¹ Gbeɖokpo,Jesu le Jenɛzalɛti we otɔto,omɛ susu bo xa do-e,bo le tintin xɔn a do se Mawu we oxo. ² E mɔ otɔjihun awe le otɔ lɔ to,wɛ oɖɔdatɔye o tɔn le ye mɛ bo le klɔ oɖɔ xɔn. ³ Otɔjihun lokpo bo nyi Simɔ tɔn,Jesu bo ɖyɛ otɔjihun nɛ lɔ mɛ,bo ɖɔ na Simɔ ɖɔ:"Simɔ,e jlo-un ɖɔ a kun otɔjihun lɔ do yi otɔ lɔ ji kpɛɖe."Jesu bo flɔn anyi le otɔjihun lɔ mɛ,bo jɛ onukpinkplan otogun lɔ ji. ⁴ Xena e kplan onuye vɔ,e ɖɔ na Simɔ ɖɔ:"Dɔn otɔjihun lɔ do yi nukɔn kpɛɖe,le ofi xena otɔ lɔ siso le.Yɔ kpodo hatɔwetɔ oɖɔdatɔ lɛye kpo,mi da oɖɔ na mi-a wle ohwe." ⁵ Simɔ ɖɔ ni-i ɖɔ:"Omɛɖaxo,mi o nɔ zanŋute bo da oɖɔ gbɔɔn ogbɔkpe co bo ma wle ohwe ti kanŋukonu gɛ.Vɔ,xena e nyi ɖɔ yɔ wɛ ɖɔ lemɔha,nada oɖɔ lɔ" ⁶ Ye da oɖɔ lɔ,bo wle ohwe susu gbagbagba gbɔɔn oɖɔ yetɔn jɛ vunvun ji. ⁷ Ye blo alɔ na ye hatɔye xeye ni le otɔjihun awegɔ lɔ mɛ,ɖɔ ye ni bo wa gɔ alɔ na mi ye.Xena ye wa,ye omɛ lɛye sese nɔ kpɔkpɔ bo bɛ ohwe lɛye do otɔjihun awe lɛye mɛAgban hugan otɔjihun awe lɛye gbɔɔn ye bo jɛ sisyɔ ji ⁸ Xena Piyɛ Simɔ mɔ do lemɔha,e jɛklo do akɔnmɛ na Jesu bo ɖɔ:"Aklunɔ,sɛyi le diye ɖo ohwɛhutɔ wɛ un nyi" ⁹ Ɖena ohwe lɔ su ɖo kpaca do Piyɛ kpo omɛ xeye ni bɔ do e go lɛye sese kpo. ¹⁰ Lemɔha lɔ ke wɛ e kpaca do yeha oɖ datɔ Jaki kpo Jaan xeye ni nyih Zebede we vikpɛye ɖo.Jesu ɖɔ na Simɔ Piyɛ ɖɔ:"Nɔ kpɔn ɖi obu gɛ,bɛ sɔn egbe din,gbɛtɔye wɛ a, nɔ kplan wa na-un ɖi ɖenqa a nɔ wle ohwe ɖo ha." ¹¹ E nɛ godo,ye kun otɔjihun yetɔn lɛye wa aga,bo jo onu kpokpo do,bo xodo Jesu. ¹² Gbeɖokpo,Jesu le toxo ɖe mɛ,dahwe ɖe bo le ofi lɔ wɛ gudu kɛɖɛ bo gɔ goto ni-i.Xena e mɔ Jesu,e jɛklo le akɔnmɛ ni-i bo ɖɔ:"Aklunɔ,kɛnklɛn na e jlo we,blo na ma tlɔ zun omɛ mimɛ." ¹³ Jesu dlɛn alɔ bo ɖo e go,bo ɖɔ mɔsin:Ɛɛn,e jlo-un,tlɔzun omɛ mimɛ"Hɔnlokpo,gudu we azɔn lɔ bu le goto ni-i ¹⁴ Jesu do osɛn ni-i ɖɔ:"Nɔ kpɔn ɖɔ na omɛ ɖe gɛ,vɔ,wa yi sɔ ɖewe sɔ xlɛ avɔsantɔ Mawutɔn a bo sɔ awusislan we onunina sɔ na ɖi ɖena Mɔyizi we osɛn lɔ byɔ ɖo ha.E nɛ lɔ wɛ na ɖexlɛ ɖɔ azɔn tɔwe bo gbɔ" ¹⁵ Co ganke,nyikɔ Jesu tɔn gbakpe gbɔn ofi kpokpo, omɛ susu gbagba nɔ wa kpli a bo do se onukpinkplan etɔn,a bo gɔ do mɔ azɔn hɛngbɔ le e de. ¹⁶ Vɔ,Jesu nɔ lɛ le yede a bo wa yi xo oɖɛ le ofi xena omɛti ma le gɛ ¹⁷ Gbealokpo,Jesu le kplan on u omɛye xɔn Falizitɔye kpo osɛnkplan-omɛtɔye flɔn àanyi le akpa ni-i.Ye sɔn toxo Jeluzalɛmu tɔn kpo otota xeye ni le Galile kpo Juda tɔn kpo mɛAklunɔ Mawu we hɔnhlɔn le okpɔ xa-ɛ wɛ e le gbɔ azɔn na azɔnnɔye xɔn ¹⁸ Omɛ ɖe lɛye kɔ dahwe kplibɔnɔ ɖe do azɔnnɔye we okpɔn mɛ bo na do wa Jesu de,ye jlo na hɛn azɔnnɔ lɔ do ɖyɛ oxwe xe gbe na Jesu le lɔ,a bo do sɔ-ɛ do nukɔn ni-i. ¹⁹ Vɔ,ye ma kpego bo blo lemɔha gɛ,ɖo omɛ susu wɛ gɔ oxwe lɔ gbe.E wɛ ye gbɔjwɛ xlɛ oxɔ lɔ we ota,bo din omɔ ɖe bo sɔ azɔnnɔ lɔ bo lle anyimimlɔ le okpɔn etɔn lɔ mɛ ²⁰ Xena Jesu mɔ yise yetɔn,e ɖɔ mɔsin:"Ɖekajɛ,amɔ ohwɛsɔkɛ yi na onunyinyla tɔwe lɛye" ²¹ Osɛnkplan-omɛtɔye kpo Falizitɔye xeye ni le ofi lɔ,le kan ayi xɔn ɖɔ:"Dahwe bɔ tɔn ha wɛ nyi e xe,xeni le kɔn acɔn do Mawu go xɔn?Mɛ ha wɛ na kpego bo na sɔ onunyinyla omɛtɔn sɔ ke omɛ?Mawu lokpo gee jan mɛ?" ²² Xena Jesu mɔ onu jɛ ayixa yetɔn go,e ɖɔ na ye ɖɔ:"A ni wutu wɛ mi do le ɖo susu lemɔha tɔn le oji mitɔn mɛ xɔn. ²³ Na ye ɖɔ:"A mɔ ohwɛ sɔke yi na onunyinyla tɔwe lɛye,alo"cite a bo zɔn zɔnlin" bɔtɔn ha wɛ fa hugan ɖe? ²⁴ Vɔ,na mi na do nyɔ-ɛ ɖɔ:"Ovi gbɛtɔtɔn lɔ bo ɖo acɛ le ianyizan ji a do sɔ ohwɛ sɔke omɛ",e ɖɔ na kplibɔnɔ lɔ ɖɔ:"E ɖye un ɖe ogbe na we ɖɔ,cite a bo kɔ okpɔn tɔwe a bo sɔn yi oxwegbe. ²⁵ Tintan lokpo, dahwe kplibɔnɔ lɔ cite le omɛ kpokpo we nukun mɛ,bo kɔ okpɔn etɔn bo sɔn yi oxwegbe etɔn,bo le kanfu Mawu xɔn. ²⁶ E kpaca do omɛ kpokpo,wɛ ye le kpa gigo na Mawu xɔn kpo obu ɖisi kpo.Ye ɖɔ:"Onumamɔ kpɔn gbeɖe ɖiye mi mɔ le egbe!" ²⁷ E nɛ godo,Jesu tɔn, bo wa mɔ ganjɔ jɔtɔ ɖe e flɔn anyi le ganjɔ jɔxwe xena ye nɔ yɔ ɖɔ Lewi.E ɖɔ ni-i ɖɔ:"Xo do-un". ²⁸ Lewi lɔ cite,bo jo onukpokpo do,bo xo do-e. ²⁹ E nɛ godo,Lewi ɖu agɔ ɖaxo ɖe le oxwe etɔn gbe bo do yɛyi na Jesu.Ganjɔ jɔtɔ susuye kpo omɛ bubuye can ɖu onu xa ye. ³⁰ Falizitɔye kpo osɛnkplan-omɛtɔye yetɔn lɛye jɛonu hunhlun ɖɔ do nu mɛ ji ɖo onu e nɛ lɔ go.Ye kan oxo onukplanvi Jesu tɔn lɛye se ɖɔ:"Ani wutu wɛ mi nɔ do ɖu, a bo nu xa ganjɔ jɔtɔyye kpo onunyinyla watɔye. ³¹ Jesu ɖo e go na ye ɖɔ:"Azɔnnɔye wɛ ɖo hudo doto tɔn,omɛ xeye ni le ganji lɛye ma ɖo hudo etɔn gɛ. ³² Un ma wa na dodonɔ ye gɛ,vɔ,onunyinyla blo tɔwe wɛ un wa na.E nɛ ye na do ɖyɔ jijɔ, yetɔn lɛye." ³³ Falizitɔye ɖɔ na Jesu ɖɔ mɔsin:"Onukplanvi Jaan tɔn kpo onukplanvi mitɔn lɛye kpo nɔ le bla onuxɔn blebleble,a bo nɔ xo oɖɛ xɔn,vɔ onukplanvi tɔwe lɛye onu jan wɛ ye nɔ le ɖu xɔn kpoŋu,a bo le nu xɔn." ³⁴ Jesu ɖo e go na ye ɖɔ:"Le alɔwiwle hwenu,mi na kpego bo na ɖɔ na omɛ xeye na mi yɔ do alɔwiwle tɛnmɛ lɛye ɖɔ ye ni bo bla onu hwexenu na nyɔnusu lɔ gbɛ le ye de wɛɛ? ³⁵ Vɔ,azan ɖe lɛye ja wɛ ye na wa idɔn nyɔnusu lɔ le ye de,hwenɛnu wɛ ye na bla onu. ³⁶ Jesu gɔ do olo na ye bo ɖɔ:"Omɛti mɔ nɔ kan le avɔ yɔyɔ we awu go bo nɔ sɔ xɔ tɔ do avɔ xoxo we awu gɔ gɛ.Na ye blo lemɔha,awu yɔyɔ lɔ na vun.Lemɔha lɔ ke wɛ avɔvu xena ye tɔ do awu xoxo lɔ go ma le sɔgbe xa-ɛ xɔn gɛ. ³⁷ Omɛɖe mɔ nɔ kɔn vɛn yɔyɔ do olangbaza we saki xoxo mɛ gɛ.E nɛ dɛn,vɛn lɔ na vun saki xoxo lɛye,wɛ vɛn lɔ na kɔnyi ogbe,saki lɛye can na la. ³⁸ Vɔ,ye nɔ kɔn vɛn yɔyɔ do olangbaza we saki yɔyɔ mɛ. ³⁹ Omɛ ɖekpokpwe xeni nu vɛn xoxo,e mɔ gɔ jlo bo na nu yɔyɔ gɛ.Ɖo e nɔ ɖɔ:"Xoxo lɔ bo jɔhun hugan."