¹ Axɔsuɖuta Mawu tɔn ciɖi anyizan nɔ ɖe ni tɔn le zanfunnu bo yi ze zɔnwavi lɛye do viŋu gle mɛ ha. ² Xena ye ɖe axi na kɔbɔ na ye na yi do gbe lokp ji, e ze ye do xlan viŋu lɔ mɛ. ³ Do le yi ganxixo atɔn mɛ, xwetɔ lɔ wa tɔn bo wa mɔ zɔnwavi ɖe lɛye le hwɛnɔtɛn, wɛ ye ma le blo nuti xɔn gɛ. ⁴ E ɖɔ na ye ɖɔ: Mye can mi yi viŋu gle lɔ mɛ wɛ onu ni jɔhun lɛye na na mi. Kpoŋu, ye sin ozɔn wa gbe. ⁵ Xwetɔ lɔ gɔ wa tɔn le ganxixo ayizɛn gɔ mɛ, bo gɔ blo onu lokpo lɔ. ⁶ Hwebunu le ganxixo wolokpo gɔ mɛ e gɔ tɔn bo mɔ mɛɖe lɛye wɛ ye ma le blo nuti gɛ, e ɖɔ na ye ɖɔ: Aniwutu wɛ mye mi le fi bo gbɛ nuɖe wiwa sɔn zanfunnu gbɔn?. ⁷ Ye ɖego ni ɖɔ: Ɖo mɛti ma yi mi gɛ wutu. Xwetɔ lɔ le ɖɔ na ye ɖɔ: Mye can mi yi viŋu gle lɔ mɛ. ⁸ Hwedo su wɛ xwetɔ lɔ ɖɔ na nuji kpɔntɔ etɔn: Ylɔ zɔnwavi lɛye bo na ajɔ xe jɛxa lokpo-lokpo ye tɔn sɔn godotɔ kaka do yi omɛ nukɔntɔn ji. ⁹ Hwexenu na zɔnwatɔ xena ye yi le ganxixo woloko gɔ mɛ lɛye wa, ye mɛ lokpo-lokpo yi ajɔ yetɔn. ¹⁰ Xena ozɔnwatɔ titɛntɔn lɛye wa, ye buɖɔ ajɔ myetɔn bo na gbɔnvo wɛ sin vɔ-ɔ ye can gɔ myetɔn bo na gbɔnɔ wɛ sin vɔ-ɔ ye can gɔ yi kɔbɔ lokpo-lokpo. ¹¹ Xena ome titan nɛ lɛye yi ajɔ yetɔ godo ye wa jɛ ohwɛ kpe na xwetɔ lɔ ji. ¹² Ye ɖɔ ni ɖɔ: Ozɔnwatɔ godo tɔn nɛ lɛye blo ganxixo lokpo pɛ vɔɔ a ka na ajɔ lokpo lɛye pɛpɛ mi, mye mi ka ɖu aya le hwenu sɔn zanfunnu gbɔn. ¹³ Amɔ xwetɔ lɔ wa le ɖɔ na mɛlokpo le yemɛ: Hadwe un ma wa onu nyinyla ɖe do we gɛ. Mi ma o yigbe na kɔbɔ xe ji na mi ɖɔ do? ¹⁴ Mi yi onu ni nyi mitɔn bo sɔn, un jlo bo na na onu lokpo lɛye zɔnwavi godo tɔn lɛye kpo mye kpo. ¹⁵ Un ma na ze ɖɔkun ce do blo onu ni jlo-un. Ani wutu onu namɛ ce le vɛ le mi go? ¹⁶ Odin, godotɔ na wa nyi nukɔnnɔtɔ wɛ nukɔnnɔtɔ na wa nyi godotɔ. Susu wɛ ye ylɔ vɔ kpɛ le wɛ ye din na can. ¹⁷ Xena Jesu dina yi Jeluzalɛmu, e dɔn xwedotɔ etɔ wyawe lɛye. Le mɔji, e le ɖɔ na ye: ¹⁸ Mi kpɔn, mi le byɔ Jeluzalɛmu wɛ ye na wa ze ovi gbɛtɔ tɔn xɔ sa na avɔsantɔ kpodo osɛnwlantɔ lɛye kpo. Ye na da oku hwɛ ni. ¹⁹ Bo na ze xɔ xa na kosi lɛye wɛ ye na cɛko, ye na xo-e bo na kɛ-ɛ. Amɔ azan atɔngɔ etɔn gbe, e na fɔn. ²⁰ E nɛ godo, Zebede we vikpɛ lɛyekpodo yenɔ kpo wa Jesu de. Nahwe lɔ wa yido na Jesu bi le kan nuɖe se wi xɔn: ²¹ Jesu le kɛn se xɔn ɖɔ: Ani wɛ a jlo? E ɖego ni ɖɔ: Ɖegbe na vikpɛ ce awe lɛye, ɖe ni flɔn adusi, ɖe ni flɔn amyɔn na we le axɔsuɖuta tɔwe mɛ. ²² Amɔ, Jesu le ɖego ni xɔn ɖɔ: A ma yɔn onu xena a le byɔ xɔn gɛ. Mi na kpego na nu vivɛsise we glasi na un le nu? Ye ɖɔ ni ɖɔ: miu kpego. ²³ Jesu le ɖɔ na ye ɖɔ: Xojɔxomɛ wuvɛsise ce we glasi lɔ mi hɛn mi na un, vɔɔ bo na do wa flɔn anyi le aɖusi ce kpodo amyɔn ce kpo yɔn mɛ nɔ na gɛ, amɔ omɛ xena atɛye ze sɔ xɔ ɖanyi na lɛye tɔn xɔn wɛ. ²⁴ Xena xwedotɔ awo lɛye se oxo lemɔha tɔn, xomɛsin ɖaxo ɖe jɛ ye ji do ye nɔvi awe ɖyɛ lɛye go. ²⁵ Amɔ, Jesu wa ylɔ ye wa bo ɖɔ: A nywɛn ɖɔ anyihɔn ga kpacɛ do ye ji, wɛ gbɛtɔ yetɔn xena nukun le ji lɛye nɔ ɖo acɛ do ye ji. ²⁶ Amɔ e ma ɖo na nyi lemɔha le mimɛ gɛ. Onu le ganji mɛxe ni le ɖin na ze e ɖe le mimɛ na nyi mɛsɛntɔ le cɛncɛnmɛ na mi. ²⁷ Wɛ mɛ ni jlo na nyi nukɔntɔ le mimɛ na nyi godotɔ. ²⁸ Lemɔhake wɛ ovi gbɛtɔ tɔn ma wa na ye ni do sɛn xɔn gɛ, amɔ e na do sɛn omɛ a bo do sɔ ogbɛ etɔn do sɛnvɔ na susu. ²⁹ Xena ye tɔn le Jeliko, ahwan ɖaxo ɖe xoɖwe. ³⁰ Wɛ nkungbanɔ awe ɖe flɔn anyi le mɔ lɔ tɔ. xena ye se ɖo Jesu bo wa le yi xɔn, ye daxwa bo ɖɔ: Aklunɔ, ovi Davidi tɔn, ku lɛblanu na mi. ³¹ Togun lɔ wa le gbɛ na ye ɖɔ ye ni bo gbɔ axwa dido a bo bonu, vɔɔ ye gɔ wa daxwa xu gan lemɔha: Aklunɔ, Davidi we vyɛ ku lɛblanu na mi. ³² Enɛ wutu, Jesu wa nɔte, bo ylɔ ye, bo le kan ye se xɔn ɖɔ: Ani wɛ mi jlo na ma blo na mi? ³³ Ye le ɖɔ ni xɔn ɖɔ: Mi jlo na nukun mitɔn ni hun. ³⁴ Wɛ Jesu wa gɔ kpodo lɛblanu kuku kpo, bo kpo nukun na ye. Azɔn lokpo ye mɔnu bo xodwe.