¹ Hwexenu na xɔlu ɖaxo Hlɔmatɔn Tibɛɛ le blo oxwe fɔtɔn le axɔsuzinkpwe ji,Pɔnsu Pilati bo ɖu oga le Jude,Elodu bo do ɖu oga le Galile,Filipu xeni nyi Elodu nɔvyɛ bo ɖu oga le Itule kpodo Tlakonidi we toxo lɔmɛ,lisanyasi bo ɖu ga le Abilɛnu, ² le Ana kpo Kayifu xeni nyi avɔsantɔ lɛye we oga hwenu,Mawu ɖɔ oxo na Jaan xeni nyi Zakali we ovi le gbetotlomɛ. ³ Jan nɔ dan gbɔn kansin ɖekpokpwe xeni lɛ do Judɛn we otɔ lɔ xɔn a bo le ɖɔ na omɛye xɔn ɖɔ:"Mi ɖo lɛnvɔjɔ,na ye a nylɔ mi do osin mɛ,e nɛ Mawu na sɔ ohwɛ huhu mitɔn lɛye sɔ xɔ ke mi. ⁴ Ɖi ɖena e nyi winwlan ɖo le ɖɔɖanyitɔ Ezayi we wema mɛ ɖo ha.E wlan ɖɔ mɔsin:"Dahwe ɖe le do axwa le gbetotlomɛ xɔn ɖɔ,"Mi blo Aklunɔ we omɔ ɖo,afɔmɔ etɔn lɛye ni jɔ ganji! ⁵ Odo lɛye sese na nyi susu wɛ oso ɖaxo-ɖaxo lɛye kpo oso vuvu lɛye kpo,na nyi gbigba.Ofi xena omɔ lɔ glɔn do sese na nyi jijɔ,wɛ ye na jla ofi ɖekpokpwe xena omɔ lɔ gble do ye sese, ⁶ omɛ lɛye kpokpo na mɔ hwlɛngan Mawutɔn. ⁷ Omɛ susu nɔ wa Jaan de na Jaan a do nylɔ ye do osin mɛ.E wɛ Jaan nɔ ɖɔ na ye ɖɔ:"Zakpata we okunkanye mi,mɛ ha wɛ nyi omɛ xeni ɖɔ na mi ɖɔ mi ye ni bo do ada na xomɛsin Mawutɔn xeni bo ja lɔ? ⁸ Mi ɖo na ɖexlɛ gbɔn jijɔ mitɔn lɛye mɛ ɖɔ ogbɛ mitɔn bo ɖyɔ; a bo nɔ kpɔn gɔ ɖɔ le miɖe mɛ ɖɔ:"Ablaxamu wɛ nyi dagbo mitɔn gɛ."Ɖo nyɔ un le ɖɔ na mi xɔn ɖɔ,Mawu hɛn e na sɔ okpɛn e xe lɛye do blo vikpɛye na Ablaxamu. ⁹ Ye o jla syɔvi lɔ ɖo a do gbo okyɔnye na atin lɛye.Atin ɖekpokpwe xeni ma na sinsyɛn jijɔhun gɛ lɛye na nyi gbigbo wɛ ye na sɔ ye sɔ flɛn do ozo mɛ." ¹⁰ Otogun lɔ kpokpo le kan oxo Jaan se xɔn ɖɔ:"Naɖe wɛ mi na blo ɖo?" ¹¹ Jaan ɖo e go na ye ɖɔ:"Omɛ xeni ɖo awu awe,ni sɔ lokpo sɔ na omɛ xeni ma ɖo ɖe gɛ.Omɛ xeni ɖo onuɖuɖu can ni na omɛ xeni ma ɖo ɖe gɛ." ¹² Ganjɔ jɔtɔye can wa Jaan de na ni-a do nylɔ ye do osin mɛ gba.Ye can kan-ɛ se ɖɔ:m"Cica onukplan-omɛtɔ,naɖe wɛ mi na blo ɖo." ¹³ Jaan ɖo e go na ye ɖɔ:"Mi nɔ kpɔn yi kɔbɔ hugan xena ye ɖɔ miye ni bo yi gɛ." ¹⁴ Wɛ sɔja ɖelɛye can gɔ wa le kan Jaan se xɔn ɖɔ:"Miye ɖe naɖe mi na blo ɖo?"E ɖo e go na ye ɖɔ:"Mi nɔ kpɔn yi kɔbɔ le omɛɖe si gannu-gannu gɛ o,a bo nɔ kpɔn ɖo awo a do yi kɔbɔ le omɛɖe si gɛ o.Kɔbɔ na ye nɔ su mi ni kpe-e mi. ¹⁵ Hwexenu na otogun lɔ kpokpo ci onu lilo mɛ do onu xeni na wa jɔ lɛye go,ye jɛ oxo kinkan yeɖe se ji ɖɔ:"Alo Jaan wɛ nyi Klisi lɔ?" ¹⁶ Jaan ɖo e go na ye ɖɔ:"Nyɔo,un le nylɔ mi do osin lmɛ xɔn,vɔ omɛ ɖe ja,bo syɛn hugan nyɔ bo ɖo hɔnhlɔn hugan-un.Un ma jɛ xa bo na do tlun fɔkpakan etɔn lɛye le afɔ ni-i can gɛ.E yɔ,gbigbɔ ɖedovo tɔn kpo ozo kpo mɛ wɛ e na nylɔ mi do. ¹⁷ Onutanu le alɔmɛ ni-i e bo na do ɖe nunkun lɔ do ovo na onunywɛ lɔ.Nunkulɛ ye e na bɛ ye do ava etɔn mɛ,vɔ e na do ozo onunywɛlɛye le ozo xeni mɔ nɔ ci kpɔn gbeɖe gɛ mɛ. ¹⁸ Do gbɔn onukplan-omɛ we oxogbe bubuye mɛ,Jaan ɖɔ Mawuxo na otogan lɔ. ¹⁹ Oga Elodu xeni kpacɛ le Galile we kansin mɛ yi nyɔnu le nɔvyɛ si bo sɔ ɖe.Nyɔnu lɔ nɔ nyi Elodyasi.E gɔ blo onunyinyla bubuye,wɛ Jaan wa gbɛ onu ni-i do onu e nɛ lɛye go. ²⁰ Gɔ do hugan lemɔha,e wle Jaan do ogankpamɛ. ²¹ E gɔ wa wa emɛ hwexenu na ye nylɔ otogun lɔ do osin mɛ,Jesu can wa wɛ ye nylɔ e yo do osin mɛ gba.Wɛ hwexenu na e le xooɖɛ xɔn jinunkunsin hun, ²² wɛ gbigbo ɖedovotɔn wa jɛ Jesu ji bo ɖo hɔnnɛ we agbaza, wɛ ogbe ɖe ɖi sɔn jinunkunsi bo ɖɔ:"Yɔ wɛ nyi ovi ce xena un yi owan na,yɔ wɛ nɔ do ojijwɛ na-un. ²³ Hwexenu na Jesu bɛ devizɔn etɔn,e le ɖo oxwe ogban ha xɔn.Ye no bu-i ɖɔ Jozɛfu we ovi wɛ e nyi sin,Jozɛfu lɔ bo nyi Eli we ovi, ²⁴ Eli bo nyi Matali we ovi,Matali bo nyi Lewi we ovi,Lewi bo nyi Mɛliki we ovi,Mɛliki bo nyi Yanasi we ovi,Yanasi bo nyi Jozɛfu we ovi, ²⁵ Jozɛfu bo nyi Matatyasi we ovi,Matatyasi bo nyi Amɔsu we ovi,Amɔsu bo nyi Nawumu we ovi,Nawumu bo nyi Ɛsili we ovi,Ɛsilibo nyi Nagayi we ovi, ²⁶ Nagayi bo nyi Mati we ovi,Mati bo nyi Matyasi we ovi,Matyasi bo nyi Sɛmɛnyɛ we ovi,Semɛnyɛ bo nyi Yosɛki we ovi,Yosɛki bo nyi Yada we ovi. ²⁷ Yoda bo nyi Yowana we ovi,Yowana bo nyi Hleza we ovi,Hleza bo nyi Zolobabɛli we ovi,Zolobabɛli bo nyi Celityɛli we ovi,Celityɛli bo nyi Nɛli we ovi. ²⁸ Nɛli bo nyi Mɛliki we ovi,Mɛliki bo nyi Adi we ovi,Adi bo nyi Kosamu we ovi, Kosamu bo nyi Ɛlimadamu we ovi,Ɛlimadamu bo nyi Ɛli we ovi. ²⁹ Ɛli bo nyi Yeswa we ovi,yeswa bo nyi Elyezɛ we ovi,Elyezɛ bo nyi Yolimu we ovi,Yolimu bo nyi Matati we ovi,Matatibo nyi Lewi we ovi. ³⁰ Lewi bo nyi Simɛnyɔ we ovi,Simɛnyɔ bo nyi Yuda we ovi,Yuda bo nyi Jozɛfu we ovi,Jozɛfu bo nyi Yonami we ovi,Yonami bo nyi Elyakimu we ovi, ³¹ Elyakimu bi nyi Mɛleya we ovi,Mɛleya bo nyi Mɛna we ovi,Mɛna bo nyi Matata we ovi,Matata bo nyi Natan we ovi,Natan bo nyi Davidi we ovi, ³² Davidi bo nyi Jese we ovi, Jese bo nyi obɛdi we ovi,Obɛdi bo nyi Bozu weovi,Bozu bo nyi Sala we ovi,Sala bo nyi Nasɔnu we ovi. ³³ Nasɔnu bo nyi Aminadabu we ovi,Aminadabu bo nyi Adiminu we ovi,Adiminu bo nyi Ani we ovi,Ani bo nyi Ɛsibu we ovi,Ɛsibu bo nyi Pelɛsi we ovi,Pelɛsi bo nyi Yuda we ovi, ³⁴ Yuda bo nyi Jakɔbu we ovi,Jakɔbu bo nyi Izaki we ovi,Izaki bo nyi Ablaxamu we ovi,Ablaxamu bo nyi Tela we ovi,Tela bo nyi Naxɔ we ovi, ³⁵ Naxɔ bo nyi Selugu we ovi,Selugu bo nyi Hlewu we ovi,Hlewu bo nyi Pelɛgi we ovi,Pelɛgi bo nyi Ɛbɛ we ovi,Ɛbɛ bo nyi Cela we ovi, ³⁶ Celabo bo nyi Kenani we ovi,Kenani bo nyi Apasadi we ovi,Apasadi bo nyi Sɛmu we ovi,Sɛmu bo nyi Nɔwe we ovi,Nɔwe bo nyi lemɛki we ovi, ³⁷ Lemɛki bo nyi Matusalɛmu we ovi,Matusalɛmu bo nyi Enɔki we ovi,Enɔki bo nyi Yelɛdi we ovi,Yelɛdi bo nyi Malaleli we ovi,Malaleli bo nyi Kenani we ovi, ³⁸ Kenani bo nyi Enɔsu we ovi,Enɔsu bo nyi Sɛti we ovi,Sɛti bo nyi Adamu we ovi,Adamu bo nyi Mawu we ovi.