¹ Xena Jesu ɖɔ oxo na togun xeni le ɖo oto-e lɔ vɔ,e ɖyɛ Kapenawɔmu we toxo lɔ mɛ. ² E ɖiye,sɔja kanweko nɔ ɖe wɛ ɖo gbɛtɔ kan numɔ ɖe bo ka yi owan ni,wɛ e le jɛ azɔn xɔn kaka bo ja kuku gbe. ³ Sɔja kanwekonɔ lɔ ɖo omɛ xoxo Jwifutɔn lɛye doxlan Jesu de ni a do fan okwe ni-i ɖɔ ni bo wa xo oɖɛ ni,ɖo e nɔ se onu wiwa Jesu tɔn lɛ. ⁴ Omɛ xoxo e nɛ lɛye wa Jesu de kpodo okwe finfan yetɔn kpo ɖɔ:"E jɛxa ɖɔ a na gɔ alɔ na dahwe enɛ, ⁵ ɖo e nyi owan na otogun mitɔn,bo gɔ gba cɔci xɔ na mi." ⁶ Lemɔha wɛ Jesu xodo ye.Ote jijɛ etɔn,sɔja kanwekonɔ lɔ ɖo hadwe etɔn lɛye ɖoxlan Jesu de ɖɔ:"Aklunɔ,nɔ kpɔn jɛ tagba do wa oxwe ce gbe gɛ,ɖo un ma jɛxa na a do ɖyɛ oxɔ ce mɛ gɛ. ⁷ E nɛ lɔ wɛzɔn un ma jɛxa na a do wa di-e gɛ,vɔ ɖɔ oxo lokpo na mɛsɛntɔ ce ni mɔ azɔn hɛngbɔ. ⁸ Ɖo nyɔ can,un yi gbɛtɔ ɖe bo le acɛ kpikpa ɖe gɔ,wɛ sɔja ye can le acɛ kpikpa ce gɔ.Wɛ na un ɖɔ na ɖe ɖɔ:"Ni bo yi flɛn,e nɔ yi-i.Wɛ na un gɔ ɖɔ na omɛ ɖe ɖɔ:"Ni bo wa"e nɔ wa; wɛ na un ɖɔ na ozɔnwavi ce ɖɔ:"ni blo onu xe" e nɔ blo-e." ⁹ Jesu se oxogbe sɔja kanwekonɔ lɔ tɔn wɛ e kpaca wi-i,wɛ e wa kpan nukɔn tɔ otogun lɔ ɖɔ:"Un ma mɔ onu ɖiɖi exe ha le Izlayɛli kpɔn gɛ." ¹⁰ Wɛ omɛ xeni lɛkɔ wa xwegbe lɛye,ye wa mɔ mɛsɛntɔ lɔ le ganji. ¹¹ Enɛ godo,Jesu kpodo ahwanvu etɔn lɛye kpodo otogun ɖaxo ɖekpo,wɛ ɖyɛ oto xena ye yɔ ɖɔ Nɛn lɔ mɛ. ¹² Xena Jesu ɖyɛ toxo lɔ mɛ,e wɛ kpe omɛ kuku xena ye ja didi gbe kpodo oto daxo ɖekpo. ¹³ Jesu ku lɛblanu na ye mɛ kpokpo ɖɔ: "Mi nɔ kpɔn viavi gɛ. ¹⁴ E nɛ godo, ye mɛ xeni kɔ ocɔgba lɛye nɔte kpoŋu, Jesu bo dalɔ ocɔgba lɔ go bo ɖɔ: "Ɖekajɛ, un ɖe ɖɔ na we xɔn, cite". ¹⁵ Omɛ kuku lɔ fɔn wa ogbɛ bo gɔ jɛ oxo ɖɔ ji hɔnɖokpo-hɔnɖokpo. Wɛ Jesu swɛ xɔ na onɔ. ¹⁶ Lemɔha wɛ, omɛ lɛye sese dibu na Mawu ɖɔ:"ɖɔdayiɖɔtɔ lokpo le cincin mɛ na mi wɛ Mawu ba jonɔ togun etɔn. ¹⁷ Jesu we owɛn dagbe gbɔn Jwidi toxo lɔ mɛ kaka do yi ofi gbokpwe dyɛ lɛye sese. ¹⁸ Xwodotɔ Jaan tɔn lɛye wa ɖɔ onu jijɔ lɛye kpokpo ni le gankpa mɛ. ¹⁹ Wɛ Jaan ɖo xwodotɔ etɔn awe ɖoxlan Jesu ɖɔ: Yɔ wɛ yi Mesia lɔ, alo mi a gɔ nɔte kpɔn omɛ bu? ²⁰ Xena ye wa Jesu de bo ɖɔ: Jaan omɛ nylɔ do osin mɛ tɔ ɖo mi do xlan di we ɖɔ mye ni kan we se ɖɔ: Yɔ wɛ yi Mesia lɔ, alo mi a gɔ nɔte kpɔn omɛ bu jaa? ²¹ Le whe nɛ nu, Jesu le wa onu jiwu susu, omɛ susu le mɔ azɔn gbɔ xɔn, wɛ gbigbɔ maweye le tɔn omɛ susu lɛye mɛ xe gɔ hugan, nukun gbanɔ susu ye jɛ onu mɔ ji. ²² Jesu bo yi ogbe na ye ɖɔ: Mi wa yi ɖɔ na Jaan onu xena mi mɔ lɛye ɖɔ, nukun gbanɔ lɛye le mɔ onu xɔn, tɛnkponɔ lɛye le di zɔnlin, gudunɔ lɛye mɔ lɛwe, oto kunɔ lɛye le se onu, omɛ kuku ye le fɔn sɔn oku wa gbɛ, wɛ windagbe lɔ gɔ yi jijla na wamɔnɔ lɛye. ²³ Onu yɔn na omɛ xeni di nu na-un ɖo onu wiwa ce lɛye utu. ²⁴ Xena Jaan we omɛ lɛye sɔn vɔ, Jesu bo gɔ jɛ oxo ɖɔ na otogun lɔ ji ɖɔ: Ani wɛ mi jlo na wa yi kpɔn le ogbe totlo lɔ mɛ? okɔn xena jɛhɔn nɔ do owe na lɔ wɛɛ? ²⁵ Odin ani wɛ mi jlo na wa yi kpɔn doo? Dahwe ɖe xeni wa ɖaŋu jla eɖe ɖo wɛɛ? vɔ, omɛ xeye ni nɔ do cigan we awuye a bo le ɖu ogbɛ xɔn lɛye, xɔluye we oxwegbe wɛ ye nɔ nɔ. ²⁶ Vɔ ɖe, ani wɛ mi jlo na wa yi kpɔn? ɖɔdayiɖɔtɔ ɖe wɛɛ? ɛɛn un le ɖɔ na mi ɖɔ e hugan ɖɔdayiɖɔtɔ. ²⁷ Edye omɛ xe go ye wlan onu do lɔ dye: Kpɔn un sɔ owindotɔ lɔ do xlan nukɔn tɔ we wɛ e na jla omɔn tɔwe lɔ ji ɖo. ²⁸ Jesu le tɛ oɖɛ e ji ɖɔ, omɛ xena yɔnnusi lɛye, ɖe ma hugan Jaan gɛ. Wɛ omɛ ovu le axɔsuɖuta Mawu tɔ mɛ ka gɔ hugan Jaan. ²⁹ Xena togun lɔ sese kpodo takwɛjɔtɔye kpo se oxo lemɔha tɔn, ye ɖe kunu na Mawu ɖɔ dodo nɔ wɛ e yi ɖo ye lɛ Mawu we osin Jaan na ye. ³⁰ Vɔ Falizitɔye kpodo osɛnkplan omɛtɔ ye kpo gbɛ oxo Mawutɔn, ɖo ye ma lɛ Mawu we osin Jaan tɔn gɛ utu. ³¹ Jesu ɖɔ a ni go wɛ ye na jlɛ gbɛtɔ egbe nɛ lɛye ɖo?A ni ha wɛ ye ɖi? ³² Ye wa ciɖi vikpɛvu xeni le xo onu le kplikplitɛn ɖe bo le ɖɔ ɖɔ omɛ bo ma ɖu we gɛ ha,mi do ohan onu wamɛ tɔn,omɛti ka ma vi avi gɛ. ³³ Ɖo Jaan wa bo ma ɖu onuti gɛ,bo ma gɔ nu ahan gɛ,wɛ ye ka ɖɔ mɔsin e bo yi gbigbɔ mawe. ³⁴ Ovi gbɛtɔ tɔn ka wa bo ɖu bo gɔ nu,ye ka ɖɔ onuɖutɔ kpodo ahannutɔ kpo bɛ e bo nyi. ³⁵ Vɔ,ye na nyɔ gbɛtɔ lɛye dogbɔn onu nyinywɛ yetɔn lɛye dali. ³⁶ Falizitɔ lokpo ylɔ Jesu do oxwe etɔn gbe,ni a do ɖu onu xɛ-ɛ, ³⁷ wɛ kpoŋu,nahwe ɖe wa kpodo celu kpo bo byɔ oxwelɔgbe. ³⁸ Nyɔnusi nɛ lɔ ze celu etɔn bo kɔn do afɔ ji na Jesu kpodo ɖasi etɔn kpo,bo gɔ wa ze oɖa etɔn do susu okɔ le afɔ ji na Jesu. ³⁹ Falizitɔ lɔ ɖɔ le e ɖe mɛ ɖɔ,Jesu do yi ɖɔɖanyiɖɔtɔ wɛ,e na o nywɛ xoxo ɖɔ ohwɛhutɔ wɛ nyi nyɔnusi nɛ. ⁴⁰ Jesu ka ɖɔ na dahwe nɛ ɖɔ:Un ja ɖɔ oxo ɖe na we:wɛ dahwe lɔ ɖɔ na Jesu ɖɔ ni bo ɖɔ oxo. ⁴¹ Jesu ɖɔ:Omɛ awe ɖu axɔ do omɛ lokpo,omɛ ɖe ɖu akwagan sandi lokpo,omɛ awegɔ bo ɖu kanɖe awo. ⁴² Xena ye ma kpego na su axɔ yetɔn lɛye gɛ,dahwe lɔ sɔ xɔ kɛ ye,odin mɛ wɛ na nyi owan na dahwe lɔ hugan? ⁴³ Simɔ ka yi ogbe ni-i ɖɔ:Axɔluɖuta ɖaxo lɔ wɛ,Jesu bo yi ogbe ni ɖɔ a da ohwɛ lɔ ganji. ⁴⁴ Jesu ka ɖɔ na Simɔ ɖɔ:Un wa oxwe tɔ we gbe,a ka ma klɔ afɔ na-un gɛ,nyɔnusi xe ka ze oɖasi etɔn kpodo oɖa etɔn kpo bo do susu afɔ ce. ⁴⁵ A ma kisi na afɔ ce lɛye gɛ,vɔ nyɔnusi e nɛ blo sese kpo,bo gɔ le blo. ⁴⁶ A ma gɔ si a mi do ota na-un gɛ,vɔ nyɔnusi e nɛ blo bo gɔ si celu do afɔ ce lɛye go. ⁴⁷ Nyɔnusi nɛ xlɛ owanyiyi etɔn ɖoxlan diye wɛ Mawu sɔ ohwɛ etɔn lɛye sɔ kɛ,vɔ omɛ xena ni mɔ ohwɛ etɔn lɛye sɔ kɛ hɛn e na ɖo wanyiyi. ⁴⁸ Jesu ɖɔ na nyɔnusi lɔ ɖɔ:Mawu sɔ ohwɛ tɔwe sɔ kɛ we sese kpo. ⁴⁹ Omɛ kpokpo xeni le oxwe lɔ gbe lɛye le ɖɔ le ye ɖe mɛ ɖɔ:Mɛ wɛ nyi dahwe xe bo na do sɔ ohwɛ xɔ kɛ omɛ? ⁵⁰ Vɔ,Jesu ɖɔ na nyɔnusi lɔ ɖɔ:Onu ɖiɖi tɔwe hwlɛn we gan,bo sɔn kpo fifa kpo.