¹ Odin, takwɛjɔtɔye kpodo ohwɛ hu tɔye wa Jesu de bo le ɖo oto Mawu we oxo xɔn. ² Falizinu lɛye kpodo osɛnkplan omɛ tɔye kpo le kɔn acɔn do Jesu go xɔn ɖɔ: Omɛ xe nɔ ɖu onu xa ohwɛ hu tɔye a bo gɔ y ye. ³ Jesu ka le do olo na ye ɖɔ: ⁴ Mɛkɛ le mi mɛ, na omɛ lɔ do lɛngbɔ Sandi lokpo wɛ lokpo ka bu le ye mɛ, bo ma le jo gbokpwe do xɔn kaka bo na do yi lokpo gee lɔ din gbe? ⁵ Wɛ na e nyi mɔ lɛngbɔ lokpo lɔ, kpodo aya jijwɛ kpo wɛ e nɔ ze lɛngbɔ lɔ do abata. ⁶ Na e lɛ kɔ wa oxwe etɔn gbe, e nɔ kple omɛye ɖɔ, mi wa jaya xa-un do lɛngbɔ ce xeni bu, un o wɛ yi mɔ-ɛ. ⁷ Jesu ɖɔ, aya jijwɛ le sɛxwe na omɛ lokpo lɛvɔjɔ hugan omɛ kanwe fɔtɔn nukun ɛnɛ xeni yi dodo nɔ bo ma gɔ le lɛvɔjɔ xɔn gɛ. ⁸ Hugan, nyɔnu xeni ɖo kɔbɔ gan etɔn awo bo wɛ bu lokpo gee le e mɛ e nɔ ta zogbin, a bo gɔ za oxwe lɔ gbe kaka bo mɔ nɔ wa yi mɔ kɔbɔ lɔ? ⁹ Na e ka yi mɔ kɔbɔ etɔn, e nɔ ylɔ hadwe etɔn lɛye ɖɔ mi wa jaya xa-un, ɖo un mɔ kɔbɔ ce xeni o bu san lɔ. ¹⁰ Jesu le tɛ oɖɛ e ji xɔn ɖɔ: Aya jijwɛ nɔ le sɛxwe na ohwɛ hutɔ lokpo mɔ wlingan. ¹¹ Jesu ɖɔ: Dahwe ɖe ɖo sunuglo awe, ¹² Wɛ, omɛ vu lɔ ɖɔ na otɔ ɖɔ, man dɔkun ce na-un, wɛ otɔ lɔ ma-ɛ do awe. ¹³ Omɛ vu lɔ, bɛ dɔkun etɔn lɛye kpokpo bo sin oto dindin ɖe mɛ. E yi zan dɔkun lɔ do ogbɛ nyinyla mɛ kpodo oga lɔ tɔye kpo. ¹⁴ Xena e zan dɔkun etɔn lɛye kpokpo vɔ, xovɛ ɖaxo ɖe wa oto xe mɛ na ovi lɔ ɖe lɔ mɛ, wɛ e gɔ jɛ dɔkun lɔ we hudo ɖiɖo ji. ¹⁵ Bo wa yi din ozɔn le otoxo ɖe mɛ, wɛ ye ɖo-e do xlan nukan mɛ, wɛ e na nyi na onuɖuɖu hanviye. ¹⁶ Xovɛ ci, wɛ e nɔ jlo na ɖu hanvi we onuɖuɖu lɛye bo mɔ nɔ kpego gɛ. ¹⁷ Xena ovi sunuglo lɔ wa byɔ eɖe mɛ, e le ɖɔ le eɖe mɛn xɔn ɖɔ: ozɔn watɔ susu wɛ le atɛye de, un ka le fie kpodo hovɛ kpo. ¹⁸ Na lɛ le fi, bo na yi atɛye ɖe, bo na ɖɔ ni-i ɖɔ: otɔ, un hu ohwxɛ do Mawu, bo gɔ hu ohwɛ do yɔ can gba. ¹⁹ Un ma gɔ jɛxa na nyi ovi tɔwe gɛ, odin, ze-un do blo omɛ ozɔn watɔ tɔwe lɛye. ²⁰ Lemɔhake wɛ ovi sunglo lɔ lɛ okɔ do wa otɔ de, wɛ otɔ ka mɔ-ɛ do xlan bo ku lɛblanu ni-i bo gɔ kisi ni-i. ²¹ Ovi sunuglo e nɛ lɔ ɖɔ na otɔ lɔ ɖɔ: Un hu ohwɛ do Mawu bo gɔ hu ohwɛ do yɔ can, odin un ma jɛ ha na gɔ nyi ovi tɔwe gɛ. ²² Otɔ lɔ ka ɖɔ na omɛ sintɔ etɔn lɛye ɖɔ: mi ze awu do wa ble-un bo ze alɔganvi kpodo fɔkpa kpo do wa ni na ni a do. ²³ Odin, mi ze kanlin xe do oju ganji bo hu ni-i na mi a do ɖu oxwe. ²⁴ Ɖo, ovi ce xe oku osan bo gɔ wa wɛ ye mɛ sese kpo le jaya. ²⁵ Hwenɛnu, fofo etɔn lɛkɔ sɔn oglemɛ bo le se onu xixo gbe xɔn kpodo axwa ye kpo. ²⁶ E wa ylɔ omɛ sintɔ otɔ tɔn lokpo, bo kinse ɖɔ: A ni wɛ nyi onu xeni le jɔ xɔn? ²⁷ Omɛ sintɔn otɔ tɔn lɔ ka yi ogbe ni ɖɔ: A nɔwevi wɛ kekɔ wa xwe gbe lanmɛ le ganji, e wɛ zɔn atɔwe do hu kanlin wɛ omɛ lɛye sese do le jaya xɔn. ²⁸ Xena ovi mɛxo lɔ se oxogbe e nɛ lɔ, e sin xomɛ bo ɖyɔ nukun mɛ wɛ otɔ lɔ ka wa bo sa ovo ni-i. ²⁹ Vɔ, ovi lɔ ka yi ogbe na otɔ lɔ ɖɔ: E o blo xwenu susu wɛ un le okpɔ xa we, bo gɔ se otonu na we, co a ka ma wa onu nɛ lɛye ti na-un gɛ, ma hu kanlin lokpo tesu na-un wɛ do jawa xa xhadwe ce lɛye gɛ. ³⁰ Vɔ, xena ovi tɔwe wa din, omɛ xeni ma se otonu na we gɛ bo zan ogbɛ nyinyla bo zan dɔkun tɔwe do galɔtɔ lɛye we xwegbe vɔ din, a gɔ wa hu kablin ojunɔ ni-i. ³¹ Otɔ lɔ ka yi ogbe ni-i ɖɔ: Ovi ce, a ka le okpɔ xa-un tɛgbɛ, dɔkun ce lɛye tɔwe wɛ e nyi. ³² Vɔ, e yɔn na mi a jaya, ɖo anɔwevi xena un mɔ lɔ e o ku, bo bu, odin e gɔ wa wɛ mi gɔ wa mɔ-ɛ.