɖo dɔkun le sɛxwe.E nɛ godo,bo xodo-un. ²² Xena ɖekajɛ lɔ se oxogbe e nɛ lɛye,na do sɔn yi oxwe etɔn gbe,awukwi,ɖo e ɖo dɔkun susu. ²³ Jesu ɖɔ na xodotɔ etɔn lɛye ɖɔ:Le oxojɔxo mɛ,e na vi awu na dɔkunnɔ na do yi axɔluɖuta Mawutɔn mɛ. ²⁴ Jesu gɔ le ɖɔ na ye xɔn ɖɔ,e bɔ awu na osɔ kpotɔnɔ na do gbɔn winnyɛ tlomɛ hugan gbɛtɔ dɔkunnɔ na do gbɔn e mɛ bo na do yi axɔluɖuta Mawutɔn mɛ. ²⁵ Xena ahwanvu Jesu tɔn lɛye se lemɔha,ye ɖɔ:Omɛ lɛye wɛ na kpo mɔ hwlɛngan a bo do yi sɛxwe? ²⁶ Jesu kpɔn ye,bo ɖo e go na ye ɖɔ:E vi awu na gbɛtɔye,bo ka bɔkun na Mawu. ²⁷ Piyɛ ka yi oxo bo ɖɔ na Jesu ɖɔ:Miye ɖiye ka jo onu mitɔn lɛye kpokpo do bo xodo we,na ɖe mitɔn na wa nyi ɖo? ²⁸ Jesu yi ogbe na Piyɛ ɖɔ:Un le ɖɔ oxojɔxo na mi,ɖɔ le odin kaka doyi ohwe ni na wa wa lɛye,we xena ovi gbɛtɔ tɔn na wa le afin zinkpwe etɔn ji kpodo gigo etɔn kpo,miye lɛye can,mi na ɖe mitɔn ji gba,bo na do da ohwɛ na akɔta wyawe Iɛye gba. ²⁹ Mimɛ ɖekpokpwe xeni jo ohwɛgbe mitɔn lɛye do,bo jo nɔvi sunnu,nɔvi nyɔnu,otɔ,onɔ ovi kaka wa jɛ anyizan mitɔn lɛye ji,do yi okɔ ce wutu,omɛ lɔ na yi dona wɔbu-wɔbu a bo gɔ yi ogbɛ mavɔ-mavɔ lɔ mɛ. ³⁰ Vɔ omɛ wɔbu-wɔbu xeni nyi onukɔntɔ lɛye,ɖe lɛye na wa nyi godo tɔ wɛ susu xeni yi godo tɔ odin lɛye,ye na wa yi nukun tɔ ye.