¹ Jesu, kɔ okɔ bo mɔ dɔkunnɔ lɛye xeni le ze onu jijɔ ye tɔn lɛye sɔ ɖo jaxwi. ² E gɔ gɔ mɔ nyɔnnu asukusi xe ma ɖo onu ti gɛ lokpo, e yɔ can sɔ akwa gan awe sɔ do jaxwi lɔ mɛ gba. ³ Wɛ Jesu ɖɔ: Le xojɔxo mɛ, nyɔnnu asukusi e nɛ na onu nina hugan omɛ lɛye kpokpo. ⁴ Omɛ xe lɛye na susu co e gɔ kpo na ye. Vɔ, asukusi xe, e sɔ xena e na ɖu bo na do nɔ ogbɛ wɛ e sɔ xɔ na. ⁵ Di ɖena omɛ ɖe le ɖɔ oxo do goxɔ le go xɔn, ɖena goxɔ lɔ jɔ ohun kpodo okpɛn unkɔ-unkɔ xena ye do jla-ɛ ɖo ɖo kpodo onu nina lɛye kpo ⁶ bo ɖɔ: Onu xena mi le mɔ xɔn, azan lɔ na wa wɛ ye ma gɔ le mɔ okpɛn ɖe le okpɛn ɖe ji xɔn kaka na do wa hɔ-ɛ gɛ. ⁷ Ye kɛn se ɖɔ: Cica, hwetɛhwenu onu nɛ lɛye na wa jɔ ɖo? Wɛ untun bo tɔn wɛ na wa le azan nɛ lɔ gbe? ⁸ Jesu ka yi ogbe na ye ɖɔ: Mi cɔ mi ɖe lɛye ye ni nɔ kpɔ wa blɛ mi ɖu xɔn gɛ. Ɖo omɛ susu na wa wa le nyikɔ ce mɛ bo na ɖɔ: Yɔn wɛ, wɛ hwenu lɔ oo wa, mi ka nɔ kpɔn xodoye gɛ. ⁹ Na mi wa le se ahwan funfun lɛye kpodo ogu fɔn do omɛ ji kpo lɛye, mi nɔ kpɔ ɖi obu gɛ, ɖo onu nɛ lɛye ɖo na jɔ, vɔ vivɔnu lɔ ma le wa tlololo xɔn gɛ. ¹⁰ E nɛ, e gɔ le ɖɔ xɔn: Akɔta ɖe na fɔn do ɖe ji, wɛ axɔluto ɖe na gɔ fɔn do ɖe ji. ¹¹ Wɛ anyizan na hunhun, wɛ ofi lɛye kpokpo xovɛ na tɔn kpo azɔn lɛye kpo. Wɛ onu nyinyla na jɔ, e nɛ godo josido ɖe lɛye na wa le oji nukunsin. ¹² Vɔ, e nɛ lɛye we godo, ye na zin alɔ yetɔn lɛye mi ji, bo do tagba na mi, ye na dɔn mi gbɔn goxɔ lɛye mɛ, ogankpa lɛye mɛ, bo na dɔn mi gbɔn axɔlu lɛye kɔn kpo otoga ɖaxo-ɖaxo lɛye we nukɔn, ɖo nyikɔ ce wutu. ¹³ Wɛ e nɛ wɛ na na mi akɔn kpinkpan na mi na mi do ɖe kunnu. ¹⁴ Mi nɔ kpɔn so jikan le ayixa mitɔn lɛye mɛ gɛ. ¹⁵ Hwenɛnu, na na mi oxo xeni jɛ xa na mi na ɖɔ kaka na ye ni nɔ kpɔn du le miji a bo wa wulu mi gɛ ¹⁶ Vɔ, omɛ jitɔ mitɔn lɛye tesu wɛ na sa mi, kpo mye nɔvi, omɛ xeni sɛkpɔn mi, hadwe mitɔn lɛye, wɛ ye na hu susu le mimɛ. ¹⁷ Omɛ susu na gbɛ wan na mi ɖo nyikɔ ce wutu. ¹⁸ Vɔ, miye, ota mitɔn lokpo ma le bu xɔn gɛ. ¹⁹ Do gbɔn ogan dido mitɔn mɛ, mi na ɖu le e ji bo na mɔ hwlɛgan na anidɔn mitɔn. ²⁰ Na mi wa mɔ sɔja ye tlɔ do Jeluzalɛmu, mi bo nyɔ-ɛ ɖɔ vivɔnu etɔn bo wa. ²¹ E nɛ, omɛ xeni le Jude lɛye na si bo na sɔn yi oso kanmɛ, wɛ omɛ xeni le otoxo lɔ mɛ lɛye na si, omɛ ni le a zɔ ga lɛye ma le kpego na byɛ otoxo lɔ mɛ gɛ. ²² Ɖo ogu finfɔn lɔ na syɛ taŋu wɛ onu winwlan lɔ na wa cicɛ mɛ jan wɛ. ²³ Ota nyinyla na nyɔnnusi xeni na le xoxo kpo xeni na le ji ovi le gbenɛgbe lɛye! Ɖo awu bibla ɖaxo kpodo xomɛ sin ɖe kpona jɛ otogun lɔ ji. ²⁴ Ye na sɔ ohi do hu omɛ ɖe ye, omɛye na sɔn yi gankpamɛ, wɛ ma yise nɔ lɛye na gba Jeluzalɛmu toxo lɔ sese kaka wɛ ma yisenɔ lɛye we oxo xena ye do ye go na wa cicɛmɛ. ²⁵ Untun ɖe lɛye na tɔn le ojixwe le ohwe mɛ, osun mɛ kpodo osunvi lɛye kpo. Anyizanji a wubla na le akɔta lɛye mɛ wɛ e ciɖi oxu wɛ le ɖaxwa xɔn ha. ²⁶ Gbɛtɔ ye na ku ɖo onu xen ja jijɔ gbe le anyizan ji wutu, ɖo hɔnhlɔn ɖe lɛye na sɔn oji bo na wa jɛ anyizan lɔ ji. ²⁷ E nɛ godo ye na mɔ ovi gbɛtɔ tɔn le aslɔ mɛ kpodo gigo ɖaxo ɖe kpo. ²⁸ Na onu nɛ lɛye na jɔ, mi bo ci ote ɖo okan tuntun mye tɔn wa. ²⁹ Jesu do olo ɖe na ye: Mi kpɔn figi tin kpo sinsɛn etɔn lɛye kpo. ³⁰ Hwexenu ye le ci ote xɔn, mi ka nyɔ-ɛ ɖɔ akumɛ bo o wa. ³¹ Na mi mɔ onu xe lɛye le jɔ xɔn mi bo nyɔ-ɛ ɖɔ axɔluta Mawu tɔn bo o sɛ kpɔ. ³² Le oxo jɔxo lɔ mɛ, un le ɖɔ na mi xɔn jijimɛvi xe lɛye ma le ju wa yi ke hwɛ kpo onu xe lɛye na wa cicɛ mɛ gɛ. ³³ Oji nukunsin kpo anyizan kpo na ju wa yi, vɔ oxo ce lɛye ma le ju wa yi xɔn gɛ. ³⁴ Mi cɔ miɖe lɛye, na ayixa mitɔn ni nɔ kpɔ gɔ kpo onu ɖuɖu biblo gɛ kpodo gbɛmɛ we linkpɔn gɛ, na ogan xixo nɛ nɔ lɔ ni nɔ kpɔn wa cɔ mi gɛ, ɖi fɛnca ha gɛ, ³⁵ ɖo e nɛ lɔ na wa omɛ lɛye kpokpo ji le anyizan lɔ ji. ³⁶ Mi bo nɔ nukle le ohwe lɛye sese nu, mi xo oɖɛ a bo do mɔ hɔnhlɔn a bo do nɔ ote na onu xeni na jɔ a bo ote le ovi gbɛtɔ tɔn we nukɔn ³⁷ E nɛ, hwenu na Jesu nɔ kplan onu omɛ lɛye le goxo mɛ, e wa mlɔn oso xena ye nɔ ylɔ ɖɔ Olivutɔn ji. ³⁸ Oto gun lɔ kpokpo nɔ ya wu wa zan funnu tin-ɛ le ogo xo lɔ me na do se Mawu we oxo.