¹ Enɛ godo,Jesu yi toxoye kpodo ototaye mɛ bo do jla Mawu we axɔɖuɖu we owɛn lɔ. ² Xodotɔ etɔn wyawe lɛye lekpɔ xɛ kpodo nyɔnusi ɖe xe mɛ na e nya gbigbɔ mawe kpo azɔnye kpo lɛye.Mali xena ye nɔ nyɔ ɖɔ Madelɛnu xemɛ na gbigbɔ mawe canwe tɔn sɔn le, ³ Jani,Cuza syɛ xeni nyi nukpɔntɔ na Elodu,Suzanu kpo nyɔnusi bubu ye kpo nɔ gɔ alɔ na tagba lɛye kpodo nyɔna yetɔn lɛye kpo. ⁴ Hwexenu na togun ɖaxo ɖe wa lɛlɛ do Jesu,omɛ lɛye nɔ sɔn otota lɛye mɛ bo nɔ wa e de wɛ e nɔ ɖɔ xo na ye gbɔn olo dido mɛ: ⁵ Nukun do tɔ ɖe tɔn bo na wɛ do nukun,hwexenu na e le do nukun lɔ,akpa ɖe wa janyi do mɔji,ye wa tafɔ e ji wɛ oxɛ ojitɔn lɛye wa ɖu-i sese. ⁶ Akpa ɖe wa jɛ okpɛn lɛye mɛ bo le wu zanɖe bo gɔ ku,ɖo e ma mɔ fifa gɛ. ⁷ Akpa bu wa jɛ oŋu lɛye mɛ wɛ hwexenu na e le wu,oŋu lɛye can wa wu bo vuncɔnye. ⁸ Vɔ akpaɖe wa jɛ anyizan jijɔhun lɔ ji-i bo na sinsɛn wɔbu-wɔbu,hwexenu na Jesu ɖɔ oxo nɛ godo,e daxwa:Na mɛxe ɖo oto bo na se ni se! ⁹ Wɛ xodotɔ etɔn lɛye wa le kɛn-ɛ se ɖɔ a ni wɛ olo dido xe ɖɔ. ¹⁰ Jesu ɖɔ na ye ɖɔ:Miye wɛ ye sɔ nu hwihla axɔluɖuta tɔn lɔ xo na vɔ mɛbu ye tɔn wɛ nyi olo dido na ye ni do kpɔn a bo gɔn mimɔ,ye ni do se a bo gɔn nyinywɛ. ¹¹ Onu xena olo dido lɔ le ɖɔ xɔn ɖiye:Nukun lɔ oxo Mawutɔn wɛ. ¹² Xeni jɛ omɔji lɔ,wɛ nyi mɛxe ni nɔ se oxo lɔ wɛ lɛgba nɔ wa ɖe le ayimɛ na ye na ye ni kpɔn do ɖinu a bo do mɔ hwlɛngan gɛ. ¹³ Wɛ xeni jɛ okpɛn lɛye mɛ wɛ nyi mɛxe ni nɔ yi oxo lɔ se kpodo awajijɛ kpo hwexenu na ye le se,vɔ bo ma ɖo okyɔn gɛ,ye nɔ ɖi onu na azan ɖe vɔ,xwlekpɔn hwenu ye nɔ lɛkɔ. ¹⁴ Xeni jɛ oŋu cɛncɛn lɛye wɛ nyi mɛxe ni nɔ se oxo lɔ wɛ le nukɔn nyinyi mɛ agbɔ nɔ wa kpe ye do tamɛ bubu lɛye do dɔkun lɛye kpodo gbɛmɛ fi we jlomɛnu lɛye go wɛ sisɛn yetɔn mɔ,wa ɖo nukɔn yiyi gɛ. ¹⁵ Amɔ nukun ni janyi do anyizan ɖagbwɛ lɔ ji,wɛ nyi mɛxe ni nɔ se oxo lɔo ɖo ayixa mimɛ kpo ɖagbwɛ kpo mɛ,nɔ hɛn e go kpo akpakpa kpo,bo nɔ na sisɛn etɔn kpo le kanvivan mɛ. ¹⁶ E ɖiye,mɛɖe mɔnɔ ta zogbɛn bo nɔ cɔn onuwi-i alo bo nɔ sɔ xɔ ɖo batin gɔ gɛ,vɔ ye nɔ xɔ ɖo onuta na omɛ kpokpo ni do mɔ weziza etɔn. ¹⁷ Ɖo onuti ma le onu gɔ wɛ ye na gɔn nyinywɛ gɛ,onuti ma le bibɛtɛn wɛ ye na gɔn mimɔ bo na wa mɔ le azan ɖaxo lɔ gbe gɛ. ¹⁸ Mi ɖo oto ganji,ɖo omɛ ni ɖo na gɔ mɔxu lemɔha,vɔ ye na gɔ yi le omɛ ni ma ɖo gɛ bo nɔ bu ɖɔ miye bo ɖo wɛsi. ¹⁹ E nɛ godo,Jesu onɔ kpodo nɔvyɛ lɛye kpo wa e de,vɔ e ma kpego na yi ye de gɛ ɖo togun lɔ wutu. ²⁰ Ye wa le ɖɔ ni xɔn ɖɔ:Atɔwe kpo anɔwe kpo le gaji boo le din na mɔ we. ²¹ Jesu le yi ogbe na ye ɖɔ:Anɛye kpo anɛyevi lɛye kpo wɛ le yi omɛ xeni nɔ se Mawu xo lɛye bo nɔ blo de ji lɛye. ²² E ɖiye,gbelokpo,Jesu byɔ otɔji hun lɔ mɛ,xa xodotɔ lɛye bo le ɖɔ na ye ɖɔ:Mi a nyi otɔ lɔ godo,ye jɛ ohun lɔ kun ji: ²³ Wɛ hwexenu na ye le kun tɔjihun lɔ xɔn byɔ amlɔ mɛ,jɛhɔn ɖaxo ɖe jɛ xixo le otɔ lɔ ji,osin bo gɔ ohun lɔ,wɛ ye le fɔku ɖaxo mɛ. ²⁴ Xodotɔ etɔn lɛye wa sɛkpɔ Jesu,bo fɔn-ɛ bo le ɖɔ ni xɔn ɖɔ:Cica!Cica!Mi din na vasudo!Jesu fɔn bo ɖe gbe do jɛhɔn lɔ kpodo otɔ we adan lɔ kpo wɛ oɖa ɖo awin bo zin. ²⁵ E bo wa le ɖɔ na ye xɔn ɖɔ:Bɔ wɛ onu ɖiɖi mitɔn lɛye lɔ le?Obu jɛ xodotɔ lɛye ji ye bo wa le ɖɔ na ye ɖe lɛye ɖɔ:Mɛ wɛ nyi omɛ xe wɛ jɛhɔn lɛye kpo otɔ lɛye kpo nɔ se ogbeni? ²⁶ Jesu kpo xodotɔ etɔn lɛye kpo wa wa Jelasenyɛtɔ lɛye we oto mɛ,xeni kpan nukɔntɔ Galile lɔ. ²⁷ Hwexenu na Jesu jɛ ote le otɔjihun lɔ mɛ,gbɛtɔ gbigbɔ mawe nɔ ɖe wa kpe-e,omɛ nɛ gɔn awu mado din e dɛn bo nɔ nɔ mɛkuku lɛye we nɔtɛn. ²⁸ Xena e mɔ Jesu,e bɛ axwa ɖaxo ɖe bo ɖɔ:A ni wɛ dɔn nyɔ kpo yɔ kpo ca?Mawu ɖaxo we vi?Un le do kɛnklɛn na we xɔn, nɔ kpɔn do tagba na-un gɛ. ²⁹ Wɛ Jesu dɔ na gbigbɔ mawe lɔ ɖɔ ni bo tɔn le dahwe lɔ mɛ,ɖo e nɔ yi do azɔnnɛ muɖe,ye bla dahwe nɛ kpodo ogan ye,gɛdɛye kpo,bo le cɔ-ɛ xɔn co e bo gba gɛdɛ lɛye wɛ gbigbɔ mawe lɔ dɔn-ɛ do si gbetotlomɛ. ³⁰ Jesu le kan se wi xɔn ɖɔ:Naɖe nyikɔ tɔwe nɔ nyi?Wɛ e le yi gbe ɖɔ:Mimɛsusu,ɖo gbigbɔ mawe susu wɛ byɔ e mɛ. ³¹ Gbigbɔ mawe nɛ lɛye le byɔ Jesu xɔn ɖɔ ni bbo kɛnklɛn a bo nɔ kpɔn nyi miye lɛye do odo siso lɔ mɛ gɛ. ³² E ɖiye,le oso lɔ ji hankpo lɛye le flɛn wɛ ye nɔ nyi hanvi le flɛn,gbigbɔ mawe lɛye le ɖɔ na Jesu ɖɔ ni bo ɖe ogbe na miye lɛye a bo byɔ hanvi ne lɛye mɛ.Wɛ Jesu ɖe ogbe. ³³ Wɛ gbigbɔ mawe lɛye tɔn le dahwe lɔ mɛ bo byɔ hanvi lɛye mɛ wɛ,ye gbado bo nyi vasudo xumɛ. ³⁴ Xena hankpocɔtɔ lɛye mɔ onu ni jɔ lɔ ye da afɔ wezun mɛ bo wa yi jla owɛn lɔ le gletoxo lɔ mɛ. ³⁵ Wɛ omɛ lɛye tɔn bo na do kpɔn onu ni le jɔ lɔ,hwexenu na mɛnɛ lɛye wa sɛkpɔ Jesu bo wa mɔ omɛ xe mɛ na gbigbɔ mawe tɔn le lɔ,obuɖiso ɖaxo ɖe jɛ ye ji. ³⁶ Wɛ omɛ xe ye ni mɔ onu ni jɔ lɔ wa le to na mɛbu ye ɖo ɖena dahwe lɔ mɔ okan tuntlun ɖo ha. ³⁷ Jelasenyɛsi we toxo lɔ kpokpo wa le ɖɔ na Jesu ɖɔ ni bo lɛ le miye,lɛye de,do obu ɖaxo ɖe jɛ ye ji.Wɛ Jesu wa byɔ tɔjihun lɔ mɛ bo lɛkɔ. ³⁸ Dahwe xe mɛ na gbigbɔ mawe tɔ le lɔ wa do kɛnklɛn na Jesu ɖɔ miye bo na xo do-e,vɔ Jesu nyɛ bo le ɖɔ ni xɔn ɖɔ: ³⁹ Lɛkɔ yi oxwe tɔwe gbe bo yi la onu ɖaxo xena Jesu wa na we lɛye,wɛ dahwe lɔ sɔn bo jɛ onu xena Jesu wa ni lɛye jla ji. ⁴⁰ Xena Jesu wa lɛkɔ togun lɔ wa kpe ɖo ye lete kpɔn-ɛ. ⁴¹ E ɖiye,dahwe ɖe nɔ nyi Janyilusi xeni kpa acɛ na goxɔ lɛye wa wa.E wa jɛ oklo le nukɔn na Jesu bo le do kɛnklɛn ni ɖɔ ni bo wa miye de, ⁴² ɖo ovyɛ lokpo ge ni le ɖo oxwe wyawe din na ku.Hwexenu na Jesu le yi e de xɔn,togun lɔ jan. ⁴³ Wɛ nahwe ɖe wa le togun lɔ mɛ wɛ ohun nɔ gbɔn e go kaka na oxwe wyawe,e bo wa zan kɔbɔ etɔn lɛye kpokpo le azɔngbɔ na omɛtɔ lɛye de,co e ma mɔ azɔn hɛn gbɔ gɛ. ⁴⁴ E wa gbɔn godo na Jesu bo wa dalɔ awu go ni wɛ hɔnlokpo ohun kinkɔn etɔn ɖo ote. ⁴⁵ Jesu ɖɔ:Mɛ wɛ kpoŋu?Xena me kpokpo le gbɛ,Piyɛ le ɖɔ ni ɖɔ:Cica,togun lɔ su bo do le kpo we xɔn ma. ⁴⁶ Vɔ Jesu le ɖe go ni xɔn ɖɔ:Mɛɖe kpo-un,ɖo un mɔ hɔnhlɔn ɖe tɔn sɔn nyɔ mɛ. ⁴⁷ Nyɔnu lɔ wa mɔ ɖɔ miye bo ma kpego na gɔ be gɛ,e wa jɛ nukɔn kpo obu ɖaxo ɖe kpo.E wa le yi ogbe le togun lɔ kpokpo we nukɔn bo wa le ɖɔ onu xe wutu e do blo lemɔha kpodo azɔnhɛngbɔ xeni mɔ le tɛndo lokpo mɛ. ⁴⁸ Wɛ Jesu le ɖɔ ni xɔn ɖɔ:Ovi ce,onu ɖiɖi tɔwe hwlɛn we gan, sɔn kpodo fifa kpo. ⁴⁹ Hwexenu na Jesu gbɛ le ɖɔ oxo,mɛɖe sɔn goxɔ ga lɔ de,bo le ɖɔ xɔn ɖɔ:Ovitɔwe nyɔnusi ku,nɔ kpɔn gɔ jɛ tagba gɛ cica. ⁵⁰ Vɔ xena Jesu se lemɔha,e le ɖo e go ni xɔn ɖɔ:Nɔ kpɔn ɖi obu gɛ,ɖinu kpoŋu,wɛ ovi tɔwe na gan. ⁵¹ Wɛ Jesu wa oxwe lɔ gbe bo ɖɔ mɛti ni kpɔn byɔ oxwe lɔ gbe xa miye gɛ,adavo Piyɛ,Jaan,Jaki,ovitɔ kpodo ovinɔ kpo. ⁵² E ɖiye,ye mɛ kpokpo wa bɛ avi bo je ale na do ovi lɔ ji.Vɔ Jesu wa ɖɔ na ye ɖɔ:Mi nɔ kpɔn vi avi gɛ,e ma ku gɛ,amlɔ wɛ e dɔ. ⁵³ Wɛ ye wa jɛ Jesu ca ko ji,ɖo ye nywɛ ɖɔ ovi lɔ bo ku. ⁵⁴ Jesu wa wle alɔ na ovi lɔ bo ylɔ-ɛ kpo axwa ɖaxo ɖekpo:Ovi ce fɔn! ⁵⁵ Ovi lɔ we gbigbɔ lɛkɔwa wɛ e tesu cite le e ɖe nu, hɔnlokpo Jesu na gbe ɖɔ ye ni bo hɛn nuɖuɖu do wa ni-i. ⁵⁶ E kpaca omɛ etɔn lɛye we Jesu ɖo gbesu ye ɖɔ:Ye ni kpɔn ɖɔ onu xe jɔ lɔ na mɛɖe gɛ.