¹ Jesu ɖɔ na xwedotɔ etɔn lɛye ɖɔ: Onu ɖe lɛye hɛn, e na sɔ mi do ohwɛ mɛ, vɔ ota nyinyla na omɛ xe ji na e na gbɔn. ² E yɔn na omɛ lɔ hugan ye bl okɛn ɖaxa do okɔ ni-i bo syɛ sɔ nyi do oxu gɔ na omɛ nɛ glɔn omɛ na vikpɛvu ɖe. ³ Mi cɔ mi de lɛye. E nyi anɔwevi hu ohwɛ, ɖɔ oxo ni-i, wɛ na e nyi e lɛvɔjɔ, bo sɔ ohwɛ sɔ ke. ⁴ Na e hu ohwɛ do we wla canwe le gbeɖokpo, bo gɔ wa diwe le wla canwe le gbeɖokpo lɔ ke bo ɖɔ, un levɔjɔ bo sɔ xɔ kɛn-un, a ɖo na sɔ ohwɛ etɔn sɔ kɛɛ. ⁵ Mɛɖeɖowlan leye wa le ɖɔ na Aklunɔ lɔ ɖɔ: Do onuɖiɖi onuɖiɖi ji na mi. ⁶ Aklunɔ lɔ ɖɔ: Na mi ɖɔ onuɖiɖi ɖi atinkun ovu tintin ha, mi na ɖɔ na atin nɛ ɖɔ, hɔn ɖiwe, bo wa yi jɛ oxu mɛ, e na se otonu na mi. ⁷ Vɔ, Jesu ɖɔ, omɛ wɛ le mi mɛ, bo na ɖɔ na ozɔnwavi etɔn, xeni nɔ lɛ ogle, alo xeni nɔ kpɔn kanlinye ji ni-i, le hwexenu na ozɔnwavi lɔ na wa sɔ glegbo, bo na ɖɔ ni-i ɖɔ wa yi flɔn anyi le otɛn tɔwe mɛ a do ɖu onu? ⁸ E na ɖɔ ni-i ɖɔ, wa yi ɖa onuɖuɖu na-un a bo sɔ onu do, a bo wa sɔ onuɖuɖu ɖo anyi na-un ma ɖu. E nɛ godo we a na ɖu onu bo na nu? ⁹ Na ozɔnwavi nɛ lɔ blo onu xena ye zɔn-ɛ, oga etɔn nɔ wa do okpɛ ni-i wɛ? ¹⁰ Lemɔhake e le na mye can, na mi blo ozɔn xena ye zɔn mi lɛye sese vɔ, mi na nɔ ɖɔ ɖɔ: Ozɔnwavi vɔvɔ bɛ mye bo ni-i. Ozɔn xena mi na blo nɛ mi blo. ¹¹ Hwexenu na Jesu sɔn yi Jeluzalɛmu xɔn, e gbɔn Samali kpodo Galile we ode ji. ¹² Xena e ɖyɛ gletoxo ɖe mɛ, wɛ azɔnnɔ awo de lɛye wa kpe, guduzɔn wɛ ye le jɛ xɔn, ye nɔte do ozɔga ¹³ ye ze ogbe do yi oji bo daxha bo jɛ Jesu yiylɔ ji ɖɔ: Jesu, Mɛsi, kinklɛn bo ku onu blawu mitɔn. ¹⁴ Hwexenu na Jesu yi ye vɔ, e ɖɔ: Mi yi sɔ mi ɖe lɛye xɔ xle avɔsannuxletɔ. We hwexenu na ye le sɔn xɔn, ye mɔ azɔn hen gbɔn le omɔ ji,. ¹⁵ Xena omɛ lokpo mɔ ɖɔ mye bo mɔ azɔn hɛn gbɔ, e lɛ kɔ wa yi go do bo jɛ susu kpikpa na Mawu ji kpo axwa kpo. ¹⁶ E wa do onu odo na Jesu, bo kpa susu ni-i. Samali wɛ ye ka le. ¹⁷ Bo na do yi ogbe ni-i, Jesu ɖɔ: Omɛ awo lɛye ma mɔ azɔn hɛn gbɔ? Bɔ wɛ omɛ cɛnɛ gbokpwe ɖyɛ lɛye lɔ le? ¹⁸ Omɛ buye ma gɔ le bo na kpa susu na Mawu gbɔn ovo na jonɔ xe? ¹⁹ Wɛ Jesu ɖɔ ni-i ɖɔ: Ci ote bo sɔn, onuɖiɖi tɔwe wlɛn we gan. ²⁰ Falizitɔye kan oxo wi-i se do gbɔn axɔluta Mawutɔn lɔ mɛ, Jesu yi ogbe na ye ɖɔ: Axɔluta Mawutɔn ma kpɔ wa anyizan lɔ ji do wa sɔ e yɔ ɖe do xo nukunmɛ na gbɛtɔye gɛ. ²¹ Wɛ ye ma kpogo na ɖɔ ɖɔ: Mi kpɔn fi, alo filin da xwe,! E ɖye, axɔluta Mawutɔn oo le mimɛ. ²² Jesu ɖɔ na axwanvu etɔn lɛye ɖɔ: Azan lɔ na wa wɛ mi na ɖo ojlo na mɔ azan ovi gbɛtɔn lɔ do nukun go vɔ mi ma la mɔ xɔn gɛ. ²³ Odin, ye na ɖɔ na mi ɖɔ: Mi kpɔn flin daxwe! Mi kpɔn fi! Vɔ mi nɔ kpo yikaka gaji gba gɛ a bo nɔ kpɔn dowezun jɛ nukɔn na ye gɛ, ²⁴ ɖo wezizi nɔ zawe sɔn oxwe zɛdo bo nɔ wa yi oxwe yi xɔ ɖo, lemɔha ke wɛ ovi gbɛtɔ tɔn lɔ na wa ɖo le azan etɔn gbe ɖo nɛ. ²⁵ Vɔ, tintan tɔn, e ɖo na se awuvɛ wɛ jijimɛ vi ye lɛye na gbɛ. ²⁶ Ɖi ɖena e jɔ le Nɔwe wenu ɖo ha, lemɔhake wɛ e na nyi ɖo le ovi gbɛtɔ lɔ tɔn we xwenu ɖo nɛ. ²⁷ Ye na le ɖu onu bo na le nu ahan, bo na le ɖe ye ɖe, bo na sɔ vikpɛ yetɔn lɛye do na asu, kaka jɛ xwenu xena Nɔwe byɛ aklo lɔ mɛ( wɛ otɔ lɔ wa bo hu ye sese). ²⁸ Lemɔhake wɛ ejɔ le Lɔtu we xwenu nɛ, ye le ɖu onu, bo le nu ahan, bo le xɔ onu ye kpodo sisa kpo xɔn, bo le do onuye bo gɔ le gba oxɔye xɔn. ²⁹ Vɔ, azan xe gbe na Lɔtu tɔn le Sodɔmu, ozo jokun tɔn wɛ ja sɔn oji bo hu ye sese kpo. ³⁰ E na gɔ nyi do lemɔha le ovi gbɛtɔ tɔn we azan lɔ ji. ³¹ Le azan nɛ lɔ gbe, omɛ xeni le oxɔmɛ ma gɔ le tɔn bo na blo onu ti le oxwe lɔ gbe gɛ. Wɛ omɛ ni le glemɛ ma gɔ le wa xwegbe xɔn gɛ. ³² Mi flin Lɔtu syɛ. ³³ Omɛ xeni le din na wlin ogbɛ etɔ gan na buyi, wɛ omɛ xeni le din na bu ogbɛ etɔn do yɔn wutu na mɔ ogbɛ yi. ³⁴ Un le ɖɔ ni mi xɔn, le san nɛ lɛye mɛ, omɛ awe na mlɔn ozan lokpo ji wɛ ye na ze omɛ lokpo bo na jo omɛ awe gɔ do. ³⁵ Nyɔnnu awe na le li onu xɔn wɛ ye na ze omɛ lokpo bo jo omɛ awe gɔ lɔ do. ³⁶ Omɛ awe na le glegbo wɛ na ze omɛ lokpo bo na jo omɛ awe gɔ lɔ do. ³⁷ Wɛ ye kɛn se ɖɔ: bɔ wɛ? wɛ e yi ogbe na ye ɖɔ: Ofi xena omɛ kuku ye le, ofi nɛ ke wɛ oxɛ xeni nɔ ɖu olan can lɛye nɔ wa kplido.