¹ Xena Jesu kplan onu xodotɔ etɔn wyawe lɛye vɔ,e lɛ le flɛn,bo sɔn yi oto ni le toxo lɔ mɛ bo na do yi la Mawu xo. ² Xena Jaan omɛ nylɔdo otɔ mɛtɔ lɔ le gankpa mɛ,bo le se ozɔn xena Jesu le wa xɔn lɛye, e sɔ xodotɔ etɔn lɛye doxlan Jesu de ɖɔ: ³ Nyɔ wɛ nyi omɛ ni ɖo na wa lɔ,alo mɛbu gɔ le mi na nɔ ote kpɔn wɛ? ⁴ Jesu gbo do e go na ye bo ɖɔ: Mi yi Jaan de, bo wa yi ɖɔ onu xena mi mɔ kpodo xe mi se lɛye kpo ni-i: ⁵ Nukun gbanɔ lɛye le mɔ onu xɔn, afɔ kponɔ lɛye le ɖi zɔnni, gudunɔ lɛye can le trɔ omɛ mimɛ, tokunɔ lɛye le se onu xɔn, omɛ kuku ye le fɔn sɔn oku do wa ogbɛ, wɛ owɛn dagbe lɔ nyi lila na wamɔnɔ lɛye. ⁶ Nyɔnanɔ wɛ nyi omɛ xe we onu ɖiɖi ma jan janyi do nyɔ wutu gɛ. ⁷ Xena Jaan we xodotɔ lɛye sɔn vɔ, Jesu le ɖɔ oxo na togun lɔ do Jaan go:A ni wɛ mi yi mɔ le ogbetotlo lɔ mɛ?Ogba wɛ mi yi mɔ wɛ jɛhɔn le hunhun? ⁸ Odin a ni wɛ mi yi tɔn bo yi mɔ?Gbɛtɔ ɖe wɛ bo do awu xɔkɔbɔ ɖe?Le oxojɔxo mɛ,omɛ ni do awu xɔkɔbɔ axɔlu we xwegbe wɛ e nɔ nɔ. ⁹ A ni wi ka tɔn bo yi mɔ?Ɖɔɖanyiɖɔtɔ wɛ?Ɛɛ,wɛ mi nɔ ɖɔ,e ka gɔ hugan ɖɔɖanyiɖɔtɔ Mawu lɛye. ¹⁰ Jaan xo wɛ Mawu le ɖɔ:Eɖye na ze omɛsɔɖoxlan ce lokpo do nukɔn na we,wɛ a na jla omɔ ɖo ni na-un. ¹¹ Ma ɖɔ oxojɔxo na mi,le omɛ xena ye ji le nyɔnusi go,omɛti ma hugan Jaan omɛ nylɔdo ostɔmɛ tɔ gɛ.Vɔ,omɛ ovu xeni le sɛxwe tomɛ hugan Jaan. ¹² Sɔn Jaan we hwenu kaka wa jɛ egbe,sɛxwetomɛ nyi onu dandan mɛ,wɛ omɛ xeni do hɔnhlɔn wɛ na kla jɛ e nu. ¹³ Ɖo ɖɔɖanyiɖɔtɔ kpodo osɛn lɔ kpo ɖɔ ɖɔɖanyi kaka do jɛ Jaan we hwenu; ¹⁴ na mi ka le din na mɔ nukunnu jɛ e go,e yɔ wɛ nyi Eli xe ɖo na wa lɔ. ¹⁵ Na omɛ xeni ɖo oto bo na do se onu,ni se. ¹⁶ A ni go ha wɛ na jlɛ kunkan odin tɔn xe lɛye ɖo?Ye ci ɖi vikpɛvu ye xenɔ da ayihun le aximɛ,bo nɔ flɔn-anyi wɛ mɛɖe nɔ nylɔ mɛɖiyɛ ¹⁷ bo nɔ: Mi kun okpɛn,a bo ji ohan na mi,mi ka ma ɖu owe gɛ;mi ji onuwamɛ we ohan na mi,mi ka ma fan okwe gɛ. ¹⁸ Ɖo Jaan wa bo mɔ nɔ ɖu onu gɛ,e ka mɔ nɔ nu gɛ,wɛ ye ɖɔ:Gbigbɔ mawe bɛ e bo nyi. ¹⁹ Nyɔ ovi gbɛtɔ tɔn lɔ ka wa bo ɖu onu,bo ka gɔ nu,wɛ ye ɖɔ:Omɛxe onu ɖu tɔ kpodo ahan nu munɔ kpo wɛ e nyi,bo nyi hadwe xa oto kɔbɔ can tɔ lɛye tɔn kpo ohwɛ hu tɔ lɛye kpo we hadwe bɛ e bo nyi.Vɔ onu nyinywɛ wa yi ɖiɖexlɛ gbɔn ozɔn wiwa etɔn lɛye dali. ²⁰ Xena Jesu ɖɔ oxo e nɛ lɛye vɔ,e jɛ ohwɛ dona,omɛ ye we tomɛ e blo onu jiwu susu le,lɛye ji,ɖo ye ma lɛkɔ sɔn ohwɛ yetɔn lɛye we godo ge wutu. ²¹ Ahelu na we,Kolazintɔ lɛye mi,ahelu we Bɛtizayidatɔ!Ɖo na onu jiwu xelɛye do yi wiwa le Tii kpodo Sidɔn kpo wɛ,ye na o ɖo lɛnvɔjɔ xoxo,a bo saki sɔ kpla a bo si afin. ²² E wɛzɔn un le ɖɔ na mi xɔn ɖɔ:le ohwɛ dida zangbe,ye na da ohwɛ na miye hugan Tii kpodo Sidɔn kpo. ²³ Yɔ lɔ ɖe,Kapɛnawumu onuwiwa tɔwe lɛye na kplan we do yi Mawu de wɛ a le bu-i xɔn?Gbeɖekpɔn.Kaka do yi kutomɛ wɛ Mawu na kpikpe we do;ɖo onu jiwu xena un jlɛ le mide,e do nyi Sodɔmu wɛ un do blo le,oto e nɛ na gbɛ le te kaka jɛ egbe. ²⁴ Ewɛzɔn,un le ɖɔ na we ɖɔ:Le ohwɛ dida zangbe,o to xena na dɔn na Sodɔmu na kpɔn te hugan xena na dɔn na yɔ. ²⁵ Hwenɛnu Jesu yi oxo bo ɖɔ:Un le kpa we,Atɛye,Aklunɔ anyizan ji kpo sɛxwetomɛ tɔn kpo,ɖo a ze onu e nɛ lɛye sɔ xɔ hwla do nukunnu mɔ je onu mɛtɔ lɛye kpodo onu nywɛtɔ lɛye kpo,bo ka wa ɖe ye sɔ xɔ xlɛ vikpɛvu xeni le anɔnu lɛye. ²⁶ Ɛɛ,un do okpɛ na we,ɖo ɖena a jlo ɖo lɔ. ²⁷ Onu lɛye sese kpo wɛ atɛye sɔ do alɔmɛ na-un,wɛ omɛti ka mɔ nukunnu jɛ ovi lɔ go zɛgbɔn otɔ lɔ mɛvo gɛ,omɛ ti ka ma gɔ mɔ nukunnu jɛ ovi lɔ go,otɔ lɔ mɛ vo gɛ kaka yi jɛ omɛ xena ovi lɔ le din na ɖe eɖe xlɛ lɛye kpo go gɛ. ²⁸ Mi wa dye, mimɛ xena agbɔ kpe kpo agban kpinkpɛn mitɔn lɛye, na ma na gbɔjwɛ mi. ²⁹ Mi ze agban ce xeni fuɖa lɔ do mi ɖe ji, a bo se onu kplanmɛ ce lɛyesese, ɖo un fa bo ɖo omɛ ɖe sɔ hwe we ayixa; na mi na do mɔ gbɔjwɛ na alindɔn mitɔn lɛye. ³⁰ Ɖo agban ce e fa,wɛ zɛgɛgban ce fuɖa.