¹ Hwenɛnu,Falizitɔye kpodo osɛnkplanmɛtɔ lɛye kpo sɔn Jeluzalɛmu,bo wa Jesu de,bo ɖɔ ni-i ɖɔ: ² Ani wutu wɛ xodotɔ tɔwe lɛye ma le zɔn zɔnlin gbɔn,dagbo-dagbo mitɔn lɛye we osɛn ji gɛ?Ye mɔ nɔ klɔ alɔ hwɛkpo nɔ ɖu onu gɛ. ³ Jesu le ɖo e go na ye xɔn ɖɔ:Miye le,ani wutu wɛ mi ka nɔ gba Mawu we osɛn lɔ,a bo do xodo akɔnnu mitɔn lɛye? ⁴ Ɖo Mawu ɖɔ:Si atɔwe kpodo anɔwe kpo,wɛ omɛ ɖekpokpwe ni na do nu otɔ kpo onɔ kpo,ɖo na ku le dandan mɛ. ⁵ Amɔ miye mi nɔ ɖɔ na omɛ lɛye dɔ:Omɛ ɖekpokpwe ni dɔ na otɔ kpo onɔ kpo ɖɔ:Alɔgɔ xena un ɖo na wa na mi,un do akpagbe etɔn na Mawu, ⁶ omɛ lemɔha tɔn ma gɔ ɖo na si otɔ alo onɔ gɛ.Ɖena mi nɔ gba Mawu we osɛn lɔ ɖo e nɛ,we onu ɖo nɛ. ⁷ Yɛmɛnuwatɔ lɛye mi,Ezayi ɖɔ oxojɔxo hwexenu na e ɖɔ ɖɔɖanyi do mi go,e wɛ nyi ɖɔ: ⁸ Togun e xe nɔ sɛn-un do onu go,amɔ ayixa yetɔn ka dɛn le guye. ⁹ Ye le sɛn-un vɔvɔ,ɖo osɛn xena ye nɔ kplan omɛye,gbɛtɔ lɛye we osɛn wɛ. ¹⁰ Wɛ Jesu yɔ togun lɔ bo ɖɔ ni-i ɖɔ:Mi ɖo oto oxo xe abo mɔ nukun je e mɛ. ¹¹ E ma nyi onu xeni byɛ gbɛtɔ we onu mɛ,mɛ nɔ do oɖu wi-i gɛ,vɔ onu xeni nɔ tɔn sɔn gbɛtɔ we onu mɛ,nɔ hɛn gbɛtɔ do oɖu. ¹² Xodotɔ etɔn lɛye ka sɛkpɔ wi-i bo ɖɔ ni ɖɔ:A ka nywɛ dɔ oxo xena a ɖɔ nɛ lɛye vɛ le falizitɔ lɛye go? ¹³ Jesu ka ɖo e go na ye ɖɔ:Atin ɖekpokpwe xena atɛye xeni le sɛxwe ma do gɛ,na nyi hinhiɔn sɛ. ¹⁴ Mi jo ye do:Nugbanɔ lɛye wɛ le kplan ye ɖe xɔn,e nyi na nukungbanɔ ɖe na wa xlɛ omɔ ɖe,ye mɛ awe lɛye sese wɛ na yi jɛ odo mɛ. ¹⁵ Piyɛ le yi ogbe na Jesu ɖɔ:Tin olo nɛ mɛ na mi. ¹⁶ Wɛ Jesu bo ɖo e go ni-i ɖɔ:Miye can gba,onu nyinywɛ gbɛ le hwe do mi ɖo lemɔha gba wɛ? ¹⁷ Be mi ma nywɛ dɔ onu ɖekpokpwe xena gbɛtɔ nɔ ɖu,dɔgo me wɛ e nɔ byɔ,wɛ hwexenu na e ja yi onu godo e nɔ tɔn? ¹⁸ Amɔ onu ni nɔ tɔn sɔn onu mɛ na gbɛtɔ ayixa etɔn me wɛ e sɔn,onu xeni ka nɔ hɛn gbɛtɔ sɔ xɔ do ɖu lɔ nɛ. ¹⁹ Ɖo ayixa mɛ wɛ linlin nyinyla tɛnmɛ-tɛnmɛ lɛye nɔ sɔn,ogalilɔ,omɛ huhu,ogbɛɖuɖu zinzan,ajojijɛ,kunnu agɔ-agɔ ɖiɖe kpodo omɛ xo ɖiɖɔ lɛye kpo. ²⁰ Onu ni nɔ do oɖu gbɛtɔ lɛye nɛ,amɔ ɖu onu bo gɔn alɔ ma klɔ mɔ nɔ do oɖu mɛɖe gɛ. ²¹ Wɛ Jesu lɛ le flɛn,bo wa yi Tii kpodo Sidɔn kpo we oto mɛ. ²² Wɛ nyɔnu kanatɔ ɖe sɔn kansi lɔ mɛ bo wa Jesu de,bo jɛ axwa do ji ɖɔ:Ku lɛblanu na-un Aklunɔ ovi Davidi tɔn,gbigbɔ mawe le do tagba na ovi ce nyɔnusi xɔn,wɛ e le se awuvɛ xɔn. ²³ Vɔ Jesu ka ma gbo oxoti do ego ni-i gɛ,xodotɔ etɔn leye wa le byɩɔ ɖɔ: Jesu ni bo nya nahwe lɔ ɖo e bo le do axwa le godo na miye lɛye xɔn diin. ²⁴ Vɔ Jesu wa yi ogbe na ye ɖɔ:Izlayɛli vikpɛ xeye ni le ɖi lɛngbɔ bubu ye ha jan wɛ ye sɔ-un sɔ xɔ ɖoxlan na. ²⁵ Vɔ nahwe lɔ wa jɛ oklo le nukɔn na Jesu ɖɔ:Aklunɔ,gɔ alɔ na-un! ²⁶ Jesu ka yi ogbe ni-i bo ɖɔ:E ma nyɔ na ye na ze onuɖuɖu vikpɛvu lɛye tɔn,a bo sɔ xɔ na duvi lɛye gɛ. ²⁷ Nyɔnu lɔ ɖɔ:Ɛɛn,Aklunɔ,amɔ duvi lɛye can nɔ ɖu cica yetɔn lɛye we onuɖukwin xeni nɔ flɛ sɔn tavo ji lɛye. ²⁸ Jesu ɖo e go ni-i ɖɔ:Nahwe onu ɖiɖi tɔwe dagba;na ni nyi biblo ɖi ɖena a jlo ɖo ha.Wɛ nahwe lɔ we vyɛ nyɔnusi mɔ azɔnhɛngbɔ le oganxixo lɔ mɛ. ²⁹ Jesu lɛ le otɛn e nɛ mɛ,bo wa yi Galile we oxu lɔ kpa,bo mɔ oso ɖe bo flɔn e ji. ³⁰ Gbɛtɔ wɔbu-wɔbu ɖe wa e de,afɔgbonɔ,nukungbanɔ,tokunɔ,kplibɔnɔ kpodo azɔnnɔ bu lɛye kpo can wa e de ye nɔ wa ze ye se xɔ xwle Jesu wɛ e nɔ gbɔ azɔn na ye; ³¹ Lemɔha wɛ togun lɔ byɔ awajijɛ mɛ ɖo xena ye mɔ ɖɔ numakɛnɔ lɛye le ɖɔ oxo,kplibɔnɔ lɛye mɔ azɔnhɛngbɔ,afɔgbonɔ lɛye ɖi zɔnlin,nukungbanɔ lɛye can mɔ onu,ye jɛ Mawu Izlayɛli tɔn kpa ji. ³² Jesu yɔ xodotɔ etɔn lɛye bo le dɔ na ye ɖɔ:Togun lɔ we nu blawu na-un,ɖo ye le okpɔ xa mi vɔ ye ka ma ɖo onuti bo na ɖu gɛ.Un ma din na nya ye kpo hovɛ kpo na onu ni wa jɛ ye ji le mɔji gɛ. ³³ Xodotɔ Jesu tɔn lɛye wa le ɖo e go ni xɔn ɖɔ:Bɔwɛ mi na mɔ kpɔnnɔ le gbetotlo xe mɛ bo na do gbɔ hovɛ na togun wɔbu-wɔbu xe? ³⁴ Jesu ɖɔ na ye ɖɔ:Kpɔnnɔ nɛmu wɛ mi ɖo?Ye ɖɔ:Canwe kpodo ohwe vuvu kpɛɖe kpo. ³⁵ Wɛ Jesu ɖɔ na togun lɔ ɖɔ:ye ni blo flɔn anyizanmɔ, ³⁶ e ze kpɔnnɔ canwe lɛye kpodo ohwe lɛye kpo,xena e wa do okpɛ na Mawu vɔ,e wɛn kpɔnnɔ lɔ bo ma ago lɛye na xodotɔ etɔn lɛye,wɛ ye ma na togun lɔ. ³⁷ Togun lo kpokpo ɖu,gbɔn e wa kpe ye.Ye wa bɛ xeni kpo lɛye gbɔn e bo gɔ gɔ jaxwi canwe. ³⁸ Gbɛtɔ akpo ɛnɛ ɖu,na ye ɖe nyɔnusi lɛye kpodo vikpɛvu lɛye kpodo ovo. ³⁹ Wɛ Jesu wa nya togun lɔ bo byɔ tɔjihun mɛ bo wa yi Magadani we kansinmɛ.